اقتاۋلىق جاس ۇستاز لوندوندا 100 ەلدەن مۇعالىمدەر قاتىسقان بايقاۋدا توپ جاردى
اقتاۋلىق پەداگوگ لوندوندا وتكەن حالىقارالىق جارىستا توپ جاردى. وكسفورد قالاسىندا وتكەن بايقاۋدا قازاقستاندىق ۇستاز 100-دەن اسا مەملەكەتتەن كەلگەن مۇعالىمدەر اراسىنان ۇزدىك شىقتى.
وسىلايشا، ول انگلياعا ماگيستراتۋراعا وقۋعا گرانت ۇتىپ العان. الايدا، ۇستازدىق قىزمەتىن تاستاماي، ەلگە قايتىپ كەلدى.
تالاپتى. تالانتتى. وزىق ويلى جاس مامان. ارىپتەستەرى جىگەر تەلەۋحانوۆتى وسىلاي باعالايدى. 25 جاستاعى پەداگوگ الەمنىڭ ۇزدىك حيميا ءپانىنىڭ ءمۇعالىمى اتاندى. بايقاۋ وكسفورد قالاسىندا وتكەن. 1 اپتا بويى وقۋشىلارعا قانداي تاقىرىپتا تاربيە ساعاتىن وتكىزۋ كەرەك، قانداي جوبالار جاساۋ قاجەت، سول سياقتى پاندەر بويىنشا ءتۇرلى مەتودولوگيا بويىنشا بىلىكتىلىكتەرىن سىناعان. ۇزدىك شىقتى. گرانت ۇتتى. الايدا، ول ەلگە قىزمەت ەتۋدى ءجون كورگەن.
«ءوزىمىزدىڭ بورىشىمىز ءبىر. ءاليحان بوكەيحانوۆ، احمەت بايتۇرسىنوۆ، اباي قۇنانبايەۆ اتامىز سياقتى زيالىلارىمىز ءوز زامانىندا وزدەرىنىڭ جاستارىنا ءبىلىمىن اشۋ كەرەك دەپ وسيەت ەتكەن. ءدال سولاردىڭ جولىن قۋاتىن قاراپايىم قازاقتىڭ بالاسىمىز»، - دەيدى جىگەر تەلەۋحانوۆ.
جىگەر تەلەۋحانوۆ ءبىلىم يننوۆاسيا مەكتەبىنىڭ تۇلەگى. 7 تىلدە ەركىن سويلەيدى. اقتاۋعا كەلگەنىنە 4 اي بولعان. وسىعان دەيىن قازاق ۇلتتىق ۋنيۆەرسيتەتىن ءتامامداپ، ءبىلىمىن انگليادا، فرانسيادا جالعاستىرعان. العان ءبىلىمىن اقتاۋلىق وقۋشىلاردىڭ بىلىمىنە جۇمساۋدا. بۇدان بولەك، ءوز بىلگەنىن ءبىلىم يننوۆاسيا مەكتەبىنىڭ ۇستازدارىنا ۇيرەتۋدە.
«سول جاقتاعى ۇيرەنگەن نارسەلەرىن، مەتوديكا، قانداي كىتاپتاردى ۇيرەنۋ كەرەك، مۇعالىمدەردى ءوزىن-وزى جەتىلدىرۋ، پراكتيكادا ۇيرەنۋ كەرەك سياقتى سەمينار وتكىزدى. 5-6 رەت ءوتتى، اپتانىڭ ءبىر كۇندەرىن بەلگىلەدىك. پەداگوگيكالىق قۇرام قاتىسىپ جاتىر. ماقسات ايقىن. مىنا كىتاپتى وقىساڭىز، وسى داعدىڭىز ارتادى دەگەن سياقتى»، - دەيدى ءبىلىم يننوۆاسيا ليسەيىنىڭ ديرەكتورى ابايبەك سارسەنبەكوۆ.
جىگەر ءقازىر وقۋشىلارىن حيميا پانىنەن رەسپۋبليكالىق وليمپياداعا دايىنداۋ ۇستىندە. ولاردىڭ التىن الاتىنىنا سەنىمدى. 400-گە جۋىق بالا ءبىلىم الاتىن ءبىلىم يننوۆاسيا مەكتەبىنىڭ 25 وقۋشىسى ءوڭىر نامىسىن قورعاۋعا جولداما العان.
You Might Also Like
-
ءاربىر جاننىڭ قاسىندا ءوزى سەنىم ارتارلىق،بار سىرىمەن بولىسەتىن سىرلاسى،ومىرلىك سەرىگى بولادى.ول ارينە،سەنىڭ ەڭ ادال دوسىڭ.دوس دەپ كىمدى ايتادى؟دوس دەپ بار قۋانىشىڭدى بولىسەتىن،قيىن ساتتە جانىڭنان تا...
