اسان اتا كەسەنەسى
قازاق جەرى اۋليە-انبيەلەر قۇرمەتىنە تۇرعىزىلعان مازار، كۇمبەز، كەسەنەلەرگە باي. سوڭداي كەسەنەلەردىڭ ءبىرى — قىزىلوردا وبلىسى شيەلى اۋدانىنىڭ «جەتى اۋليە» قورىمىنداعى اسان اتا كەسەنەسى. ول ەل اۋزىندا اسان قايعىنىڭ مازارى دەلىنەدى. اسان قايعى XIV عاسىردىڭ سوڭى — XV عاسىردىڭ باسىندا ءومىر سۇرگەن اقىن، جىراۋ ءارى بي رەتىندە تانىلعان تۇلعا. قازاقتىڭ العاشقى حاندارى كەرەي مەن جانىبەكتىڭ اقىلشىسى بولعان.
حالقىنىڭ قامىن ويلاپ، كۇڭىرەنگەن ونى حالىق اسان قايعى دەپ اتاپ كەتكەن. اسان قايعى جەتى جىل ەلىنە جايلى قونىس ىزدەپ، قازاق جەرىن تۇگەل شولىپ شىققان. كوپتەگەن جەرلەرگە ءوزىنىڭ سىن، باعاسىن بەرگەن. اسان قايعىنى حالىق ءقادىر تۇتىپ، ءقابىرىنىڭ باسىنا ەسكەرتكىش-كەسەنە تۇرعىزعان. عاسىرلار بويى ساقتالعان كەسەنە ساۋلەت ونەرىنىڭ تاماشا تۋىندىسى رەتىندە بەلگىلى. كەسەنە كۇيدىرىلگەن قىزىل كىرپىشتەن بيىكتىگى 7،60 م ەتىپ سالىنعان. ىرگەلىكتەن 3 م جوعارى كىرپىشتەردى تىگىنەن ءورىپ، بەلدەۋ جاساعان. اسان اتا كەسەنەسى 1982 جىلدان مەملەكەت قورعاۋىنا الىندى.
You Might Also Like
-
قازاقتىڭ اقباس سيىرى — ەت باعىتىنداعى تۇقىم. قازاقستان مەن رسفسر-دىڭ وڭتۇستىك-شىعىس اۋداندارىندا قالماق جانە جەرگىلىكتى سيىرلاردى گەروفورد تۇقىمىمەن بۋدانداستىرىپ، ءۇشىنشى ۇرپاق بۋداندارىن ءبىر...
-
1723 جىلى كوكتەمدە جوڭعارلاردىڭ قالىڭ قولى قازاق دالاسىنا 7 تۇمەن اسكەرمەن باسىپ كىرەدى. شاپقىنشىلار بەيبىت ەلدى قىرىپ-جويىپ، جەرى مەن مال-مۇلكىن تارتىپ الۋدى كوزدەگەن ەدى. قىستاۋلارى بىر-بىرىنەن ا...
