استانا وقۋشىلار كومانداسى 10 جىل قاتارىنان رەسپۋبليكالىق وليمپيادالاردا ءبىرىنشى ورىن الىپ كەلەدى
استانا وقۋشىلار كومانداسى 10 جىل قاتارىنان رەسپۋبليكالىق وليمپيادالاردا ءبىرىنشى ورىن الىپ كەلەدى. بۇل تۋرالى دارىندى بالالارمەن كەزدەسۋ بارىسىندا استانا اكىمى اسەت يسەكەشوۆ حابارلادى.
«استانا مەكتەپتەرىنە 129 مىڭ بالا ءبىلىم الۋدا، وتكەن جىلى 117 مىڭ بولعان. ەلوردادا 67 مىڭ وقۋشى ءتۇرلى شارالارعا قاتىسادى، اتاپ ايتساق، ءتۇرلى دەڭگەيدەگى عىلىمي، سپورت، زياتكەرلىك وليمپيادالار مەن بايقاۋلار. بۇل قۋانتارلىق جاعداي، ويتكەنى بالالاردىڭ تەڭ جارتىسىنا جۋىعى ءوزىن-وزى جەتىلدىرىپ، وزىمەن-وزى جۇمىس جاسايدى دەگەن ءسوز. استانا قالاسى وقۋشىلار كومانداسى 10 جىل قاتارىنان رەسپۋبليكالىق وليمپيادالاردا ءبىرىنشى ورىندى جانە ۇزدىك كوماندا اتاعىن بەرمەي كەلەدى. بۇل - وتە جاقسى كورسەتكىش»، - دەدى ءا. يسەكەشوۆ.
ونىڭ ايتۋىنشا، 2016 جىلى ەلوردادا 324 وقۋشى حالىقارالىق وليمپيادا مەن بايقاۋلارعا، عىلىمي جوبالارعا قاتىسىپ، 267 مەدالمەن ماراپاتتالدى. بۇل - 2015 جىلمەن سالىستىرعاندا، جاقسى ناتيجە. ياعني، ءبىلىم بەرۋ ساپاسىنىڭ جاقسى ەكەنىن كورسەتەدى. وقۋ ۇدەرىستەرىنە يننوۆاسيالىق تەحنولوگيالار ەنگىزىلدى. 42 كابينەت روبوتتى تەحنيكامەن جابدىقتالدى.
اكىم 2015 جىلى №№ 3 جانە 15 مەكتەپتەردە «سمارت-مەكتەپ» جوباسى ىسكە اسىرىلعانىن اتاپ ءوتتى. 2017 جىلى «ەلەكتروندىق كۇندەلىك» جوباسى ىسكە اسىرىلادى. ول مەكتەپ وقۋشىلارىن اۋىر سومكە كوتەرۋدەن ارىلتىپ، اتا-انالاردىڭ وقۋ ۇدەرىسىنە قاتىسۋىنا مۇمكىندىك بەرەدى.
ءا. يسەكەشوۆ سوڭعى 25 جىلدا ءبىلىم بەرۋ ساپاسىن جاقسارتۋ ءۇشىن كوپ نارسە جاسالعانىن اتاپ ءوتتى. بۇگىنگى جاستاردا شەتەلدە، زياتكەرلىك مەكتەپتەردە ءبىلىم الۋعا، عىلىممەن اينالىسۋعا بارلىق مۇمكىندىكتەر بار. سوندىقتان، جاڭا ۇرپاق بارىنشا ءبىلىمدى، ولارعا كوپ ءۇمىت ارتۋعا بولادى.
You Might Also Like
-
2017 جىلى استانادا 10 يننوۆاسيالىق مەكتەپ پايدا بولادى جانە مەكتەپ وقۋشىلارىنا گرانتقا 10 ميلليون تەڭگە بولىنەدى. بۇل تۋرالى دارىندى وقۋشىلارمەن كەزدەسۋ بارىسىندا استانا اكىمى اسەت يسەكەشيەۆ حابارلادى.
-
اقشۇقىر مەكتەپ-ليسەيى 1“ا”سىنىپ وقۋشىسى جاقاي بەكنۇر ابديراسىل ۇلى
