قازاقستاننىڭ جوعارى وقۋ ورىندارى مەملەكەتتىك بيۋدجەتكە سالماق سالماۋلارى ءتيىس - د.نازاربايەۆا
ق ر پرەمەر-مينيسترىنىڭ ورىنباسارى داريعا نازاربايەۆا قازاقستاننىڭ جوعارى وقۋ ورىندارى مەملەكەتتىك بيۋدجەتكە سالىناتىن سالماقتى ازايتۋلارى ءتيىس دەپ سانايدى.
ءبىزدىڭ مىندەتىمىز، ۇكىمەتتىڭ ماقساتى - ينستيتۋتتار، ۋنيۆەرسيتەتتەر ءبىزدىڭ ەلىمىزگە جانە ەكونوميكامىزعا بارىنشا ءتيىمدى جۇمىس ىستەۋىن قامتاماسىز ەتۋ بولىپ تابىلادى. سونداي-اق ولاردىڭ مەيلىنشە كوممەرسيالانۋىنا قول جەتكىزىپ، مەملەكەتتىك بيۋدجەتكە سالىناتىن سالماعىن ازايتۋ. سولاي ءادىل بولار ەدى. مەملەكەت بۇل ماسەلەدە زاڭ شىعارۋشى، ول رەتتەۋشى، مامانداردى قاي باعىتتا دايارلاۋ قاجەتتىگىن كورسەتىپ تۇراتىن سىلتەۋشى عانا. مەملەكەت گرانتتار، ۆاۋچەرلار ارقىلى نارىقتاعى ەڭبەك نارىعىن قاجەتتى باعىتتا بۇرىپ وتىرادى. قالعانىنىڭ بارلىعى - جوو-نىڭ قولىندا»، - دەدى ول بۇگىن استاناداعى ساكەن سەيفۋللين اتىنداعى قازاق اگروتەحنيكالىق ۋنيۆەرسيتەتىنە جاساعان ساپارى كەزىندە.
«ءبىز بوي تۇزەپ كەلە جاتقان باتىس ۋنيۆەرسيتەتتەرىندەگى اۆتونوميا، بۇل - قارجىلىق باسقارۋ، بيۋدجەت، وقۋ ورىندارىن دامىتۋ ءۇشىن باسىمدىقتاردى تاڭداۋ سالاسىنداعى وتە ايقىن جانە اشىق، دەموكراتيالىق باسقارۋ جۇيەسى بولىپ تابىلادى. ياعني ەلدەگى عانا ەمەس، جاھانداعى ەكونوميكالىق پروسەستەردىڭ ناقتى ۇيلەسىمىن تاۋىپ وتىرۋ شارت. ونىڭ ۇستىنە مۇنداي ۋنيۆەرسيتەتتەردىڭ بيۋدجەتى نەگىزىنەن مەملەكەتتىك ەمەس كوزدەردەن قالىپتاسادى. بۇل مەنىڭشە، باستى شارت. اسىرەسە ءبىزدىڭ جاعدايىمىزدا»، - دەدى د.نازاربايەۆا.
You Might Also Like
-
قازاقستاندا ءبىلىم بەرۋ گرانتتارىن ۆاۋچەرلەرگە الماستىرۋ مۇمكىن. بۇل تۋرالى بۇگىن جوو رەكتورلارىمەن كەزدەسۋى كەزىندە ق ر ءبىلىم جانە عىلىم ءمينيسترى ەرلان ساعادييەۆ ءمالىم ەتتى.
