اقىلدى قۇستار
اقتوبە وبلىسى، شالقار اۋدانىنىڭ
«وقۋشىلار سارايى» ءمم-نىڭ
«جاس ناتۋراليست» ۇيىرمەسىنىڭ وقۋشىسى: جالعاس ۇلجان مالىك قىزى
جەتەكشىسى: ماناسبايەۆا اكبوتا كۋنايەۆنا
جەر بەتىندە قۇستاردىڭ 8600 ءتۇرى بار. ولاردىڭ باسقا جانۋارلار توبىنان ەرەكشەلىگى - ۇشۋ قابىلەتىنىڭ بارىندا. وسى قۇستاردىڭ ىشىندە ادامدارمەن قارىم-قاتىناسقا ءزارۋ، اقىلدى، قۋانىش سىيلاي بىلەتىن قۇستار بار. ارينە، ولار - توتىقۇستار. توتىقۇستاردىڭ باسقا قۇستاردان ايىرماشىلىعى - اقىلدىلىعىندا. ولاردىڭ ويلاۋ قابىلەتى ءۇش جاسار بالانىڭ ويلاۋ قابىلەتىمەن بىردەي ەكەن. ەڭ عاجابى توتىقۇستار ادام سياقتى سويلەي الادى. اۆستراليادا توتىقۇستاردى وقىتاتىن مەكتەپ ورنالاسقان. توتىقۇستاردىڭ بىرنەشە تۇرلەرى بار. ولار: بۇيرا توتىقۇس، كاكادۋ، كورەللا، قىزىل ارا، نەستور، سۇرى جاكو، كەا، ت.ب. نەستور، كەا توتىقۇستارى جىرتقىش توتىقۇستارعا جاتادى. ولاردىڭ تۇستىك رەڭىنىڭ ءوزى ەرەكشە.
توتىقۇستاردىڭ جاسىن، جىنىسىن اجىراتۋعا بولادى. جاسىن كوزىنىڭ قاراشىعىنا، قاناتتارىنىڭ تۇستەرىنە جانە دە قۇيرىقتارىنىڭ ۇزىندىعىنا قاراپ اجىراتۋعا بولادى. ال جىنىسىن تۇمسىعىنا قاراپ اجىراتامىز. ولاردى ۇيدە ۇستاۋ ءقازىر قولجەتىمدى بولىپ وتىر.
توتىقۇستار ەرەكشە جاراتىلىس بولىپ تابىلادى. قازىرگى ۋاقىتتا ولاردىڭ 72 ءتۇرى قىزىل كىتاپقا ەنگىزىلگەن. سوندىقتان وسىنداي ادەمى جاراتىلىستى قورعاپ قالۋ - وسى زاماننىڭ وزەكتى ماسەلەسى.
You Might Also Like
-
ق ر ۇكىمەتى «بولاشاق» ستيپەندياسىن تاعايىنداۋ ءۇشىن ۇمىتكەرلەردى ىرىكتەۋ قاعيدالارىنا وزگەرىستەر ەنگىزدى.
