قوناقجايلىلىق
سىلەسى قاتىپ شارشاعان، ءارى قارنى اشقان اپەندى قالادان كەلە جاتىپ، دەمالىپ، الدەنىپ الۋ ءۇشىن داۋىد دەگەن اۋىلداعى ءبىر تانىس بايدىڭ ۇيىنە سوعادى. ءۇي يەسى ۇلكەن جىبەك داستارحان جايادى، ءبىراق ۇلكەن قىپ تاباقتاعى سۇتتەن باسقا ەشتەمە قويمايدى. مىناداي قوناقجايلىلىققا اڭ-تاڭ بولعان اپەندى اقىرىن عانا جان-جاعىنا قاراپ وتىرادى. ال ءۇي يەسى قولىن جۇرەگىنە قويىپ:
— مارحابات، ايران، قاتىق، ماي، سۇزبەدەن ءدام اۋىز ءتيىڭىز، الىڭىز، قىمباتتى قوجا! — دەيدى.
ءسۇتتى ازەر ىشكەن اپەندى بايمەن قوشتاسىپ، الدى-ارتىنا قاراماي تۇرا جونەلەدى. كوپ ۋاقىت وتپەي-اق ءبىر كۇنى سول باي دا قوجاناسىرعا قوناق بولىپتى.
— مارحابات، مارحابات، — دەپ اپەندى دە قۇراق ۇشادى، قالىڭ كورپەلەردى توسەپ، شىتپاعىنا قۇس جاستىق تاستايدى، ال تاماقتان ءجۇزىمنىڭ ءبىر ءۇزىم شوعىن عانا بەرەدى.
بايدىڭ ءجۇزى كۇرەڭتىپ كەتەدى. اپەندى بولسا:
— الىنىپ! ءدام تاتىنىپ اسا قۇرمەتتى باي! مۇندا ءبارى دە بار: تاماشا شاراپ، كۇشتى ءجۇزىم اراعى، بال، كەپكەن مەيىز، مەيىز الۋاسى، ءشاربات، الىڭىز، ۇيالماڭىز! — دەگەن ەكەن.
You Might Also Like
-
ءبىر كۇنى قوجاناسىر قالادان كەتپەكشى بولادى. ونىڭ تۇيەسى بار ەدى. «تۇيەگە ءمىنىپ ساياحات جاساعان جاقسى عوي» دەپ ويلاندى ول.
