استانادا مەكتەپتەردەگى اقشا جيناۋعا قارسى كۇرەسەتىن كوميسسيا قۇرىلدى
استانا قالاسى اكىمىنىڭ تاپسىرماسىمەن مەكتەپ قاجەتتىلىكتەرىنە اقشا جيناۋ جاعدايلارىنىڭ جيىلەپ كەتۋىنە بايلانىستى ەلوردالىق مەكتەپتەردە ءتۇسىندىرۋ جانە الدىن الۋ جۇمىستارىن جۇرگىزۋ جونىندەگى قوعامدىق كوميسسيا قۇرىلدى. بۇل تۋرالى قالا اكىمدىگىنىڭ سايتى حابارلادى.
اكىمدىكتىڭ رەسمي سايتىنداعى «اكىمگە ءوتىنىش» سەرۆيسى ارقىلى اكىمنىڭ اتىنا كەلىپ تۇسكەن ءاربىر ساۋال مەن ءوتىنىش بويىنشا تەكسەرۋ جۇرگىزىلىپ، اكتىلەر جاسالادى، ءبىلىم بەرۋ ۇيىمىنىڭ باسشىلىعىنا تارتىپتىك سيپاتتاعى شارالار قولدانىلادى. اتالعان جۇمىستار استانا قالاسىنىڭ اكىمى اسەت يسەكەشيەۆتىڭ ەرەكشە باقىلاۋىنا الىندى.
كوميسسيا قۇرامىنا «نۇر وتان» پارتياسىنىڭ، قوعامدىق بىرلەستىكتەردىڭ بەلسەندىلەرى، قالالىق ءماسليحات دەپۋتاتتارى، ۇكىمەتتىك ەمەس ۇيىمداردىڭ وكىلدەرى، قوعامدىق كەڭەس مۇشەلەرى ەندى.
سونىمەن قاتار، ءار مەكتەپتە ءبىلىم مەكەمەسى جۇمسايتىن مىندەتتى شىعىندار ءتىزىمى ىلىنەدى. سىنىپتاردا اقشا جيناۋ فاكتىلەرى، مەكتەپ اكىمشىلىگى نەمەسە جەكەلەگەن وقىتۋشىلار تاراپىنان باسقا دا زاڭعا قايشى ىس-ارەكەتتەر تىركەلگەن جاعدايدا، اتا-انالار 55-01-62 جانە 87782550162 تەلەفوندارى بويىنشا ءبىلىم باسقارماسىنىڭ «قاۋىرت جەلىسىنە» حابارلاسا الادى.
You Might Also Like
-
ءبىزدىڭ ءتىلىمىز – انانىڭ اق سۇتىمەن بويعا سىڭگەن اسىل قازىنامىز، سوندىقتان دا ءوز تىلىمىزدە سويلەۋ باستى پارىزىمىز.
-
اسىل اجەم، عاسىر اجەم اڭساعان ساعىنىشىم – سارى ورمانداي سامساعان. اكە بولىپ جۇرگەنىمدى ۇمىتىپ، ءالى كۇنگە ەركەلەيمىن مەن ساعان.
