اسحات ايماعامبەتوۆ ۇبت ناتيجەلەرى بويىنشا مەكتەپتەردىڭ رەيتينگىن جاساماۋدى سۇرادى
ءبىلىم جانە عىلىم ءمينيسترى اسحات ايماعامبەتوۆ ءوڭىر اكىمدىكتەرىنەن ۇبت ناتيجەلەرى بويىنشا وبلىستاردىڭ، قالالار مەن مەكتەپتەردىڭ رەيتينگتەرىن جاساماۋدى سۇرادى.
«ۇبت كەزىندە قوعامدىق ءتارتىپتى ساقتاۋ، ۇبت وتكىزۋ پۋنكتەرىن مەديسينالىق پەرسونالدارمەن قامتاماسىز ەتۋ قاجەت. ەكىنشىدەن، ۇبت ناتيجەلەرى بويىنشا وبلىستاردىڭ، قالالار مەن مەكتەپتەردىڭ رەيتينگتەرىن جاساماۋدى سۇرايمىز. قازىرگى تاڭدا ۇبت - ءوز ەركىمەن جوعارعى وقۋ ورىندارىنا ءتۇسۋ ءۇشىن تاپسىراتىن ەمتيحان بولعاندىقتان، وسى ناتيجەلەردى رەيتينگ جاساۋعا پايدالانۋ - ءبىزدىڭ ويىمىزشا، دۇرىس ەمەس»، - دەدى ءبىلىم جانە عىلىم ءمينيسترى ۇكىمەت وتىرىسىندا.
اسحات ايماعامبەتوۆ ۇشىنشىدەن، مەكتەپ بىتىرۋشىلەر مەن ولاردىڭ اتا-انالارىنا قولايلى جاعداي جاساۋدى، بالالاردى تاسىمالداۋ ماسەلەسىن ۇيىمداستىرۋدى سۇرادى.
«جالپى، ۇبت وتكىزۋگە دايىندىق جوسپارعا ساي جۇرگىزىلىپ جاتىر. بيىلعى تەستىلەۋدى وتكىزۋگە دايىنبىز»، - دەدى مينيستر.
قازاقپارات
You Might Also Like
-
ياكۋتيالىق عالىمدار جۇمساق ءتىنى مەن ميى ساقتالعان بىرەگەي ولجانى زەرتتەۋدە.
-
قازاقستاندىقتار الەمنىڭ كوپتەگەن ەلدەرىندە تەگىن ءبىلىم الا الادى. بۇل تۋرالى «حالىقارالىق باعدارلامالار ورتالىعىندا» حابارلانعان.
