ءتىل – ەلدىكتىڭ تۋى!
ءبىزدىڭ ءتىلىمىز – انانىڭ اق سۇتىمەن بويعا سىڭگەن اسىل قازىنامىز، سوندىقتان دا ءوز تىلىمىزدە سويلەۋ باستى پارىزىمىز.
«ءتىل اقىلدىڭ ولشەمى» دەپ حالقىمىز بەكەر ايتپاعان. ەلباسىمىز ن. ءا نازاربايەۆ «قازاقستاننىڭ بولاشاعى - قازاق تىلىندە» دەگەن سوزىندە تۇسىنگەن ادامعا كوپ ماعىنا جاتىر. ءتىلدىڭ كومەگىمەن ونەر – ءبىلىمدى، عىلىمدى يگەرەمىز، وتكەن – كەتكەنىمىزدى سارالاپ، ساباق الامىز. ءبىز ءوز ءتىلىمىزدى قۇرمەتتەي وتىرىپ، ءدىنىمىز بەن سالت داستۇرىمىزگە، تاريحىمىزعا كوپتەپ ۇڭىلەتىن بولساق جانە ونى ءوزىمىز تانىپ قانا قويماي، سول اسىل قازىنامىزدى الەمگە تانىتساق كەلەشەك ۇرپاق ءۇشىن كوپ جۇمىس اتقارعان بولىپ سانالامىز. ويتكەنى ءوز ءتىلىن، ءدىنىن، تاريحىن جاقسى بىلمەگەن ادام باسقا ءتىلدىڭ ءقادىرىن ءبىلۋ مۇمكىن ەمەس. قازاق حالقى ءوزىنىڭ شەشەندىگىمەن شەبەرلىك جانە دانالىعىمەن ەرەكشەلەنەدى.
سوڭعى جىلدارى انا ءتىلىمىزدىڭ مەملەكەتتىك مارتەبەگە يە بولۋى، حالىقتىق پەداگوگيكانىڭ اسىل قازىناسىن پايدالانۋعا،ادەبيەتىمىز بەن مادەنيەتىمىزدى، ءسالت-داستۇرىمىزدى جەتىلدىرۋگە مۇمكىندىك تۋعىزعانى ەلىمىز ءۇشىن زور قۋانىش. قازىرگى زامان تالابى-حالىقتىق ءداستۇردى كەڭىنەن پايدالانۋدى كوزدەپ وتىر. ول ءۇشىن حالقىمىزدىڭ اتا-بابادان كەلە جاتقان ۇلتتىق اسىل مۇرالارىن، تۇرمىس-سالتىن، ۇلگى-ونەگەسىن جۇزەگە اسىرۋىمىز قاجەت. ەلىمىزدى باسقا ەل تانىپ جاتقاندا، تاۋەلسىز ەل تىرەگى-بىلىمدى ۇرپاقتى تاربيەلەۋ باستى مىندەتتەردىڭ ءبىرى. تاربيەنىڭ نەگىزگى قۇرالى ءتىل، ول ۇلتتىڭ تاريحي كورىنىس بەلگىسى.
ۇلتتىق قاسيەت پەن ۇلتتىق سانا انا ءتىلى ارقىلى بويىمىزعا داريدى. تاۋەلسىز ەل، الەم مويىنداعان جۇرت قاتارىنا قوسىلام دەسەڭ اۋەلى ءتىلىڭدى ساقتا، ءىستى تىلدەن باستا. ءتىلىن تانىعان ەل ءوزىن تانيدى،ءوزىن تانىعان ەل وزگەلەرگە تانىمال بولا الادى.
ادامزاتتىڭ ۇلىسى، اللانىڭ سوڭعى ەلشىسى، يسلامنىڭ ءپىرى – ءبىزدىڭ پايعامبارىمىز مۇحاممەد ءوزىنىڭ 319 حاديسىندە: «ءتىلىن تۇزەگەن ادامعا اللانىڭ راحمەتى جاۋسىن»، - دەگەن. ەندەشە، سول مۋحاممەد ۇمبەتى بىزدەر ءوز ءتىلىمىزدى تۇزەپ، دامۋىنا ءوز ۇلەسىمىزدى قوسۋ ءاربىر ازاماتتىڭ بورىشى دەپ سانايمىن.
انا ءسۇتى بوي وسىرسە، انا ءتىلى وي وسىرەدى. ولاي بولسا، اتا وسيەتىنە قۇلاق اسىپ، انانىڭ ءتىلى ارقىلى بابالار اماناتىنا ادال بولىپ، ەلدىگىمىزدىڭ نىشانى بولعان ءتىلىمىزدىڭ تۋىن جوعارى ۇستايىق.
№3 ارشالى ورتا مەكتەبىنىڭ
قازاق ءتىلى مەن ادەبيەتى ءپانىنىڭ ءمۇعالىمى:
ا. م. سارجانوۆا
You Might Also Like
-
قىزىلوردا قالاسى، تاسبوگەت كەنتى وقۋشىلار مەن جاسوسپىرىمدەر ءۇيى ساپييەۆ نۇرپەرزەنت جەتەكشىسى: جالىمبەتوۆا ايجان تاعىبەرگەن قىزى
-
استانا قالاسى اكىمىنىڭ تاپسىرماسىمەن مەكتەپ قاجەتتىلىكتەرىنە اقشا جيناۋ جاعدايلارىنىڭ جيىلەپ كەتۋىنە بايلانىستى ەلوردالىق مەكتەپتەردە ءتۇسىندىرۋ جانە الدىن الۋ جۇمىستارىن جۇرگىزۋ جونىندەگى قوعامدىق ...
