قاسقىردىڭ باسى مۇز قۇرسانعان ايماقتا 40 مىڭ جىل جاتقان
ياكۋتيالىق عالىمدار جۇمساق ءتىنى مەن ميى ساقتالعان بىرەگەي ولجانى زەرتتەۋدە.
رەسپۋبليكالىق عىلىم اكادەمياسىنىڭ مامونت فاۋناسىن زەرتتەۋ ءبولىمىنىڭ باسشىسى البەرت پروتوپوپوۆتىڭ ايتۋىنشا، قاسقىردىڭ باس سۇيەگىنىڭ تابىلۋى – قالىپتى جاعداي. تابىلعان ەرەسەك قاسقىردىڭ باسى جۇمساق ءتىنى مەن ميى وتە جاقسى ساقتالعاندىقتان دا قۇندى بولىپ وتىر.
قاسقىر ءۇش-تورت جاس شاماسىندا. «قاسقىردىڭ باسىنىڭ ولشەمى — 40 سم. ونى وتكەن جىلى تيرەحتياح وزەنى بويىنان ابىي اۋدانىندا تۇراتىن جەرگىلىكتى تۇرعىن تاپقان. ءقازىر قاسقىردىڭ باسى زەرتتەۋ ءجۇرىپ جاتقان ياكۋتسك قالاسىندا ساقتاۋلى. جاپونيا مەن شۆەسيا عالىمدارى دا تابىلعان ولجاعا قىزىعۋشىلىق تانىتىپ، زەرتتەۋ جۇمىسىمەن اينالىسۋدا.
شەتەلدىك ارىپتەستەردىڭ ايتۋىنشا، اتالمىش باس 40 مىڭ جىل بويى ساقتالعان. قازىردە ءتۇز تاعىسىنا دنق تالداۋى جۇرگىزىلىپ، توموگرافيالىق سكانەرلەۋ دەرەكتەرى وڭدەلۋ ۇستىندە. ماماندار تابىلعان باس سۇيەكتى ەجەلگى جانە قازىرگى قاسقىرلاردىڭ باس سۇيەگىمەن سالىستىرۋدا.
You Might Also Like
-
بiرiنەن سوڭ بiرi زىمىراپ، iركەس-تiركەس وتە شىققان سول بiر-ەكi كۇن شىنىندا دا، وزگە كۇندەردەن بولەك، ەستە قالارداي ەرەكشە ەدi. ودان كەيiنگi مىناۋ سۋى تارتىلعان دارياداي اقىرىن جىلجىپ اعىپ جاتقان جىل...
-
ءبىلىم جانە عىلىم ءمينيسترى اسحات ايماعامبەتوۆ ءوڭىر اكىمدىكتەرىنەن ۇبت ناتيجەلەرى بويىنشا وبلىستاردىڭ، قالالار مەن مەكتەپتەردىڭ رەيتينگتەرىن جاساماۋدى سۇرادى.
