InfoHub Logo

انا ءتىلى
ساباقتىڭ تاقىرىبى: ارا مەن شىبىن. وسپانحان اۋباكىروۆ
ماقساتى: وقۋشىنىڭ جەكە قابىلەتى مەن بەلسەندىلىگىنە سۇيەنە وتىرىپ، مىسالداعى ءتۇيىندى ويدى اشۋعا جاعداي جاساۋ. ءوز بەتىنشە شىعارماشىلىقپەن جۇمىس ىستەۋگە باۋلي وتىرىپ، بايلانىستىرىپ سويلەۋىن، شىعارماشىلىق ويلاۋىن دامىتۋ. ەتيكالىق تالعامىن ارتتىرۋ، ەڭبەككە تاربيەلەۋ.
ساباقتىڭ ءتۇرى: ارالاس ساباق
ءادىسى: سۇراق - جاۋاپ، تالداۋ، ىزدەنۋ
كورنەكىلىگى: ينتەراكتيۆتى تاقتا

ساباقتىڭ بارىسى:
I. ۇيىمداستىرۋ كەزەڭى: ساباققا دايارلىق.
جارقىراپ كۇن دە اشىلدى،
اينالاعا نۇر شاشىلدى.
قايىرلى كۇن! ءبىز باقىتتى بالامىز،
قايىرلى كۇن! امانداسىپ الامىز.

II. ءۇي تاپسىرماسىن تەكسەرۋ.
1. ا. بايتۇرسىنوۆ تۋرالى نە بىلەسىڭ؟
2. بۇل مىسالدا كەيىپكەرلەر نە ىستەمەكشى بولدى؟
3. ولار نەگە جۇكتى ورنىنان قوزعالتا المادى؟
4. مىسالدا ادامداردىڭ قانداي ارەكەتى سىنالادى؟
5. “بىرلىك”، “ىنتىماق” تۋرالى قانداي ماقالدار بىلەسىڭدەر؟
6. ءۇي تاپسىرماسىن باعالاۋ.

III. ماقسات قويۋ كەزەڭى:
1. ساباقتىڭ ماقساتىن، تاقىرىبىن حابارلاۋ.
2. جاڭا ساباققا دايارلىق.
جۇمباق شەشۋ:
1. شاقسام، ۋداي ءتىسىم
ونى، بالا، ءتۇسىن.
كوپ جەي بەرسەڭ بالدى،
اۋىرادى ءتىسىڭ. ارا
2. قىستا ۇيىقتاپ جاتار،
جازدا دۋمان اشار. شىبىن

IY. جاڭا ساباق. كىرىسپە.
1. اۆتور تۋرالى مالىمەت:
وسپانحان اۋباكىروۆ 1936 جىلى تۋىپ، 1986 جىلى قايتىس بولعان. ول الماتى وبلىسى جامبىل اۋدانى، ءۇشبۇلاق اۋىلىندا دۇنيەگە كەلگەن.
ءازىل - سىقاق جانرىنىڭ شەبەرى بولعان. ونىڭ «قوڭىراۋ»، «بودەنە»، «كۇلكىڭىز كەلە مە؟»، «جاسىراتىن نە بار؟»، «سىيلىق»، «ۇزىن ءسوزدىڭ قىسقاسى»، «ءوزىمىز بىلەمىز» اتتى سىقاق اڭگىمەلەرى مەن ولەڭدەر جيناقتارى جارىق كورگەن.
اۋباكىروۆ قازاق ادەبيەتىندەگى ساتيرا جانرىنىڭ دامۋىنا ەلەۋلى ۇلەس قوسقان، تالانتتى ساتيريك. «ساتيريك» دەپ ادامنىڭ بويىنداعى تەرىس قىلىقتاردى سىناپ، مىسقىلداپ جازاتىن جازۋشىنى ايتامىز.
1983 جىلى بالالارعا ارنالعان «قاعاز قالپاق» ساتيرالىق جيناعى ءۇشىن قازاقستان جازۋشىلار وداعىنىڭ سىيلىعى بەرىلدى.
2. نە بىلەسىڭ؟
ارا. اعىلشىنشا Bee، ورىسشا پچەلا جارعاققاناتتىلار وتريادىنا جاتاتىن بۋناقدەنە، ۇزىندىعى 1 - 1، 5 سم.
- ارالار سارى الا بولىپ كيىنگەن جاۋىنگەرلەرگە ۇقسايدى.
– دەمتۇتىك ارقىلى اۋامەن دەمالادى.
– ۇياسىن شاتىرعا، اعاشتاردىڭ قۋىسىنا بۇتاقتارعا سالادى.
– قۇيرىعىنىڭ ۇشىندا وتكىر شانشار ءبىزى بار.
– شاققان جەرى ءىسىپ كەتەدى.
ارالاردىڭ 22 مىڭنان استام تۇرلەرى بەلگىلى. ولار ارا پاتشاسى، ەركەك ارا، جۇمىسشى ارا بولىپ ۇشكە بولىنەدى.
شىبىن. اعىلشىنشا Fly، ورىسشا مۋحا قوسقاناتتىلار وتريادىنىڭ ءبىر تارماعىنا جاتادى. جەر شارىندا كەڭ تاراعان. شىبىنداردىڭ مۇرتشالارى قىسقا، ءۇش بۋناقتى. شىبىن كوپتەگەن جۇقپالى اۋرۋلاردى – ديزەنتەريا، اسقازان سۇزەگىن، ىشەك - قارىن قۇرتتارىنىڭ جۇمىرتقالارىن تاراتادى. ءۇي - جايلاردا شىبىننىڭ ءوسىپ - ونۋىنە جول بەرمەۋ ءۇشىن اس - سۋدىڭ بەتىن جاۋىپ ۇستاۋ كەرەك. مال نەمەسە قۇس ۇستاعان جاعدايدا قورا - قوپسىنى تازا ۇستاۋ كەرەكتىگىن ەستە ساقتاۋ كەرەك. شىبىنعا قارسى «مۋحولوۆ»، «ديحلوفوس»، «نەفوس» ت. ب. دۋستاردى پايدالانعان ءجون.