InfoHub Logo

ساۋلەتشىلەر ءوز قاتەلىكتەرىن شىرماۋىقتىڭ استىندا، ال پىسىق ايەلدەر – مايونەزدىڭ استىندا جاسىرادى دەگەن ءسوز بار. الايدا، اسپازدىقتا بارلىق قاتەلىكتى تۇزدىقپەن شەشۋگە بولادى دەگەن وتىرىك. كەيدە ودان دا اسقان ايلاكەرلىككە بارۋعا تۋرا كەلەدى. قۋانىشىمىزعا وراي، بۇگىندە بارلىق اسپازدىق قاتەلىكتەردى رەتتەۋدىڭ كوپتەگەن امالدارى ويلاپ تابىلعان.

Bilim-all.kz ءار اس ءۇي حانشايىمىنا قاجەت بولار اسپازدىق لايفحاكتاردى توپتاستىردى.

1. قاتتى ەت. كەيدە ءسىڭىرلى ەت الىپ قوياتىنىمىز بار. دايىداپ بولعان سوڭ ول ەت قاتتى بولىپ شىعادى، شايناۋعا قيىن بولادى. ۋايىمداماڭىز: ەتتى جۇمسارتۋدىڭ بىرنەشە امالى بار.

جەمىستەردىڭ كومەگىمەن. كەز كەلگەن جەمىستى: الما، اناناس، مانگو نەمەسە المۇرتتى بولشەكتەپ تۋراڭىز. ءپىسىرىپ جاتقاندا ەتتىڭ بەتىنە جەمىس بولىكتەرىن قويىڭىز. ولار شىرىن ءبولىپ، ەت جۇمسارا تۇسەدى.

كولانىڭ كومەگىمەن. قۋىرۋعا ارنالعان ەتتى كوكا-كولا قۇيىلعان ىدىسقا 10 مينۋتقا باتىرىپ قويىڭىز. وسىدان كەيىن ەتتى الىپ، ءسال كەپتىرىپ، قارا بۇرىش قوسۋ ارقىلى قۋىرىڭىز. ەتتىڭ ءدامى تاماشا بولادى، ءارى بۇل ءمازىردى ۇلكەن كەسەك ەتتەرگە دە پايدالانا الاسىز.

ليموننىڭ كومەگىمەن. ەتتى 30 مينۋت ليمون شىرىنىنا باتىرىپ قويۋ ارقىلى ونى جۇمسارتۋعا بولادى. سىركە سۋىن قولدانۋ ارقىلى دا وسى اسەرگە قول جەتكىزۋگە بولادى، الايدا ەتتى ءبىر تۇنگە قويىپ قويۋ كەرەك.

2. سورپانىڭ تۇزى كوپ بولىپ كەتسە... ەگەر سورپانىڭ تۇزى كوپ بولىپ كەتسە، جاعدايدى رەتتەۋ قيىنداي تۇسەدى. ءبىر قاراعاندا قيىن ەشتەڭەسى جوق سياقتى: مۇنداي سورپاعا كىشكەنە سۋ قوسىپ، قايناتىپ جىبەرسە بولادى عوي؟ ءبىراق بۇل ءادىستى ەڭ سوڭعى بولىپ قولدانىڭىز، ايتپەسە سورپانىڭ ءدامىن قۇرتىپ الۋ ءقاۋپىڭىز بار. سورگانولەپتيكالىق قاسيەتىنە نۇقسان كەلتىرمەي ءدامىن تۇزەۋگە كۇرىش كومەككە كەلەدى. سورپاعا كۇرىش سالىنعان قالتاشانى باتىرىپ ۇستاي تۇرىڭىز. كۇرىش – تاماشا ابسوربەنت جانە ارتىق تۇزدى ءسىڭىرىپ الادى. كەيبىر پىسىق ايەلدەر ءدامىن تۇزەۋ ءۇشىن رافيناد-قانتتى پايدالانادى. ءبىر كەسەك قانتتى ۇلكەن اس قاسىققا سالىپ، سورپاعا باتىرادى. ەرىگەن قانتتى باسقاسىنا اۋىستىرادى – سورپاداعى تۇزدىڭ ءدامى رەتتەلمەيىنشە وسىلاي بىرنەشە رەت جاسايدى. قاراپايىم كارتوپ پەن ماكارون دا جاقسى ابسوربەنت بولا الادى. ەگەر سورپانىڭ مازىرىندە بولسا، وسى ونىمدەردى كوبىرەك قوسىپ جىبەرىڭىز. ەگەر مازىردە كارتوپ جوق بولسا، وندا اشىلعان ەكى-ۇش كارتوپتى سورپاعا سالىپ، 10-15 مينۋتتان كەيىن الىپ تاستاڭىز. كارتوپ تۇزدى ءسىڭىرىپ الىپ، سورپانىڭ ءدامىن بۇزبايدى.

3. تۇزى كوپ ەت. گۋلياش پەن قۋىرداقتىڭ تۇزى كوپ بولىپ كەتسە، مۇنى رەتتەۋگە قايماق كومەكتەسەدى. ەتتى قايماق قوسىلعان توستاعانعا سالىپ، سۋىتىپ قويادى. ەتتى ارى-بەرى اۋدارىپ جۇرگىڭىز كەلمەسە، ەتى بار ىدىسقا مايلى نەمەسە ۇندى تۇزسىز تۇزدىق قۇيىپ جىبەرىڭىز. تۇزسىز گارنير دە جاعدايدى قۇتقارۋعا كومەكتەسەدى. تۇزى كوپ فارشتى ۇساقتاپ تۋرالعان قىرىققابات، ۇگىتىلگەن شيكى كادى نەمەسە كارتوپ قۇتقارادى. بۇل قوسپالار كوتلەتتى ءدامدى ءارى بالعىن ەتەدى. تىم بولماي بارا جاتسا، كوتلەتتىڭ ورنىنا تۇزى كوپ ەتكە كۇرىش قوسىپ، تەفتەلي نەمەسە گولۋبسى جاساۋعا بولادى.

