InfoHub Logo

ءوزiن - ءوزi تانۋ ساباعىنىڭ جوسپارى
تاقىرىبى: اقىلدى تىڭداي ءبىلۋ دە ونەگە

ماقساتى: دۇرىس ارەكەت قۇندىلىعى تۋرالى مالىمەت بەرۋ
مىندەتتەرى: وقۋشىلارعا دۇرىس ارەكەت قۇندىلىعى تۋرالى تۇسىنىك بەرۋ، ونىڭ ادام ومىرىندەگى ماڭىزدىلىعىن اشىپ كورسەتۋ.
اقىلدى تىڭداي ءبىلۋدىڭ ومىردەگى ماڭىزدىلىعىن، اقىلدى تىڭداي ءبىلۋ ىسكەرلىكتەرىن دامىتۋ.
قامقورلىق، ىزەتتىلىك، كىشىپەيىلدىلىك، سىيلاستىق قاسيەتتەرىن كورسەتە بىلۋگە تاربيەلەۋ. رەسۋرستار: (ءۇنتاسپا، قيىلعان جۇرەكشەلەر

ۇيىمداستىرۋ كەزەڭى
تىنىشتىق ءساتى؛ باياۋ اۋەن تىڭداي وتىرىپ جاساۋ. «كۇننىڭ نۇرى»
ىڭعايلانىپ وتىرىڭىزدار، دەنەلەرىڭىزدى ءتۇزۋ ۇستاڭىزدار. اياق - قولىڭىزدى ايقاستىرماڭىز. قولىڭىزدى تىزەڭىزگە نەمەسە ۇستەلگە قويۋعا بولادى. كوزدەرىڭىزدى جۇمۋلارىڭىزدى وتىنەمىن.
ەلەستەتىپ كورىڭىز: كۇن نۇرى ءسىزدىڭ توبەڭىزدەن ءوتىپ، كەۋدەڭىزگە قاراي بويلاپ بارادى. كەۋدەڭىزدىڭ ورتا تۇسىندا گۇل تۇينەگى ورنالاسقان. گۇلدىڭ تۇينەگى نۇردان باياۋ اشىلىپ كەلەدى. بالعىن جانە تازا اسەم گۇل ءسىزدىڭ ءار ويىڭىزدى، ءار سەزىمىڭىزدى، ەموسياڭىز بەن تىلەك - قالاۋىڭىزدى شايىپ، جۇرەگىڭىزدىڭ قاۋىزىن اشتى.
نۇر ساۋلەسى ءسىزدىڭ بويىڭىزعا اقىرىن تاراي باستاعانىن ەلەستەتىڭىز. ول بىرتىندەپ كۇشەيە تۇسۋدە. ويمەن وسى نۇردى قولدارىڭىزعا ءتۇسىرىڭىز. ءسىزدىڭ قولدارىڭىز نۇرعا بولەنىپ، ساۋلە شاشۋدا. قولىمىز تەك جاقسى، ىزگى ىستەر ىستەيدى جانە بارشاعا كومەكتەسەدى. نۇر اياقتارىڭىزعا تارادى. اياقتارىڭىز نۇر ساۋلەسىن شاشۋدا. ولار ءسىزدى تەك جاقسىلىق جاساۋ ءۇشىن جاقسى جەرلەرگە اپارادى. ولار نۇر مەن ماحاببات قۇرالىنا اينالدى.
ودان ءارى نۇر ءسىزدىڭ اۋزىڭىزعا، تىلىڭىزگە تارادى. ءتىلىڭىز تەك شىندىقتى جانە جاقسى، ىزگى سوزدەر عانا ايتادى. نۇردى قۇلاقتارىڭىزعا باعىتتاڭىز، قۇلاقتارىڭىز تەك جاقسى ءسوز بەن اسەم اۋەندى عانا ەستيدى. نۇر كوزدەرىمىزگە دە جەتتى، كوزىمىز تەك جاقسىعا قاراپ، بارىنەن جاقسىلىقتى عانا كورەدى. ءسىزدىڭ باسىڭىز تۇگەلدەي نۇرعا بولەنىپ، باسىڭىزعا تەك ىزگى، ساۋلەلى وي كەلەدى.
نۇر بىرتە - بىرتە قارقىن جانە شۇعىلانا باستايدى، ءسىزدىڭ دەنەڭىزدەن شىعىپ، جان - جاعىڭىزعا ساۋلە شاشادى. وسى نۇردى تۋىسقاندارىڭىزعا، مۇعالىمدەرىڭىزگە، دوستارىڭىزعا، تانىستارىڭىزعا باعىتتاڭىز. نۇردى ۋاقىتشا تۇسىنىسپەي، رەنجىسىپ جۇرگەن ادامدارعا دا باعىتتاڭىز، ولاردىڭ دا جۇرەگى نۇرعا تولسىن.
وسى نۇر بۇكىل الەمگە: بارلىق ادامدارعا، جان - جانۋارلارعا، وسىمدىكتەرگە، بارلىق ءتىرى جانعا تارالسىن... عالامنىڭ بارلىق تۇپكىر - تۇپكىرىنە نۇر باعىتتاڭىز. ويشا ايتىڭىز: «مەن نۇرلىمىن... نۇر مەنىڭ ىشىمدە... مەن نۇرمىن».
- وسىنداي نۇر، ماحاببات جانە تىنىشتىق كۇيىندە وتىرا تۇرىڭىز...
- ەندى وسى نۇردى جۇرەگىڭىزگە ورنالاستىرىڭىز. نۇرعا تولى بۇكىل الەم ءسىزدىڭ جۇرەگىڭىزدە. ونى وسىنداي اسەم قالىپتا ساقتاڭىز.
- جايمەن كوزىڭىزدى اشۋعا بولادى.
- راحمەت.
كىم ءوزىنىڭ اسەرىمەن بولىسكىسى كەلەدى؟

