InfoHub Logo

ءبىر كۇنى ەكى ادام داۋلاسىپ جۇقاعا كەلەدى. داۋگەر جۇقاعا:

— قازى مىرزا، مەن تۇسىمدە اقشا ساناپ جاتقانىمدا مىنا ادام سول اقشامنىڭ داۋىسىن الىپ الدى. ەندى قايتارىپ بەر دەسەم، كونبەي جاتىر، — دەيدى.

جۇقا ءبىر قاۋىم ويلانىپ وتىرىپ بارىپ، ايىپكەرگە:

— سەن بارىپ ءبىر دوربا اقشا الىپ كەل، — دەيدى. ول ءبىر دوربا اقشا اكەلىپ جۇقاعا ۇستاتادى. جۇقا ەكەۋىن وتىرعىزىپ قويىپ تەڭگەنى سىڭعىرلاتىپ وتىرىپ ساناپ شىعادى. ساناپ بولىپ، داۋگەرگە:

— اقشانىڭ سىڭعىرىن ەستىدىڭ بە؟ سەن سول داۋىستى الىپ كەت، — دەيدى.

سونان سوڭ ايىپكەرگە:

— ال ەندى سەن اقشاڭدى ءوزىڭ اكەت، بۇل داۋدىڭ كەسىمى وسىمەن اياقتالسىن، — دەيدى. ءسويتىپ، العاشقى داۋگەر ءلام-ميم دەي الماي ءوز جولىنا تۇسەدى.

 

---