InfoHub Logo

ماقساتى: وقۋشىلاردىڭ ماتەماتيكا پانىنە دەگەن قىزىعۋشىلىعىن ارتتىرۋ، ىنتالاندىرۋ، ماتەماتيكا ءپانىن ومىرمەن بايلانىستىرۋ.
ءادىسى: ويىن جۇرگىزۋ، ءوزارا جارىس.
كورنەكىلىگى: 1. پوەزد - ءۇش ۆاگوننان تۇرادى.
2. انىقتاما ءبولىمى.
3. كاسسا.
4. «كوسموسقا ۇشۋ» ويىنى.
5. بەتشەلەردەگى ەسەپتەر.
6. اكۆاريۋمداعى بالىقتار.
7. ەسەپتەر، رەبۋس، جۇمباق.

جوسپارى: 1. ۇيىمداستىرۋ.
2. پوەزعا بيلەت الۋ.
3. جولاۋشىلار اراسىنداعى سايىس.
4. قورىتۋ.
ءجۇرىسى: قۇرمەتتى ۇستازدار، وقۋشىلار! بۇگىن 7 - سىنىپتار اراسىندا وتەتىن «اقتاۋ - استانا» باعىتى بويىنشا «مەكتەپ - ءبىلىم» ماتەماتيكالىق ويىنىن باستايمىز.

1 - جۇرگىزۋشى. ۋا، جاراندار، جاراڭدار،
مىنا بىزگە قاراڭدار.
بولمەدە ءبىزدىڭ تىنىشتىق،
ەستىلمەيدى دىبىس تۇك.
مۇنى ءبىز دە قوشتايمىز.
كەشىككەندى توسپايمىز.
عىلىمداردىڭ عىلىمى،
ماتەماتيكا جايىندا،
ويىنىمىزدى باستايمىز.

جۇرگىزۋشى – 2. ويىنعا قاتىسۋشى وقۋشىلار كەلىپ، تاپسىرمالارىن الۋعا بولادى. تاپسىرمانى الىپ، ورىندارىنان شىعارىپ، انىقتاما بولىمىنە تاپسىرادى. (15 ۇپاي جيناعاندار كۋپەگە، 12 ۇپاي جيناعاندار پلاسكارتقا 8 ۇپاي جيناعاندار جالپى ۆاگونعا بيلەت الادى). وسى ۇپاي سانى بويىنشا كاسسادان بيلەت الادى.
جۇرگىزۋشى: (3 رەت قوڭىراۋ سوعادى). ويىنشىلار جولسەرىككە بيلەتتەرىن كورسەتەدى دە ۆاگونعا وتىرادى.

1 - جۇرگىزۋشى. ءومىر دەگەن كوك مۇحيتتىڭ تولقىنى،
ءبىر - بىرىمەن جاتقان شۋلاپ، جالعاسىپ،
ءبىر - بىرىمەن جاتقان تۋلاپ، ارباسىپ،
و، تولقىندار ارپالىسىپ العا شىق -
دەپ اقىن جىرلاعانداي، ەندەشە قاي توپ العا شىعار ەكەن.
كۋپەدەگىلەر - «العىرلار»، پلاسكارتتاعىلار - «تاپقىرلار»، جالپى ۆاگونداعىلار «ويشىلدار» توبى.

2 - جۇرگىزۋشى. تىڭداڭىزدار، تىڭداڭىزدار «اقتاۋ - استانا» باعىتى بويىنشا «مەكتەپ - ءبىلىم» پوەزى جولعا شىقتى.
ويىنشىلار(اندەتىپ).
ونەر قۋعان ماتەماتيك جاستارمىز،
ەسەپتەردى لەزدە شەشىپ تاستايمىز.
كوماندالىق ىلعي تاپقىر، قىراندار،
جارىسۋعا كەلىپ تۇرعان ۇلاندار.

