ينفورماتيكا ءپانى بويىنشا جۇرگىزىلەتىن سىنىپتان تىس ساباقتاردىڭ اتقاراتىن ءرولى.
قارجاۋلوۆا گۇلجاۋحار مىرزابەكوۆنا
№3 بايزاق كوللەدجىنىڭ فيزيكا جانە ينفورماتيكا ءپانى وقىتۋشىسى.
ينفورماتيكا پءانءى بويىنشا جۇرگىزىلەتىن سىنىپتان تىس ساباقتاردىڭ اتقاراتىن ءرولى.
ءححى عاسىر اقپارات عاسىرى بولعاندىقتان ارناۋلى وقۋ ورىندارىندا وقىتىلاتىن ينفورماتيكا ءپانىنىڭ ورنى ەرەكشە جانە ونى سىنىپتان تىس جۇمىستاردى ۇيىمداستىرۋ بارىسىندا جۇزەگە اسادى. سىنىپتان تىس جۇمىس - وقىتۋشى ۇيىمداستىرعان، ءبىلىم الۋشى تۇلعاسىنىڭ الەۋمەتتەنۋىنە قاجەتتى شارتتاردى قامتاماسىز ەتەتىن وقۋدان تىس ۋاقىتتاعى ءبىلىم الۋشى ىس-ارەكەتتەرىنىڭ ارتۇرلىلىگى. سىنىپتان تىس جۇمىس – وقۋدان تىس ۋاقىتىندا وتكىزىلەتىن، مىندەتتى وقۋ باعدارلامالارىنىڭ شەكاراسىنان اسىپ كەتەتىن ءتۇرلى تاربيەلىك-بىلىمدىك ءىس شارالار.
سىنىپتان تىس جۇمىس تۇسىنىگى كەڭ، ءارى ءبىرماندى ەمەس. سىنىپتان تىس جۇمىس ۇعىمى وتە كەڭ. ول مازمۇنى، باعىتى، ءادىسى، تاعايىندالۋى، فورماسى مەن جولدارى جاعىنان بىلىمدىلىكتى قاجەت ەتەدى. مىسالى، پاندىك ۇيىرمە وتىرىسى، سىنىپتان تىس وقۋ مەرەكەلىك شارالار مەن كەشتەر وتكىزۋ وسى سىنىپتان تىس جۇمىستارعا جاتادى. ءبىراق كەي جاعدايلاردا وقۋشى بەلسەندىلىگى مەن باسقارۋىندا بولادى. سىنىپتان تىس جۇمىستاردى وقۋشىلاردىڭ بەلگىلى ءبىر ۋاقىت ىشىندە العان بىلىمدەرىن تاجىريبەلەرىن ەسكەرە وتىرىپ ۇيىمداستىرۋ قاجەت.
ينفورماتيكا كۋرسى بويىنشا جۇرگىزىلەتىن ءداستۇرلى سىنىپتان تىس جۇمىس تۇرلەرىنە: ۇيىرمە، فاكۋلتاتيۆتىك كۋرستار، ەكسكۋرسيا، وليمپيادا، ءارتۇرلى قىزىقتى كەشتەر مەن سايىستار، عىلىمي جۇمىستاردى جاتقىزۋعا بولادى. ءبىلىم الۋشىلاردىڭ ينفورماتيكا پانىنە قىزىعۋشىلىعىن ارتتىرۋ، ءوي-ورىسىن جانە تانىمدىق قابىلەتتىن دامىتۋ، شىعارماشىلىققا باۋلۋ، ءوز ويىن ەركىن جەتكىزە ءبىلۋ جانە وتكەندى شاپشاڭ ەسكە ءتۇسىرۋ داعدىلارىن قالىپتاستىرۋ ماقساتىندا سىنىپتان تىس وتىلەتىن سايىستاردىڭ ماڭىزى زور.
