InfoHub Logo

اقتاۋ جوعارعى وقۋ ورىندارىنىڭ بىرىندە جانجال شىقتى. وعان بىردەن 50 ستۋدەنتتىڭ ديپلومدىق جۇمىسىن قورعاي الماعانى سەبەپ بولعان دەپ حابارلايدى كتك ارناسى.

ديسسەرتاسيالار ءبىلىم مينيسترلىگىنەن كەلگەن كوميسسيانىڭ كوڭىلىنەن شىقپاي، كۇزدە قايتا تاپسىرۋعا جىبەرىپتى. ستۋدەنتتەردىڭ ديپلومدىق جۇمىستى قورعاي الماۋىنىڭ دا سەبەپتەرى بار ەكەن. سويتسە، ونى ەشقايسىسى جازا الماي، ساتىپ العان كورىنەدى.

اقتاۋ گۋمانيتارلىق-تەحنيكالىق ۋنيۆەرسيتەتىنىڭ ستۋدەنتتەرى كۇنى كەشە كوپتەن كۇتكەن ديپلومعا قول جەتكىزدىك دەپ ويلاعان. ءتىپتى ساۋىق كەشىنە قامدانىپ تا قويعان ەكەن. ءبىراق تەكسەرۋگە كەلگەن مەملەكەتتىك كوميسسيا بۇل جوسپاردىڭ تاس-تالقانىن شىعاردى. ويتكەنى، ستۋدەنتتەردىڭ ديپلومدىق جۇمىسى تالاپقا ساي ەمەس دەپ تانىلعان.

"ىشپەي-جەمەي، كيىنبەي ەڭبەك ەتىپ، وسى بالالار ەرتەڭ قارا جۇمىسشى بولماسىن، قولدارىندا ديپلوم بولسىن دەپ وقىتىپ جاتىرمىز. بۇل قالاي بولعانى، تۇسىنبەي وتىرمىن. ەڭبەگىمىز ەش كەتتى ما، بالالارىمىز قاڭعىپ وقىدى عوي"، - دەيدى راحاش بايتۇروۆا.

ءوز عىلىمي جۇمىستارىن تەك ساناۋلى ستۋدەنت قورعاي الىپتى. ال ءبىرىنشى كۇنى-اق 50 ديپلومدىق جۇمىستا كەمشىلىكتەر تابىلعان. ولاردىڭ قاتارىندا بولاشاق قارجىگەرلەر مەن قازاق ءتىلى ءپانىنىڭ مۇعالىمدەرى بار. ستۋدەنتتەر ۋنيۆەرسيتەتتە ءبىلىمنىڭ جوقتىعىنان ديپلوم جۇمىسىن ۇستازدارىنان ساتىپ العانىن اشىق ايتىپ وتىر.

«مىناۋ دۇرىس ەمەس» ساتىپ الدىڭدار دەيدى. ارينە، ءبىز ساتىپ الامىز. بىزدە ءبىلىم جوق. مىنا جاقتا دۇرىس ءبىلىم بەرگەن جوق. بىزگە باعىت-باعدار بەرەتىن عىلىمي جەتەكشى تاعايىندالعان جوق"، - دەيدى 4 كۋرس ستۋدەنتى جۇپار قۇلتايەۆا.

ال تاعى ءبىر 4 كۋرس ستۋدەنتىنىڭ ايتۋىنشا، كوميسسيا تەك، الماتىداعى ۋنيۆەرسيتەتتىڭ ماگيستراتۋراسىنا تۇسكەن جاعدايدا عانا ديپلومدارىن قابىلدايتىنىن ايتقان.

"الماتىدان كەلگەن كوميسسيا ديپلومدارىڭدى قابىلدامايمىن، وتپەيدى دەدى. الماتىداعى ۋنيۆەرسيتەتتىڭ ماگيستراتۋراسىنا تۇسەتىن بولساڭدار مەن قابىلدايمىن ديپلومدى. تۇسپەسەڭدەر قابىلدامايمىن دەدى" - دەيدى 4 كۋرس ستۋدەنتى گۇلنار تاجىقوجايەۆا.

اشۋلى ستۋدەنتتەر رەكتوردى جاعادان الۋعا دەيىن باردى. سەبەبى، ءبىلىم ساپاسىنا سول جاۋاپتى. ال جۇمىستاردى بىرىنەن سوڭ ءبىرىن قايتارعان كوميسسيا مۇشەلەرى بۇنداي دايىندىقتاعى بولاشاق ماماندار ءۇشىن جاۋاپكەرشىلىكتى ءوز موينىنا العىسى جوق.

الما ءتۇسىپوۆا، مەملەكەتتىك كوميسسيا مۇشەسى:

-پروستو وني سامي نە دەلالي ەتي رابوتى.

-نە سامي؟

-كونەچنو!

-ۆى سچيتاەتە چتو وني كۋپيلي ەتي ديپلومى؟

-زاپروستو! ۋ نيح ۆ گولوۆە دەنگي. كومۋ وني وتدالي پۋست وني ي وتۆەچايۋت. يزۆينيتە، ۆوت زا تاكوي بالوگان مەنيا پو گولوۆە نە پوگلاديات. مى سپەسياليستى ي نە يمەەم پراۆا دەلات تاكوگو. منە ستىدنو دەرجات تاكيە رابوتى ۆ رۋكاح.

دەگەنمەن ستۋدەنتتەرگە ءوز كەمشىلىكتەرىن تۇزەۋگە كۇزگە دەيىن ۋاقىت بەرىلدى. تەك ەندى ديپلومدىق جۇمىستى بولاشاق ۇستازدار مەن قارجىگەرلەردىڭ وزدەرىنە جازۋعا تۋرا كەلەدى.

---