InfoHub Logo

2017 جىلى استانادا 10 يننوۆاسيالىق مەكتەپ پايدا بولادى جانە مەكتەپ وقۋشىلارىنا گرانتقا 10 ميلليون تەڭگە بولىنەدى. بۇل تۋرالى دارىندى وقۋشىلارمەن كەزدەسۋ بارىسىندا استانا اكىمى اسەت يسەكەشيەۆ حابارلادى.

«ءبىز كەلەسى جىلى 10 يننوۆاسيالىق مەكتەپ اشۋدى جوسپارلاپ وتىرمىز.  كاسىپكەرلەرمەن، ۇلتتىق كومپانيالارمەن بىرلەسىپ بۇل مەكتەپتەردە بەلگىلى ءبىر ماماندىقتاردى قولدايتىن بولامىز. مىسالى، ول روبوتتى تەحنيكا نەمەسە اقپاراتتىق تەحنولوگيا، نە  حيميا بولۋى مۇمكىن. كاسىپكەرلەرمەن ۋاعدالاستىققا قول جەتكىزدىك، كەلەسى جىلى جۇمىستى باستايمىز»، - دەدى يسەكەشيەۆ.

ونىڭ ايتۋىنشا، ەلوردالىق ەكى مەكتەپ بويىنشا «قازاتومونەركاسىپ» اق-مەن وسىنداي ۋاعدالاستىق بار. اكىم سونداي-اق 2017 جىلى 20 يننوۆاسيالىق مەكتەپ اشۋدى جوسپارلاپ وتىرعانىن حابارلادى. يسەكەشيەۆ جەلىلىك اكادەميا قۇرۋ تۋرالى امەريكالىق "سيسكو" كومپانياسىمەن ۋاعدالاستىققا قول جەتكىزگەنىن اتاپ ءوتتى.

استانا وقۋشىلارىنىڭ عىلىمي، ونەرتاپقىشتىق قىزمەتتەرىنە جاعداي جاساۋ ماقساتىندا  نازاربايەۆ ۋنيۆەرسيتەتىمەن، باسقا دا جوو-لارمەن ۋاعدالاستىق بار. سونداي-اق يسەكەشيەۆتىڭ ايتۋىنشا، كەلەسى جىلى اكىمدىك وقۋشىلاردىڭ ۇزدىك يننوۆاسيالىق جۇمىسىنا ارنالعان    گرانت تۇرىندە 10 ميلليون تەڭگە قاراجات بولەدى.

---