وقۋ گرانتتارىن بولگەندە «التىن بەلگى» يەگەرلەرىنە قانداي باسىمدىق بەرىلەدى
وقۋ گرانتىن الۋدا «التىن بەلگى» يەگەرى تەك ءبىر عانا باسىمدىققا يە بولادى. بۇل تۋرالى ماجىلىستە تىلشىلەرگە ق ر ءبىلىم جانە عىلىم ۆيسە-مينيسترى اسحات ايماعامبەتوۆ ايتتى.
«بۇگىنگى زاڭ جوباسىندا قاراستىرىلعان ماسەلە «التىن بەلگى» يەگەرلەرىنە قاتىستى. وزدەرىڭىز بىلەسىزدەر، بۇل ماسەلە كوپتەن بەرى تالقىلاندى. وتكەن جىلداردا «التىن بەلگى» يەگەرلەرى گرانتتى العاندا، ونىڭ تولىق باسىمدىلىققا يە ەدى. العان ۇپايىنا قاراماستان، ولاردا گرانتتىڭ يەگەرى اتانۋعا مۇمكىندىكتەرى بولدى. وتكەن جىلى ۇبت-نىڭ جاڭا فورماتىن ەنگىزدىك. وسىعان سايكەس، اتتەستاتتى الۋ مەكتەپ قابىرعاسىندا وتەدى، سونىمەن قاتار «التىن بەلگىنى» دە مەكتەپ ءوزى بەرەدى. ياعني، بۇل شارالار مەكتەپتە تاپسىرىلعان ەمتيحانعا بايلانىستى. ال ۇلتتىق ءبىرىڭعاي تەستىلەۋ بۇگىندە جاڭا فۋنكسياعا يە. ۇبت تەك قانا جوعارى وقۋ ورنىنا ءتۇسۋ ءۇشىن جۇزەگە اسىرىلادى. تۇلەك جوو-عا ۇبت-نى تاپسىرعاندا ونىڭ «التىن بەلگىسى» قولىندا بولادى. ەندى بيىلعى ۇسىنىس اياسىندا «التىن بەلگى» يەگەرلەرى بالل ۇپايلارى تەڭ بولعان جاعدايدا عانا باسىمدىق بەرىلەدى»، - دەپ ءتۇسىندىردى اسحات ايماعامبەتوۆ.
وسى ورايدا ەكى تۇلەك ءبىر ماماندىققا بىردەي ۇپايمەن بارسا، ول كەزدە گرانت بويىنشا باسىمدىق «التىن بەلگى» يەگەرىنە بەرىلەدى.
ايتا كەتەيىك، ماجىلىستە وتكەن جۇمىس توبىنىڭ وتىرىسىندا وسى باعىتتاعى ۇسىنىسقا دەپۋتاتتار قولداۋ جاسادى.
ءبىلىم جانە عىلىم مينيسترلىگى وكىلدەرىنىڭ سوزىنە قاراعاندا، بۇعان دەيىن بۇل ۇسىنىس مۇعالىمدەر مەن اتا-انالار تاراپىنان پىسىقتالدى.
قازاقپارات
You Might Also Like
-
مەن اڭگىمەلەگەلى وتىرعان ءارى ادەتتەگىدەي، ءارى ادام ايتسا نانعىسىز بۇل وقيعاعا بىرەۋ سەنەر-اۋ دەپ استە ۇمىتتەنبەيمىن. راس، مەن وزىمە-وزىم سەنبەگەندىكتەن وعان ارينە، تەك ەسۋاس ادام عانا يلانۋى ىقتيما...
-
ەرلەردى ەل تانىسىن دەگەن ماقساتپەن «جاۋىنگەردىڭ تۇلعاسى» دەگەن تەمانى قولدان كەلگەنشە جازىپ، ءتىلدىڭ جەتكەنىنشە ايتىپ، (قالام ۇستاعان جازۋشىلارعا) كوزبەن كورىپ، قولدان وسىرگەن (ارينە، ءاس...