ءۇي تاپسىرماسىن تەكسەرۋ. قورادا مالىڭ بولسىن، كوشەدە تالىڭ بولسىن. س. اقايەۆ
سۇراقتار: قورادا مالىڭ بولسىن، كوشەدە تالىڭ بولسىن دەگەن ءسوزدى قالاي تۇسىنەسىڭدەر؟
بالالارىنىڭ جاۋاپ سوزدەرى سىزدەرگە قانداي وي سالدى؟
بالالارىنا ايتقان اكە وسيەتىنىڭ ءمانى نەدە؟
بالالاردىڭ اكە ءسوزىن تىڭداي بىلگەننىڭ ارقاسىندا قانداي دارەجەگە جەتكەندىگى تۋرالى ءوز ويىڭدى ءبىلدىرىپ كور.
ءومىردىڭ ءمانى نەدە؟ ومىرلىك ۇستانىمدارىڭ تۋرالى وي ءبولىسۋ

دايەكسوز: اتا - اناڭنىڭ اقىلى
سايراپ جاتقان جولمەن تەڭ
اقىلدىنىڭ اقىلى
سارقىلمايتىن كولمەن تەڭ. (حالىق ماقالى)
ماعىناسىن اشۋ. 2 رەت ۇل بالالارعا، 2 رەت قىز بالالارعا قايتالاتۋ
ەندەشە ءبىزدىڭ بۇگىنگى ساباعىمىزدىڭ تاقىرىبى نە تۋرالى بولۋى مۇمكىن دەپ ويلايسىزدار؟
ارينە اقىل تۋرالى.
جاڭا ساباق: اقىلدى تىڭداي ءبىلۋ دە ونەگە

اڭگiمەلەۋ ونەگەلى ءومىر وسيەتى (ۆيدەو). تالداۋ
بالاعا “اباي” اتىنىڭ قويىلۋ سەبەبى نەدە؟
اباي اتاسىنا قانداي سۇراق قويدى؟
ابايدىڭ اتاسىنىڭ جاۋابى قانداي؟
اتا اجەلەرى ابايدان قانداي ءۇمىت كۇتەدى؟
اقىلدى تىڭداي ءبىلۋ، ويعا توقي ءبىلۋ، ىسپەن دالەلدەي ءبىلۋ قانشالىقتى ماڭىزدى؟
ادام بالاسىنا دۇرىس جولدى تاڭداي ءبىلۋ ءۇشىن نە كەرەك؟
ءوز ويلارىنان سۇراقتار تۋىنداسا وعان جاۋاپ بەرۋ كەرەك....

ويىن: مەن اقىلدى بالامىن، ويتكەنى...
شىعارماشىلىق جۇمىس.
تۇسكە بايلانىستى توپقا ءبولۋ. تاپسىرما: اقىل شىڭىنا جەتۋ ءۇشىن ماقال ماتەلدەردىڭ ماعىناسىن اشۋ، قورعاۋ.
توپپەن ءان ايتۋ. «مەن سۇيەمىن» ءانى: ۆ. پيتەرسيەۆ ءسوزى: س. جارقىنبەك
مەن سۇيەمىن انامدى،
ىزگىلىكپەن پەن ادالدىققا باۋلىدى
مەن سۇيەمىن اكەمدى
قورعان بولعان، ءوزىڭ سىندى اسىلدى
قايىرماسى:
مەن سۇيەمىن ەلىمنىڭ كەڭ دالاسىن،
ماقتانىشىم ومىردە ءبىر ءوزىڭسىڭ.
مەن سۇيەمىن، مەن سۇيەمىن تۋعان جەر،
ب ا ق داۋلەتتىڭ سىيى بولعان كوزىسىڭ.
مەن سۇيەمىن تاۋىمدى،
باۋرايىنان مولدىرەگەن ءنار اقتى.
مەن سۇيەمىن ەلىمدى،
تىلەۋمەنەن ءبىر وزىڭە باقىتتى.
قايىرماسى:
مەن سۇيەمىن دوسىمدى،
جاقسىلىقتى ورتاق بىزگە تىلەدى،
مەن سۇيەمىن ءبارىندى،
ماقتانىشپەن سۇيە بەرگىم كەلەدى.
قايىرماسى

ءۇي تاپسىرماسى: قىزعانىشتىڭ كەسىرى ج. بايبۇلانوۆانىڭ شىعارماسىن وقۋ
داپتەرمەن جۇمىستى ورىنداۋ
سوڭعى تىنىشتىق ءساتi. باياۋ اۋەن قويىلادى. وقۋشىلار دەنەسىن، باسىن تىك ۇستاپ، كوزىن جۇمىپ وتىرادى. ءمۇعالىم ءجاي داۋىسپەن:
«بۇگىنگى ساباعىمىزدى ەسىمىزگە تۇسىرەيىكشى. جاقسىنى ەستىپ، ايتىپ ءبارىمىزدىڭ كوڭىل – كۇيىمىز كوتەرىلدى. ءىسىمىز دە، ءسوزىمىز بەن ويىمىزداي، بولاتىنىنا سەنىمدىمىن. ساباقتا كورىنىس تاپقان جاقسى قاسيەتتەر جۇرەكتەرىمىزدە ساقتالىپ، ءىس جۇزىنە اسىرىلسىن. جاقسى وي ويلايىق، جاقسى ءسوز سويلەيىك، جاقسى ءىس جاسايىق! وسىنداي تىنىشتىقتا ءسال وتىرا تۇرايىق. قانداي جان تىنىشتىعى! ەندى جايلاپ كوزدەرىڭدى اشۋعا بولادى»
ساباق بارىسىن تالقىلاۋ: