استانا وقۋشىلارى عىلىمي جوبالار حالىقارالىق كونكۋرسىندا جۇلدەلى ورىندارعا يە بولدى
ەلوردانىڭ جوعارى سىنىپ وقۋشىلارى برازيليانىڭ پورتۋ-الەگري جانە نوۆۋ گامبۋرگ قالالارىندا وتكەن حالىقارالىق عىلىمي جۇمىستار بايقاۋىنا قاتىستى. بۇل تۋرالى قالا اكىمدىگىنىڭ سايتى حابارلادى.
شىعارماشىلىق جارىس Mostra Internacional de Ciência e Tecnologia (Mostratec) 31ء-شى حالىقارالىق ءبىلىم كورمەسى شەڭبەرىندە وتكىزىلدى. شارانى ۇيىمداستىرعان - برازيليانىڭ Liberato قورى، بۇل قور عىلىم مەن تەحنولوگيالاردى دامىتۋ ءۇشىن بىلىكتى ماماندار دايىنداۋعا ىقپال ەتەتىن قوعامدىق ينستيتۋتى.
Mostratec كورمەسىنىڭ ماقساتى - وقۋشىلاردىڭ جاراتىلىستانۋ عىلىمدارىنا دەگەن قىزىعۋشىلىعىن ىنتالاندىرۋ، عىلىم مەن تەحنيكانىڭ ءتۇرلى سالالارىنداعى شىعارماشىلىق قىزمەتكە تارتۋ، حالىقارالىق ىنتىماقتاستىقتى دامىتۋعا قولداۋ كورسەتۋ جانە وقۋشىلارمەن جۇمىس ىستەۋ ءۇشىن مامانداردى تارتۋ.
ەلوردالىق وقۋشىلار قازىلار القاسىنىڭ نازارىنا ماتەماتيكا، فيزيكا، حيميا جانە ينفورماتيكادان زەرتتەۋ جۇمىستارىن ۇسىندى.
ەلوردالىق وقۋشىلاردىڭ ەڭ ۇزدىك 10 جۇمىسى بايقاۋدىڭ اقتىق كەزەڭىنە ءوتتى. ونىڭ ىشىندە وزوننىڭ جەردەگى وسىمدىكتەرگە زياندى اسەرىنىڭ دالەلدەرى، اينالمالى سيليندرلەرى بار جەل قوزعالتقىشىنىڭ اەروديناميكالىق سيپاتتامالارى، كەيبىر الەۋمەتتىك پروسەستەردە يەرارحيا تالداۋىن قولدانۋ جانە ت.ب. بار.
بايقاۋ قورىتىندىسى بويىنشا، ەلوردالىق وقۋشىلار 7 التىن، 6 كۇمىس جانە 7 قولا مەدالعا يە بولدى. ۇزدىك جۇمىستاردىڭ اۆتورلارى ديپلومدارمەن، باعالى سىيلىقتارمەن جانە ءبىلىم گرانتتارىمەن ماراپاتتالدى. شارانى ۇيىمداستىرۋشىلار قازاقستاندىق وقۋشىلاردىڭ جاقسى دايىندالعانىن اتاپ ءوتىپ، قازاقستانداعى ءبىلىم دەڭگەيىنە جوعارى باعا بەردى.
You Might Also Like
-
ماڭگىلىك ەل بولۋعا قازاق ەلىنىڭ ەرلىگى بەرەكە مەن بىرلىگىندە، ۇلتارالىق تاتۋلىعىندا، دانا باسشىلىعىندا بولادى. ەلباسى باستادى، حالقى ءبىر جەڭنەن قول، ءبىر جاعادان باس شىعارىپ قوستادى، وسىنىڭ ارقاسىند...
-
باقىتتى تۇستەر كورەتىن ەدىك، ارمان، شىركىن، ءان بوپ كوڭىل كوگىندە. كىم ءبىلىپتى سۇراپىل سول سوعىسقا، قاس - قاعىم ءسات قالعاندىعىن تەگىندە.