4. تۇزى كوپ كوكونىستەر. كوكونىس قوسىلعان راگۋدى ارتىق تۇزدان قىزاناقتار مەن باسقا دا كوكونىستەر قۇتقارادى. ولاردى ۇساقتاپ تۋراپ، وتتا ءپىسىپ جاتقان تاماققا سالىپ جىبەرۋ كەرەك. بۇتىندەي پىسىرىلگەن كوكونىستەرگە قايناعان سۋ قۇيىپ، بىرنەشە مينۋت قايناتسا، ارتىق تۇزدى شىعارادى. قايناعان سۋ، ارينە، تۇششى بولۋى كەرەك. ساڭىراۋقۇلاقتارعا دا تۇششى سۋ، تاعى قوسىمشا ساڭىراۋقۇلاقتار، قايماق نەمەسە كۇرىش پەن كارتوپ ەزبەسى سياقتى تۇزسىز گارنير كومەكتەسە الادى.

5. كۇيىپ كەتكەن ەت پەن ۇن تاعامدارى. ەگەر قۋىرداق كۇيىپ كەتسە، كۇيگەن قاباتىن كەسىپ تاستاپ، ماي، سۋ نەمەسە سورپا قوسىپ، ءارى قاراي پىسىرە بەرىڭىز. ۇننان جاسالعان ونىمدەردى اشىق وتتا پىسىرۋگە بولمايدى، وتتىڭ بەتىن سۇيەمەلمەن جاپقان دۇرىس. ەگەر تاعام ءبارىبىر كۇيىپ كەتسە، تابانى وتتان الىپ، ىشىندەگىسىن باسقا ىدىسقا سالۋ كەرەك، ارينە، كۇيگەن بولىگىنسىز، سوسىن بەتىن ىلعال ماتامەن جاۋىپ قويۋ كەرەك. ول جاعىمسىز ءيىستى سورىپ الادى. تاماقتىڭ كۇيگەن ءيىسىن ىستىق ءسۇت تە جاقسى كەتىرەدى. ونى تاعامعا قوسىپ جىبەرۋ كەرەك.

6. مايلى سورپا. ەگەر سورپا وتە مايلى بولسا، وندا سورپا قۇيىلعان كاسترولدى سۋىق جەرگە قويىپ قويۋ كەرەك، ال كەيىن قاتىپ قالعان مايلى قاباتتى الىپ تاستاڭىز.

7. جابىسىپ قالعان جۇقا قۇيماق. قۇيماق تاباعا بىرنەشە سەبەپپەن جابىسادى: ەگەر قامىر تىم سۇيىق بولسا – ۇن قوسىپ جىبەرىڭىز؛ ەگەر ۇننىڭ ساپاسى تومەن بولسا – ۇنتاق جارما نەمەسە ۇساق قاتقان نان قوسىڭىز؛ ەگەر تابا سۋىق بولسا – قۇيماقتى تەك ىسىتىلعان مايدا ءپىسىرۋ كەرەك.

8. سۇيىق كرەم. پىسىرىلگەن كرەمدەر كەيدە تىم سۇيىق بولىپ كەتەدى – ونى جاي عانا تاعى ءپىسىرىپ جىبەرىڭىز؛ ەگەر كرەمگە تىم كوپ سۇيىقتىق قۇيىلىپ كەتسە – ۇن قوسىپ جىبەرىڭىز (تۇيىرشىكتەر بولماس ءۇشىن ەلەكتەن وتكىزىڭىز)؛ ەگەر سۇيىق ماي ەرىتىلگەن نەمەسە وتە سۇيىق بولسا – كرەمدى سۋىق جەرگە قويىپ، سۋىعان سوڭ ارالاستىرىڭىز.

9. جابىندىلارداعى زەڭ. توساپ، پوۆيدلو، مارينادتاردى زەڭ باسادى. ەگەر زەڭ جابىندىلاردى دايىنداعان سوڭ بىرنەشە كۇننەن كەيىن پايدا بولسا، وندا بۇل پروسەسس جۇرە بەرەتىن بولادى دەگەن ءسوز. سوندىقتان بانكانى اشىپ، زەڭدى الىپ، قان، تۇز نەمەسە سىركە سۋىن قوسۋ كەرەك (نە كوگەرىپ كەتكەنىنە بايلانىستى) جانە بانكانى دۇرىستاپ قايناتىپ، زالالسىزداندىرۋ قاجەت.

10. توڭازىتىلعان كوكونىستەر. ازداپ توڭازىتىلعان كارتوپتىڭ ءدام تاتۋىن كەتىرۋ ءۇشىن 18-20°س تەمپەراتۋرادا 5-7 كۇن ۇستاي تۇرۋ قاجەت. ازداپ توڭازىتىلعان پيازدى 3–5 °س تەمپەراتۋرادا اقىرىنداپ ەرۋگە مۇمكىندىك بەرسە، ول ءوزىنىڭ بالعىندىق قاسيەتىن ساقتاپ قالادى.

---