InfoHub Logo

№16 كوللەدج
ج-56 توپ ستۋدەنتى سۇيىندىك ارۋجان تىنىشتىك قىزى
جەتەكشىسى: پانتايەۆ ەركەعالي سادىق ۇلى

اس ءۇي جيھازى — تۇراقتى جانە جىلجىمالى بولىپ بولىنەدى. جىلجىمالى مەبەل قۇرامىنا تاماق ىشەتىن ستول، ورىندىقتار، قوسىمشا شاعىن شكافتار قوسىلادى. اس ءۇيدىڭ تۇراقتى مەبەلى ەدەنگە قويىلاتىن، ىدىس جۋاتىن، قابىرعاعا ىلىنەتىن شكاف تارلان تۇرادى. تۇراقتى مەبەل جيىنتىعىنا سونداي-اق، پليتا، ىدىس جۋعىش، توڭازىتقىش، اۋا تازارتقىش، ەلەكتر شامى، ساعات، تايمەر ت. ب. ەنەدى. ەدەنگە قويىلاتىن شكافتار قولدانىلۋىنا جانە قۇرىلىسىنا قاراي شكاف-ستول، ىدىس جۋاتىن شكاف، توڭازىتقىش استىنا قويىلاتىن شكاف، شارۋاشىلىق شكاف-كولونكاسى ت. ب. شكافتار دەپ بولىنەدى. قابىرعاعا ىلىنەتىن شكافتارعا ىدىس-اياق جانە ازىق-تۇلىك شكافى، ىدىس كەپتىرەتىن جانە سيرەك پايدالاناتىن زاتتار ساقتالاتىن انترەسول شكافى جاتادى. اس ءۇي جابدىقتارى مەن مەبەل جۇمىس تۇرىنە عانا ەمەس، سونىمەن بىرگە ايەلدىڭ بويىنا دا سايكەس كەلۋى ءتيىس. ورتا بويلى ايەلدەر (158—160 سم) ءۇشىن جۇمىس ىستەيتىن تاقتانىڭ بيىكتىگى 85 سم، ەنى 60 سم بولعانى قولايلى. قابىرعاعا ىلىنەتىن شكافتاردىڭ ەنى 30 سم-دەن اسپاۋى كەرەك. جۇمىس ىستەۋ ورنى مەن قابىرعاعا ىلىنەتىن كەز كەلگەن ەلەمەنتتىڭ (شكاف، ەلەكتر شامى) تومەنگى جاعىنىڭ اراسىنداعى قاشىقتىق 45 سم-دەن كەم بولماۋى ءتيىس. قابىرعاعا ىلىنەتىن شكافتاردىڭ ۇستىڭگى سورەسىن ەدەننەن 190 سم-دەن بيىك ىلۋگە بولمايدى. اس ءۇي جابدىقتارىنىڭ ەڭ دۇرىس بيىكتىگى 210 سم، ودان بيىككە سيرەك قولدانىلاتىن زاتتار ساقتالىناتىن شكافتاردى عانا ورنالاستىرۋ كەرەك. ەدەنگە قويىلاتىن بيىكتىگى 85 سم شكاف-ستولدار ازىق-تۇلىكتەر وڭدەۋگە، سالقىن تاعامدار ازىرلەۋگە؛ شكاف-ستولداردىڭ تومەنگى بولىمدەرى ۇلكەن ىدىستاردى، اس ءۇي ماشينالارى مەن اپپاراتتارىن، اسحانالىق اسپاپتار مەن اسسۋلىقتار ساقتاۋعا ارنالعان. شكاف-ستولدار، جىلجىمالى پلاستماسسا جاشىكتەرىمەن، بولگىش تاقتايلارمەن، المالى- سالمالى سورەلەرمەن؛ بۇرىشقا قويىلاتىن شكاف-ستولدار اينالمالى سورەلەرمەن جابدىقتالعان. وتىرىپ جۇمىس ىستەۋ ءۇشىن شكاف-ستولداردىڭ ەدەننەن بيىكتىگى 65 ەم سۋىرمالى تاقتايى بولادى. ىدىس جۋعىش تا سىرتىنان شكافپەن قارالادى؛ مۇنداي شكافتىڭ تومەنگى بولىگىنە، ەسىگىنىڭ ىشكى جاعىنان قالدىقتارعا ارنالعان قاقپاعى اۆتوماتتى تۇردە اشىلىپ-جابىلاتىن كونتەينەر ورناتۋعا بولادى. شكافتىڭ اۋا ءبۇيىر قابىرعالارىنا ىدىس تازالاۋعا جانە ىدىس جۋۋعا ارنالعان زاتتار قويىلاتىن سىمنان جاسالىنعان ىلگىشتەر بەكىتىلەدى. بيىكتىگى 210 نەمەسە 240 سم شكاف-كولونكا كونسەرۆىلەنگەن جانە بولمە تەمپەراتۋراسىندا ساقتالىناتىن قۇرعاق ازىق-تۇلىك جانە اس ءۇي ماشينالارى مەن اپپاراتتارىن ساقتاۋعا ارنالعان. بۇل شكافتىڭ ۇستىڭگى بولىگى المالى-سالمالى سورەلەرمەن، استىڭعى بولىگى جىلجىمالى تور جاشىكتەرمەن جابدىقتالعان. توڭازىتقىش استىنا قويىلاتىن شكاف كوكونىستەر مەن جەمىس-جيدەكتەر ساقتاۋعا ارنالعان؛ ونىڭ دا جىلجىمالى تور جاشىكتەرى بولادى. ەدەنگە قويىلاتىن شكافتار مىقتى دا ءتوزىمدى بولۋى كەرەك جانە جىلجىتۋعا ىڭعايلى بولۋى ءۇشىن ارتقى اياقتارىنا دوڭگەلەك ورناتىلادى. قابىرعاعا ىلىنەتىن شكافتار قۇرعاق ازىق-تۇلىك سالىناتىڭ ىدىستار مەن دامدەۋىش قوسپالار ساقتالاتىن المالى-سالمالى سورەلەرمەن جابدىقتالعان. ىدىس جۋعىشتىڭ ۇستىنە ىلىنەتىن قابىرعا شكافى ىدىس كەلتىرۋگە ارنالعان. ونىڭ دا سورەلەرى، پلاستيكالانعان سىمنان جاسالىنعان تۇعىرلارى، تاباقشا قويىلاتىن ۇيالارى بار. اس ءۇي مەبەلىنىڭ قۇرامىنا (ساتىپ الۋشىنىڭ قالاۋى بويىنشا) ىدىس جۋعىش، اۋا تازارتقىش، بەلگىلى ءبىر جۇمىس ورنىنا جارىق بەرۋگە ارنالعان، قابىرعاعا ورناتىلاتىن ەلەكتر شامى. ەلەكترومەحانيكالىق ساعات، تايمەر جانە قالدىقتار سالىناتىن كونتەينەر ەنگىزىلەدى. اۋا تازارتقىش كوبىنەسە قابىرعاعا ىلىنەتىن شكافپەن بىرگە قۇراستىرىلادى دا، گاز نەمەسە ەلەكتر پليتكاسىنىڭ ۇستىنە بەكىتىلەدى. ليۋمينەسەنتتى لامپاسى نەمەسە قالپاعى بار قابىرعا ەلەكتر شايى قابىرعاعا نەمەسە شكافتىڭ استىنا قوندىرىلادى.

---