ق ر بعم دەرەكتەر بانكىنە بالالار ۇيلەرىنىڭ تاربيەلەنۋشىلەرى جونىندە كەمسىتەتىن سيپاتتامالار ەنگىزگەندەردى جازالايدى
قازاقستان رەسپۋبليكاسى ءبىلىم جانە عىلىم مينيسترلىگى دەرەكتەر بانكىندەگى بالالار ۇيلەرى تاربيەلەنۋشىلەرى جونىندەگى تۋىندى اقپاراتقا ادامدى كەمسىتەتىن سيپاتتامالاردىڭ ەنگىزىلۋى بويىنشا قىزمەتتىك تەكسەرۋ جۇرگىزدى.
ۆەدوموستۆودان ءمالىم ەتكەندەي، اقپاراتتى 146 جەتىم-بالالار جانە اتا-اناسىنىڭ قامقورلىعىنسىز قالعان بالالارعا ارنالعان ۇيىمداردىڭ، ونىڭ ىشىندە دەنساۋلىق ساقتاۋ جانە الەۋمەتتىك دامۋ جۇيەلەرىنىڭ الەۋمەتتىك پەداگوگتارى دايىنداعان.
وسىعان بايلانىستى مينيسترلىك 8066 تاربيەلەنۋشىنىڭ دەربەس دەرەكتەرىن قايتا تەكسەردى.
قىزمەتكەرلەردىڭ ىس-ارىكەتتەرى بالالار قۇقىقتارىنىڭ بۇزىلۋىنا اكەلىپ سوقتىرعانىن ەسكەرە وتىرىپ مينيسترلىك الماتى، قاراعاندى، قوستاناي وبلىستارىنىڭ اكىمدىكتەرىنە اتالعان ولقىلىقتارعا جول بەرگەن قىزمەتكەرلەرگە شارا قابىلداۋ قاجەتتىگى تۋرالى حات جولداعان.
الماتى جانە قوستاناي وبلىستارى اكىمدىكتەرىنىڭ اۋىزشا بەرگەن اقپاراتتى بويىنشا، جاۋاپتى تۇلعالارعا سوگىس بەرىلدى.
الداعى ۋاقىتتا بالالار ۇيلەرى تاربيەلەنۋشىلەرىنىڭ دەربەس مالىمەتتەرىن جاريالاۋ ءىسى مينيسترلىك جانىندا قۇرىلعان قوعامدىق كەڭەستىڭ جۇمىسى شەڭبەرىندە باقىلانادى.
بۇگىنگى تاڭدا مينيسترلىك جەتىم بالالارعا ارنالعان ۇيىمداردا كادرلىق ساياسات بويىنشا كەشەندى جۇمىس جۇرگىزىپ جاتىر. بۇل جۇمىستىڭ باستى باعىتى - قىزمەتكەرلەردىڭ بىلىكتىلىگىن ارتتىرۋ. بالالار ۇيلەرى بىرتىندەپ وتباسىلاردى قولداۋ ورتالىقتارىنا اينالادى.
You Might Also Like
-
قازاقستان رەسپۋبليكاسىنىڭ ەلباسى ن. نازاربايەۆ «قازاقستان جولى-2050: ءبىر ماقسات، ءبىر مۇددە، ءبىر بولاشاق» اتتى جولداۋىندا: «ورتا ءبىلىم جۇيەسىندە جالپى ءبىلىم بەرەتىن مەكتەپتەردى نازا...
-
شۇبات — تۇيە سۇتىنەن دايىندالاتىن سۋسىن. شۇباتتى ءبىر قورلاندىرىپ الادى دا، ودان ءارى ەشقانداي اشىتقىسىز اشىتا بەرەدى. ءداستۇرلى قازاق قوعامىندا شۇباتتى تورسىقتا نەمەسە اعاش كۇبىدە اشىتقان. ول ب...
