InfoHub Logo

شىعىس قازاقستان وبلىسى، كۇرشىم اۋدانىندا اقىمشا دەگەن قۋ بولىپتى. مال دەگەندە ءبىر ات، ءبىر بۇزاۋلى سيىردان باسقا ەشنارسەسى جوق. شەشەن، تاپقىش، سوندىقتان بايمەن، بيمەن ءسوز تالاستىرىپ قالىسپايتىن كىسى ەكەن. ءبىر جىلى اقىمشا استىق ىزدەپ قازىرگى بولشونارنىي اۋدانى، بۇرىنعى نارىن بولىسى اڭداۋقۇل بۋرا دەگەن رۋدىڭ ەلىنە بارىپتى. سول ەلدىڭ ءبىر ءبيى كەزدەسىپ: «ەلدەرىڭدە جاقسى ات، جامان ات بار ما؟» — دەگەندە:

— جاقسى اتتان شونا بەكبايدىڭ كوك جورعاسى بار، جامان ات مىنا مەنىڭ كوك شولاعىم بار،—دەپتى. ءبىراز توقتالىپ «ەلدەرىنىڭ قالى قانداي؟» دەيدى ەكەن.

— ەلىمىز باسىن كوتەرىپ جانە سورپاعا قارادى، — دەگەن ەكەن. بەتىنە قاراپ تۇرىپ ساعان بولماس دەگەندەي ءجۇرىپ كەتىپتى. ول جاقسى، ات جامان ات دەگەندە جاقسى، جامان حاباردى سۇراعان. وعان ءوزى اتى مەن بەكبايدىڭ جاقسى اتىن ايتادى.

ەلىمىز باسىن كوتەرىپ تۇگەل سورپاعا قارادى دەگەنى — استىق جوق، ىلعي مال ەتىمەن جان ساقتاپ سورپا ءىشىپ وتىر ەكەن دەيدى. باسىن جاڭا كوتەردى دەگەنى — ىشتەرىنە ءدان بارماعان سوڭ، سورپا مەن ەت تاماق بولماي جاتىپ، جاتپاسا بۇرالىپ، توسەك ۇستىنەن تۇسپەي وتىرادى ەكەن. مۇنى اڭداۋقۇلدىڭ ءبيى ءتۇسىنىپ، اقىمشانى شاقىرىپ الىپ ات مىنگىزىپ، ءبىر كولىك استىق بەرەدى.

 

---