ارىستان، قاسقىر ءام تۇلكى
ءبىر ارىستان اۋىرىپ، ۇلكەن كەڭ اپاندا جاتتى. بارلىق اڭدار ونىڭ كوڭىلىن سۇراپ كەلدى. ءبىراق تۇلكى كەلمەگەن ەكەن. قاسقىردىڭ تۇلكىمەن ازعانا كەمپىر نازى بار ەكەن. سونىڭ ءۇشىن ارىستانعا كەلىپ ايتتى: تۇلكى سەنى قۇرمەت ەتىپ، تىم بولماسا حالىڭىزدى دا سۇراعان جوق، دەپ. ارىستان اشۋلانىپ تۇلكىنى شاقىرتتى. تۇلكى قاسقىردىڭ جامانداعانىن ءبىلدى دە، ارىستانعا ايتتى: ماعان بەكەر اشۋلاناسىز، ءقوڭىلىمدى سۇرامادىڭ دەپ، مەن سەنىڭ اۋىرعانىڭدى بىلگەن سوڭ ءبىر تىنىم تاپقانىم جوق، ساعان دارۋ ىزدەپ اۋىرۋىڭنان جازاتىن. مىنە جاڭا عانا تاپقان سوڭ كەلە جاتقانىم ەدى، دەدى. ارىستان سوندا نە دارۋ ەدى سول دەدى. سوندا تۇلكى ايتتى: ەگەردە ءتىرى قاسقىردىڭ تەرىسىن سىپىرىپ جىلىداي جامىلساڭ ارىستان ءسوزدىڭ ارتىنا قۇلاعىن سالماستان قاسىندا تۇرعان قاسقىرعا باس سالىپ تەرىسىن سىپىرا باستاعاندا، تۇلكى ءسوزىن ايتىپ بولماستان كۇلىپ، شىعىپ جۇرە بەردى.
You Might Also Like
-
ءبىر مۇجىق دالادا كەلە جاتىپ، ءبىر شوقتىڭ تۇبىندە ۇيىقتاپ جاتقان قوياندى كورىپ قۋانىپ ايتتى: مىنا قوياندى ۇستاپ الىپ، بازارعا اپارىپ ساتىپ، العان اقشاما تاۋىق ساتىپ الامىن. تاۋىقتاردى ءوسىرىپ ساتىپ، الع...
-
تۇلكى تىرنامەن دوس بولىپتى. ءبىر كۇنى تۇلكى تىرنانى قوناققا شاقىردى. تىرنا كەلگەندە تۇلكى ءبىر تارەلكانىڭ تۇبىنە بوتقانى جاقتى دا، ءما دوسىم، جە دەپ الدىنا قويدى. تىرنا تۇمسىعىن تىسىر-تىسىر ەتكىزدى دە...
