اقشا ەرىپ كەتتى
دوستار جازدىڭ ءبىر ىستىق كۇنىندە سىرنە جاساپ، پالاۋ پىسىرەدى.
— ە-ە، — دەيدى بىرەۋى، — بىزدە پالاۋ بار بولعانىمەن، شاي، كامپيت-كۇلشە، قاۋىن-قاربىز جوق قوي.
ولار وتىز تەڭگەدەن جينايدى دا:
— پالاۋ ءپىسىپ بولعانشا، بازارعا بارىپ، نە كەرەكتىڭ ءبارىن الىپ كەل! — دەپ اپەندىدەن وتىنەدى.
اپەندى بازارعا كەتەدى. بازار وتە الىس، كۇن بولسا قاپىرىق. شارشاعان اپەندى ءبىر اعاشتىڭ تۇبىنە وتىرىپتى دا، قيسايىپ ۇيىقتاپ كەتەدى. ويانا كەتسە، كەش بولىپتى. بازار تاراپ كەتكەن. امالسىزدان دوستارىنا قۇر قول قايتىپ كەلەدى. ال دوستارى بۇل كەتە سالىسىمەن پالاۋدى جەپ كويىپتى.
— پالاۋ قايدا؟ — دەيدى اپەندى.
— كۇن ىستىق بولىپ، پالاۋ ەرىپ كەتىپتى، ال ءبىز دەر كەزىندە قاراماپپىز. اۋ، كامپيت-كۇلشە، قاۋىن-قاربىز قايدا؟ — دەيدى ولار دا.
— مەن ىستىقتا كۇيىپ-جانىپ جۇرگەندە، جيناپ بەرگەن وتىز تەڭگەلەرىڭ دە قالتامدا ەرىپ كەتىپتى، — دەپتى سوندا اپەندى.
You Might Also Like
-
قوجاناسىر اپەندى جەر جىرتىپ ءجۇرىپ التىن تولعان قۇمىرا تاۋىپ الادى. شاريعاتتىڭ زاڭى بويىنشا، تاۋىپ العان كومبەنىڭ جارتىسىن ءامىردىڭ قازىناسىنا بەرۋ ءۇشىن اپارۋ كەرەك. قۇمىرانى الىپ اپەندى تازا كيىم كي...
-
سىلەسى قاتىپ شارشاعان، ءارى قارنى اشقان اپەندى قالادان كەلە جاتىپ، دەمالىپ، الدەنىپ الۋ ءۇشىن داۋىد دەگەن اۋىلداعى ءبىر تانىس بايدىڭ ۇيىنە سوعادى. ءۇي يەسى ۇلكەن جىبەك داستارحان جايادى، ءبىراق ۇلكەن قىپ ...
