InfoHub Logo

استانا قالاسى ءبىلىم باسقارماسى ەلوردا مەكتەپتەرىندەگى ورىن تاپشىلىعى ماسەلەسى قالاي شەشىلەتىنىن ايتتى. باسقارمانىڭ دەرەكتەرىنە سايكەس قالادا 130542 وقۋشى ءبىلىم الىپ جۇرگەن (وتكەن وقۋ جىلى - 94 مەكتەپ - 117097) 95 جالپى ءبىلىم بەرۋ مەكتەبى بار. ولاردىڭ ىشىندە: 126917  وقۋشىسى بار (وتكەن جىلى 83 مەكتەپ -113376 ادام) 84 مەملەكەتتىك، 3625 (3721) وقۋشى ءبىلىم الاتىن 11 مەملەكەتتىك ەمەس مەكتەپ بار.

 «جىل سايىن دەموگرافيالىق جانە كوشى-قون ۇردىستەرى ەسەبىنەن جىل سايىن وقۋشىلار سانى ارتۋدا. ەگەر 2014 جىلى 88 مەكتەپتە 105 966 وقۋشى، 2015 جىلى 94 مەكتەپتە - 117097 وقۋشى بولسا، بۇگىندە 95 مەكتەپتە 130 542 وقۋشى بار.  سالىستىرساق، 2015-2016 وقۋ جىلى وقۋشى سانى 13445 بالاعا ارتقان. 2016-2017 وقۋ جىلى ءۇش اۋىسىمدىق مەكتەپ جوق، ءبىراق 27 مەكتەپتە (№ 1، 5، 7، 8، 22، 24، 27، 31، 32، 35، 37، 40، 48، 51، 53، 54، 57، 58، 59، 60، 62، 64، 65، 66، 69، 72، 75) تىعىزدىق بار»، - دەدى باسقارمادان «قازاقپارات» تىلشىسىنە.

حابارلامادا اتاپ وتىلگەندەي، بۇل ماسەلە مەكتەپتەر مەن قۇرىلىستار سالۋ جولىمەن شەشىلەدى.    2017 جىلى  № 16، 17، 22، 32، 37 مەكتەپتەردە 2675 ورىندىق 5 قۇرىلىس ەنگىزىلدى.   2018 جىلى   6900 ورىندىق 6 مەكتەپ سالۋ جوسپارلانۋدا، ولاردىڭ ىشىندە: اباي داڭعىلى مەن بيگەلدينوۆ كوشەسى قيىلىسى اۋدانىندا  №1، 35، 60، 62 مەكتەپتەردە 1200 ورىنعا؛ وڭتۇستىك اۋدانى   №31 كوشەدەگى،   نۇرا-ەسىل شىعىس ارناسىندا №59، 75 مەكتەپتەردە 1200 ورىنعا؛  №41ا جانە جۇمابايەۆ كوشەلەرى جاعىندا  № 51، 53، 72 مەكتەپتەرىندە 1200 ورىنعا؛   قارتالى جانە وقجەتپەس كوشەلەرى قيىلىسى اۋدانىندا   1200 ورىنعا تىعىزدىق ماسەلەسى شەشىلەدى - 1960 ج. №20 مەكتەپ بۇزىلادى؛  وقجەتپەس جانە بوكەيەۆ كوشەسى قيىلىسىنداعى اۋداندا №36، 58، 61 مەكتەپتەردە 1200 ورىنعا؛ قورعالجىن تاس جولىنداعى قتلج، كتلب   مەكتەپتەرىندە (ءوز عيماراتتارى جوق) - 1200 ورىن.

باسقارمادا تىعىزدىققا قاراماستان ءار مەكتەپتە ورىن بارىن اتاپ وتەدى. باستى جاعداي - استانادا تىركەلىپ، تۇراتىن جەرىن راستايتىن قۇجات بولۋى ءتيىس. ۆەدومستۆو دەرەكتەرىنە سايكەس 2016 جىلى استاناعا 4525 وقۋشى كەلدى.

---