InfoHub Logo

ماقساتى:
ادامگەرشىلىك قاسيەتتەرىن قالىپتاستىرۋ ماقساتىندا بىلىمگە دەگەن قىزىعۋشىلىعىن ارتىرۋ. وقۋشىلاردىڭ مانەرلەپ وقۋ، سويلەۋ مانەرى، ءان - بي ارقىلى وي - ءورىسىن دامىتۋ، ۇلكەندى قۇرمەتتەۋگە، اتا - انانى سىيلاۋعا، ونەردى دارىپتەۋگە تاربيەلەۋ.
كورنەكى قۇرالدارى: انا تۋرالى ناقىل سوزدەر مەن ولەڭدەر جازىلعان پلاكاتتار، انالاردىڭ سۋرەتتەرى، ت. ب
ۇيىمداستىرۋ كەزەڭى:
وقۋشىلاردى ساپقا تۇرعىزۋ.
سىنىپتىڭ دايىندىعىن تەكسەرۋ.
ءمۇعالىم: ارمىسىزدار، قۇرمەتتى انالار!
قازاق حالقى ايەل زاتىن ەرەكشە قادىرلەگەن. ۇل بالانى ءومىردىڭ اششى - تۇششىسىن كورىپ ءوسسىن دەپ ىسىلا ءبىلسىن، تۇياعى تاسقا سالسا كەتىلەر، سۋعا سالسا جەتىلەر دەگەن ويمەن ۇلىن جەل وتىنە ۇستاسا، قىزىن از كۇندىك قوناعىم، التىننىڭ سىنىعى، شۇعانىڭ قيىعى دەپ بوركىنىڭ توبەسىنە ۇكى قاداپ، ۇلپىلدەتىپ وسىرگەن. مىنە جىل ارتىنا جىل سالىپ كوكتەمنىڭ العاشقى كۇندەرىمەن كەلەتىن اياۋلى قىزدارىمىزدىڭ، ارداقتى انالارىمىزدىڭ 8 - ناۋرىز مەرەكەسى قۇتتى بولسىن!
ەندى سىنىبىمىزدىڭ دايىنداعان اشىق تاربيە ساعاتىن تاماشالاۋعا شاقىرامىن.

1 - جۇرگىزۋشى.
انا جارىق دۇنيەدەگى ءاربىر ادامنىڭ ەڭ جاقىنى، جاناشىرى، ءقادىرلىسى، قامقورشىسى، اق ءسۇتىن ەمىزىپ ايالاعان، جانىن دا اياماعان ارداقتىسى.
انا – جۇرەك، جۇرەكتى قۇدىرەتتە،
انا – تىرەك، تىرەكتى قۇرمەتتە.
انا – شىڭىڭ، شىڭىڭا ساعىنىپ جەت
انا – كۇنىڭ، كۇنىڭە تابىنىپ ءوت.

2 - جۇرگىزۋشى: راسىندا دا ادامنىڭ ادەپتىلىگى مەن جان دۇنيەسىنىڭ سۇلۋلىعى ەڭ الدىمەن اناعا اق ءسۇتىن بەرىپ، الپەشتەپ وسىرگەن انا جۇرەگىنىڭ جىلۋىنان باستالادى. بويىمىزداعى ەڭ جاقسى قاسيەتتەر بىزگە الدىمەن انادان تارايدى. انانىڭ نازىك ءۇنى، جۇمساق تا ايالى الاقانى، جان جىلۋىمەن ايالاۋى ءبىزدى الديلەپ جۇباتادى، كوڭىلىمىزدى سەرگىتەدى.
ات بيەدەن تۋادى، الىپ انادان تۋادى دەيدى دانا حالقىم. دۇنيەدە اناسىز ادام جوق. قالامى جۇيرىك جازۋشى دا، دانىشپان عالىم دا، ەل باسقارعان كوسەم دە، كۇمىس كومەي ءانشى مەن مىڭ بۇرالعان ءبيشى دە انادان تۋادى. انا - تىرشىلىك گ ۇلى، وتباسىنىڭ بەرەكەسى، بۇكىل ادامزاتتىڭ تاربيەشىسى.
دۇنيەدەگى ەڭ ارداقتى اسىل جان
انام مەنى ماپەلەگەن جاسىمنان
مەن قۋانسام قۋانادى ول بىرگە
مەن قينالسام تابىلادى قاسىمنان
ماعان قىمبات جان جوق ءسىرا انادان
بار جاقسىلىق انالاردان تارالعان
جەر بەتىنە ءومىر ءنارىن سەبۋشى
انا الدىندا بورىشتى عوي بار ادام.

ءان: اناشىم.
اناعا ارناۋ: جانار.
ءبىرجان.
1 - جۇرگىزۋشى:
ومىردە انا – بۇلاق، انا – پانا،
ومىردە وركەندەتەر انا عانا
وسىرگەن تالاي كوسەم، تالاي شەشەن،
تالاي ەر، تالاي اقىن، تالاي دانا

2 - جۇرگىزۋشى:
انا دەيمىز ءبارىمىز دە اڭقىلداپ،
انا دەيدى جاس ءسابي دە جارقىلداپ.
انا دەگەن – بايتەرەگى ءومىردىڭ،
انا دەگەن – التىن قازىق، التىن ب ا ق.

ءان: اسىل اجەم.
كورىنىس: ءۇش سوم.
اناعا ارناۋ: بەرگەنجان انۋار.

1 - جۇرگىزۋشى:
كۇلكى ەستىلمەسە، بارلىعى جالت قارالار،
قالجىڭمەنەن جاراسپاققا تالاسار.
ءارقاشان دا ءازىلىمىز جاراسار.

ءان: «ءان دومبىرا»
كورىنىس: قوجاناسىر مەن الدار كوسە.
اناعا ارناۋ: ەلديزار.
جانبوتا.
2 - جۇرگىزۋشى:
انا – دەگەن اسىل جاندار بولاتتاي،
انا – دەگەن ءمولدىر جاندار بۇلاقتاي
و، ادامدار، قادىرلەي ءبىل انانى،
جات قىلىققا اقىل – ويدى توقتاتپاي.

1 - جۇرگىزۋشى:
ءبيشى قىزدار ونەرىنە سەنىڭىزدەر
مەنىمەنەن قانەكەي ەرىڭىزدەر
الەمدى قىدىرعانداي سەزىنەسىز
ونەردى جۇرەكپەنەن كورىڭىزدەر

بي: قىزدار توبى
اناعا ارناۋ: راۋان.
اينۇر.

2 - جۇرگىزۋشى:
ءان اۋەنى كوگىمىزدە سامعايدى
كوڭىلدەردى قۋانىشقا جالعايدى
انمەن بىرگە مەن ۇشسام اسپاندا
قوس قاناتىم ماڭگى – باقي تالمايدى