سىنىپتان تىس جۇمىس ءبىلىم الۋشىلارعا جاعىمدى اسەر بەرەتىن كەڭ مۇمكىندىكتەردەن، ارەكەتتەردىڭ ءارتۇرلى جيىنىنان تۇرادى جانە ساباق كەزىندە جۇمىستىڭ بايلانىستىلىعىنان تۇراتىن وقىتۋشىنىڭ وزىندىك وقۋ-تاربيە جۇمىسى بولىپ تابىلادى.
ينفورماتيكادان سىنىپتان تىس جۇمىستار كومپيۋتەر مەن اقپاراتتىق تەحنولوگيا ۇسىناتىن مۇمكىندىكتەر مەن قۇرالداردىڭ ارتۇرلىلىگىنە بايلانىستى ءپانارالىق سيپات الۋى مۇمكىن. كومپيۋتەرلىك ادىستەر ينفورماتيكادان، فيزيكادان، شەت تىلىنەن، گەوگرافيادان جانە تاعى باسقا ارنايى پاندەردەن سىنىپتان تىس جۇمىس كەزىندە ءساتتى قولدانىلادى. مۇنداي سىنىپتان تىس جۇمىس تۇرلەرىنىڭ ارنالارى ءبىلىم الۋشىلاردى ءتۇرلى قىزىعۋشىلىقتاردى بىرىكتىرىپ، باسقا ءپان وقىتۋشىلارىنىڭ اقپاراتتىق تەحنولوگيانى تولىق دەڭگەيىندە قولدانىلا الماۋىنا بايلانىستى سىنىپتان تىس جۇمىستى ينفورماتيكا ءپان مۇعالىمدەرى جۇرگىزەدى.
سىنىپتان تىس جۇمىس كەزىندەگى تانىمدىق ىس-ارەكەت تانىمدىق قىزىعۋشىلىقتى، وقۋدىڭ ءتيىمدى اسەرىن، وقۋ بىلىكتىلىكتەرىن قالىپتاستىرۋعا ارنالعان. تانىمدىق ىس-ارەكەت وقۋ ارەكەتىن باسقا فورمادا قولدانۋ ارقىلى جالعاسادى. بۇل «قىزىعۋشىلار ءتۋرنيرى»، «نە؟ قايدا؟ قاشان؟»، «ۇزدىك ينفورماتيك»، كتك، ەسەپتەۋىش ورتالىعىنا ساياحات جانە ت.ب. ۇيىرمەلەر بولۋى مۇمكىن.
سونىمەن قاتار، قىزىقتىرۋشى ارەكەت ءبىلىم الۋشىلاردىڭ تولىققاندى دەمالىسىن ۇيىمداستىرۋ كەزىندە قاجەت، ول جاعىمدى ەموسيالاردى، ۇجىمداعى دوستىق اتموسفەرانى، جۇيكە قىسىمىن الۋعا كومەكتەسەدى. بۇل كەزدە كتك، «كومپيۋتەرلىك ءازىل» تاعى باسقا سىنىپتان تىس جۇمىس فورمالارىن قولدانعان ءتيىمدى. سىنىپتان تىس جۇمىس كەزىندە ەكى – تانىمدىق جانە قىزىقتىرۋشى اسپەكتىلەر بىرىگەدى. مىسالى، «عاجايىپتار الاڭى»، «ماڭىزدى ينفورماتيكا»، قيالشىلدار كونكۋرسى، ۆيكتورينالار جانە ت.ب.
سىنىپتان تىس جۇمىس كەزىندەگى ەڭبەكتىك ىس-ارەكەت ەڭبەكتىڭ ءار ءتۇرىنىڭ مازمۇنىن بەرەدى. وقىتۋشى سىنىپتان تىس جۇمىستىڭ ەڭبەك ارەكەتىن ۇيىمداستىرۋ كەزىندە كەيبىر قيىنشىلىقتار تۋىندايدى، ءبىراق ءبىلىم الۋشىلاردىڭ ءتۇرلى جۇيەلىك ەڭبەك ارەكەتى بەرەتىن تاربيەلىك ناتيجەسى ءمۇعالىمنىڭ ەڭبەگىن اقتايدى.
