ءتيىن مەن قاسقىر
ءتيىن ءبىر بۇتاقتان ءبىر بۇتاققا سەكىرىپ جۇرگەندە اعاشتىڭ تۇبىندە ۇيىقتاپ جاتقان قاسقىردىڭ ۇستىنە قۇلادى. قاسقىر قارعىپ تۇرە كەلىپ، ءتيىندى ۇستاپ الىپ، سەنى جەيمىن، دەيدى. ءتيىن ءوتىنىپ سۇراي باستايدى: مەنى ءبىر جولعا جىبەر، دەپ. قاسقىر ايتتى: جارايدى، جاقسى، جىبەرەيىن دەپ، ءبىراق سەن اۋەلى ماعان ايت، نەلىكتەن سەندەر مۇنشا شاتسىڭدار؟ مەن ءارۋاقىتتا قاپادامىن. سەندەرگە قاراسام، اعاشتىڭ باسىندا سەكىرەسىڭدەر دە جۇرەسىڭدەر. ءتيىن ايتتى: اۋەلى سەن مەنى اعاشتىڭ باسىنا جىبەر. مەن سول ارادان ايتايىن، بولماسا سەنەن قورقام دەپ. قاسقىر ءتيىندى جىبەردى. ءتيىن اعاشتىڭ باسىنا شىعىپ الىپ ايتتى: سەن زالىمسىڭ، سونىڭ ءۇشىن قاپاداسىڭ، سەنىڭ زالىمدىعىڭ جۇرەگىڭدى جاندىرادى: ءبىز اق كوڭىلمىز: سونىڭ ءۇشىن ءبىز شاتپىز. ەشكىمگە جاۋىزدىق قىلمايمىز، دەدى.
You Might Also Like
-
ءبىر قويان جىلاپ سويلەيدى، دۇنيەدە مەنەن سورلى جوق، ءبارى دە مەنىڭ سوڭىمدا: اڭشى دا، يت تە، قاسقىر دا، تۇلكى دە، قارشىعا دا، بادىراق كوز جاپالاق تا، ەڭ اياعى قارعا دا مەنىڭ بالالارىمدى الىپ جەيدى. بۇلا...
-
ءبىر قاراشەكپەننىڭ ەگىنىن جەپ تىرنالار دامىل بەرمەگەن سوڭ اۋ قۇرىپ ول تىرنالاردى ۇستاپ الىپتى. تىرنالارمەن بىرگە اۋعا ءبىر كوكقۇتان تۇسكەن ەكەن. كوكقۇتان قاراشەكپەنگە مەنى جىبەر، مەن تىرنا ەمەسپىن عو...
