ءاربىر مينيسترلىك 20 مىڭ گرانت بويىنشا ناقتى ۇسىنىس بەرۋى ءتيىس - ەرلان ساعادييەۆ
ءاربىر مينيسترلىك 20 مىڭ گرانت بويىنشا ناقتى ۇسىنىس بەرۋى ءتيىس. بۇل تۋرالى بۇگىن ۇكىمەت وتىرىسىندا پرەزيدەنتتىڭ 5 الەۋمەتتىك باستاماسىن جۇزەگە اسىرۋ جول كارتاسىنا وراي بايانداما جاساعان ق ر ءبىلىم جانە عىلىم ءمينيسترى ەرلان ساعادييەۆ ايتتى.
«جول كارتاسى بويىنشا قوسىمشا وقۋ گرانتتارىنا قاتىستى ۇسىنىستارىمىز ءتيىستى قاۋلى جوباسى رەتىندە مينيسترلىكتەرگە، «اتامەكەن» ۇكپ-گە جانە جوعارى وقۋ ورىندارىنا جىبەرىلدى. ەندى ولاردىڭ ۇسىنىستارىن كۇتىپ وتىرمىز. سول جوباعا سايكەس 11 مىڭ گرانت تەحنيكالىق ماماندىققا، 5 مىڭ گرانت باسقا ماماندىقتارعا، 3 مىڭ گرانت ماگيستراتۋراعا جانە 1 مىڭ PhD باعىتتارىنا ءبولىندى»، - دەدى مينيستر.
وسى رەتتە ول ۇلتتىق ءبىرىڭعاي تەستىلەۋگە ۋاقىتتىڭ از قالعانىن ايتىپ، قاي ماماندىققا قانشا گرانت بولىنەتىندىگىن، قاي ماماندىققا باسەكەلەستىك باسىم ەكەندىگىن ءبىلۋ ماڭىزدى ەكەندىگىن باسا ايتتى.
«ءبىزدىڭ ويىمىزشا، وسى گرانتتاردىڭ سانى ماماندىق بويىنشا الدىن الا بارلىق مينيسترلىكپەن كەلىسىپ، جوبا رەتىندە ءبىر ايدىڭ ىشىندە جاريالانۋى قاجەت. حالىق مۇنى كۇتىپ وتىر. سوسىن بيۋدجەتتىك پروسەستەر بيۋدجەتتىك زاڭعا وزگەرىستەر، نورماتيۆتىك اكتىلەر، ونىڭ ءبارى ءتيىستى ۋاقىتىمەن بولادى. سونىمەن ءار مينيسترلىك وسى 20 مىڭ گرانت تۋرالى ناقتى ۇسىنىستى 1 جەتىنىڭ ىشىندە تاپسىرۋى قاجەت. سونداي تاپسىرما بەرۋىڭىزدى سۇرايمىز»، - دەدى ەرلان ساعادييەۆ ۇكىمەت باسشىسى باقىتجان ساعىنتايەۆقا قاراتا.
قازاقپارات
You Might Also Like
-
چەحيادا جوعارعى ءبىلىم الۋ جەرگىلىكتى تۇرعىندارعا دا، شەتەلدىكتەرگە دە تەگىن. مەملەكەتتىك جوعارعى وقۋ ورىندارى مەملەكەت تاراپىنان قارجىلاندىرىلادى جانە جالداۋدان، تاماقتانۋدان جانە جەكە قاجەتتىلىكتە...
-
... — اسسالاۋماعالەيكۋم، اعا، دەپ قوسارلانا جامىراي شىققان داۋىسقا بۇرىلعاندا، وڭ جاق بۇيىنىندە تورت-بەس قادام جەردە تۇرعان ءۇش جىگىتتى كوردى. سالەمدى الا بەرە الگىلەردىڭ جۇزىنە تاڭىرقا...