شىعارماشىلىق ىس-ارەكەت وقۋشىلاردىڭ قىزىعۋشىلىعىن، ولاردىڭ شىعارماشىلىق الەۋەتىن اشۋعا باعىتتالعان. شىعارماشىلىق ىس-ارەكەتتەر پروگراممالاۋشىلار كونكۋرسى، كومپيۋتەرلىك گرافيكا كورمەسى، شىعارماشىلىق جوبالار سەياقتى سىنىپتان تىس جۇمىس فورمالارىندا كورىنەدى.
جوعارىداعى اتالعان ارەكەتتەردىڭ ەڭ باستى مىندەتى وقۋشى بويىندا دۇنيەتانۋدىڭ قۇلىقتىق، ەموسيونالدىق، ەرىكتىك كومپونەنتتەرىن قالىپتاستىرۋ بولىپ تابىلادى.
سىنىپتان تىس جۇمىستار ءبىلىم الۋشىلاردىڭ باعدارلاما بويىنشا ءبىلىمىن تەرەڭدەتۋگە، ولاردىڭ لوگيكالىق ويلاۋ قابىلەتىن، زەرتتەۋشىلىك بىلىكتىلىكتەرىن ارتتىرۋعا، ينفورماتيكا ءتىلىن مەڭگەرۋگە، ينفورماتيكا تاريحى بويىنشا وقۋشىلاردىڭ بىر-بىرىمەن قارىم-قاتىناسىنا ارنالعان.
ءتۇرلى فورماداعى سىنىپتان تىس جۇمىستار ءبىلىم الۋشىلاردىڭ كۇندەلىكتى ساباقتا بايقالا بەرمەيتىن جەكە قابىلەتتەرى مەن مۇمكىندىكتەرىن اشادى. كلاستان تىس جۇمىستىڭ ءارتۇرلى بولۋى ءبىلىم الۋشىنىڭ وزىنە سەنىمدىلىگىن، ءوزىن دۇرىس باقىلاۋىن قالىپتاستىرادى، سونىمەن قاتار ءارتۇرلى جۇمىستار ءبىلىم الۋشىنىڭ ىس-تاجىريبەسى مەن داعدىسىن، ادام قىزمەتىنىڭ ارتۇرلىلىگى تۋرالى ءبىلىمى مەن بىلىكتىلىگىن ارتتىرادى. سىنىپتان تىس جۇمىستاردا ءبىلىم الۋشىلار بىر-بىرىمەن بارلىق جاعىنان قارىم-قاتىناستا بولادى. ءارتۇرلى سىنىپتان تىس جۇمىستاردا ءبىلىم الۋشىلار ءوزىنىڭ جاڭا قابىلەتتەرىن اشىپ قانا قويماي، ۇجىمداسىپ جۇمىس ىستەۋگە ۇيرەنەدى.
You Might Also Like
-
«الەۋمەتتىك ينستيتۋت» ۇعىمى قوعامدىق بايلانىستاردى ستاندارتتاۋ، رەتتەۋ، زاڭداستىرۋدى سيپاتتايدى. ال سول ستاندارتتاۋ، رەتتەۋ، زاڭداستىرۋ پروسەسىن «ينستيتۋتتانۋ» دەيدى. ول زاڭ...
-
ازاتتىق جايلى سەن دە ۇقتىڭ، الەمگە ول داڭقىن جايادى. كەشەگى ول وتكەن ەرلىكتىڭ بۇگىنگى نۇكتە، بايانى. وتكەننەن العان تاعىلىم ازاتتىق دەگەن - بۇگىنىڭ. سابيگە بەرەر ءتالىمىڭ، سابيگە بەرەر ءبىلىمى...
