InfoHub Logo

استاناداعى ءبىلىم بەرۋدى دامىتۋعا ارنالعان باعدارلامانىڭ جوباسى دايارلاندى. اتالعان قۇجاتتى الدىمەن ساراپشىلاردىڭ تالقىلاۋىنان وتكىزۋ جوسپارلانعان. نەگىزگى ماقسات - بالاباقشا، مەكتەپ پەن كوللەدجدەردىڭ ءبىلىم بەرۋ ساپاسىن كوتەرۋ.

"بۇگىن ءبىز باعدارلامانىڭ جوباسىن العاش رەت تالقىعا سالىپ وتىرمىز. سونىڭ اياسىندا قالاداعى بارلىق ءبىلىم بەرۋ مەكەمەلەرىندە اۋديت وتكىزىپ، ءبىلىم بەرۋ ساپاسىن كوتەرۋدىڭ وزەكتى ماسەلەلەرىن انىقتاۋدى كوزدەيمىز. بالاباقشا مەن مەكتەپ ورىندارىنىڭ تاپشىلىعى بىلاي تۇرسىن، ۇستازداردىڭ كاسىبي بىلىكتىلىگى، وقىتۋ ادىستەمەلەرى جانە تاعى باسقا پروبلەمالار زەردەلەنەدى. ءسويتىپ، ءاربىر مەكەمەنىڭ پروبلەمالارىن انىقتاۋ قاجەت. وسى ورايدا ۇزدىك بالاباقشالار، مەكتەپتەر مەن كوللەدجدەردىڭ تاجىريبەسى كەڭىنەن قولدانىلادى. وسىلايشا، ءبىلىم بەرۋ مەكەمەلەرىنىڭ ءوزارا تاجىريبە الماسۋلارىن كۇشەيتىپ، قالانىڭ ءبىلىم بەرۋ ساپاسىن كوتەرۋ كەرەك. ءبىزدىڭ نەگىزگى ماقساتىمىز - ءبىلىم بەرۋ مەكەمەلەرىنىڭ تاجىريبەلىك الشاقتىعىن بارىنشا ازايتۋ، ءبىلىمنىڭ ساپاسىن بىركەلكى ەتۋ. قالانىڭ شەتكى اۋداندارى جالپى ءبىلىم بەرۋ ساپاسىنان قالماۋى ءتيىس"، - دەيدى استانا قالالىق ءبىلىم بەرۋ باسقارماسى باسشىسىنىڭ مىندەتىن اتقارۋشى ءانۋار جانعوزين.

ونىڭ ايتۋىنشا، جاڭا باعدارلامانى تالقىلاۋدان وتكىزگەننەن كەيىن ارنايى ساراپشىلار توبى قۇرىلۋى مۇمكىن. اتالعان توپ استاناداعى ءبىلىم بەرۋ مەكەمەلەرىنىڭ وقىتۋ ساپاسىن تەكسەرەتىن بولادى. ول جۇمىستى جاڭا جىلدان باستاۋ جوسپارلانىپ وتىر.

---