1 - جۇرگىزۋشى. تىڭداڭىزدار، تىڭداڭىزدار «مەكتەپ - ءبىلىم» پوەزى «بالىقشىلار ستانسياسىنا» كەلىپ توقتادى. بۇل ستانسيادا «بالىق اۋلاۋ» ويىنى ويناتىلادى. ءار توپتان ءبىر وقۋشى كەلىپ بالىق اۋلايدى، ياعني بالىقتاعى ەسەپتى شىعارادى. (بالىق اۋلاۋ ويىنى).
2 - جۇرگىزۋشى. تىڭداڭىزدار، تىڭداڭىزدار «مەكتەپ - ءبىلىم» پوەزى جولعا شىقتى.
ويىنشىلار: ءبىلىم قۋعان ءبىز وقۋشى ۇلاندار،
كەلىپ تۇرعان جارىسۋعا قىراندار.
ەسەپ دەسە ىشكەن اسىن قوياتىن،
ءبىز بولامىز ماتەماتيك ۇلاندار.

1 - جۇرگىزۋشى. تىڭداڭىزدار، تىڭداڭىزدار «مەكتەپ - ءبىلىم» پوەزى «جۇمباق» ستانسياسىنا كەلىپ توقتادى. بۇل ستانسياسى جۇمباق شەشەمىز. (ءۇش توپقا ءۇش ءتۇرلى جۇمباق بەرىلەدى)
2 - جۇرگىزۋشى. تىڭداڭىزدار، تىڭداڭىزدار «مەكتەپ - ءبىلىم» پوەزى جولعا شىقتى.
ويىنشىلار: شاقىرىپ جارىستارعا سان سالالى،
ۇلاندار توپ جارعالى جار سالادى.
تۋ ەتىپ دوستىق پەنەن تاتۋلىقتى،
قارسىلاس كومانداسىن قارسى الادى.

1 - جۇرگىزۋشى. تىڭداڭىزدار، تىڭداڭىزدار «مەكتەپ - ءبىلىم» پوەزى «ويىن» ستانسياسىنا كەلىپ توقتادى. بۇل ستانسيادا «كوسموسقا كىم ۇشادى؟» ويىنى وينالادى، ەسەپتى قاي توپ دۇرىس شىعارسا، سول ۇشۋ كەرەك. ( «كوسموسقا كىم ۇشادى؟» ويىنىندا دوڭگەلەكشەلەرگە ەسەپتىڭ شارتى جازىلىپ، №3 ەسەپكە جەتىپ شىعارعان توپ كوسموسقا ۇشادى).
2 - جۇرگىزۋشى. تىڭداڭىزدار، تىڭداڭىزدار «مەكتەپ - ءبىلىم» پوەزى ءوز ساپارىن جالعاستىرادى.
ويىنشىلار: ۇلاندار بيىكتەردە قالىقتاسىن،
جەڭىسپەن كوك جۇزىندە شارىقتاسىن.
جەڭىس تۋى جەلبىرەپ الاۋلاسىن،
بايگەنى بىزدەن ەشكىم الا الماسىن.

1 - جۇرگىزۋشى. تىڭداڭىزدار، تىڭداڭىزدار «مەكتەپ - ءبىلىم» پوەزى «رەبۋستار» ستانسياسىنا كەلىپ توقتادى. مۇندا ءۇش توپ رەبۋس شەشەدى.
2 - جۇرگىزۋشى. تىڭداڭىزدار، تىڭداڭىزدار «مەكتەپ - ءبىلىم» پوەزى جولعا شىقتى.
ويىنشىلار: دوستىق پەن بىرلىكتى ءبىز ەتىپ تۇلعا،
جەڭىسپەن جەتكەن ەدىك تالاي سىندا.
قارا قىلدى قاق جارىپ ءادىلقازىم،
ەڭبەگىن ۇلانىڭنىڭ ءادىل سىنا.

1 - جۇرگىزۋشى. تىڭداڭىزدار، تىڭداڭىزدار «مەكتەپ - ءبىلىم» پوەزى استانا قالاسىنا كەلىپ توقتادى.
2 - جۇرگىزۋشى. ءسوز ءادىل - قازىلار القاسىنا بەرىلەدى.
1 - جۇرگىزۋشى. قۇرمەتتى ۇستازدار، وقۋشىلار! «مەكتەپ - ءبىلىم» پوەزى ءوز ساپارىن اياقتادى. كەلىپ تاماشالاعاندارىڭىزعا كوپ - كوپ راحمەت، حوش ساۋ بولىڭىزدار.