InfoHub Logo

ءبىلىم بەرۋ سالا: قاتىناس
ۇيىمداستىرىلعان ءىس - ارەكەت: ءتىل دامىتۋ
تاقىرىبى: «اتا - بابا ءداستۇرى اماندىقتىڭ بەلگىسى»
ماقساتى: 1. بالالاردى كيىز ءۇي قۇرلىسىمەن تانىستىرۋ.
2. بالانىڭ سوزدىك قورىن مولايتۋ ارقىلى، سالت – ءداستۇر تۋرالى ۇعىمدارىن قالىپتاستىرۋ
3. بالالاردىڭ بويىنا اتا – مۇرا قۇندىلىقتارىن قاستەرلەۋگە سالت – ءداستۇردى ءبىلىپ – ۇيرەنۋگە تاربيەلەۋ.
ساباقتىڭ ءادىس – تاسىلدەرى: ءتۇسىندىرۋ، اڭگىمەلەۋ، ويىن سۇراق – جاۋاپ، جۇمباق شەشۋ.
ساباق كورنەكىلىگى: كيىز ءۇي تىگىلگەن، كيىز ءۇي جابدىقتارى.

تاربيەشى: بالالار قوناقتارمەن امانداسايىق..
شاتتىق شەڭبەر ورىندالادى.
كەڭ دالانىڭ ەجەلگى،
قازاق دەيتىن حالقىمىز.
وزگە ۇلتتاي ءبىزدىڭ دە،
بار ءداستۇر مەن سالتىمىز.

تاربيەشى: بالالار ءبىز نەنىڭ ىشىندە تۇرمىز؟
بالالار كيىز ءۇيدىڭ ىشىندە تۇرمىز دەپ جاۋاپ بەرەدى.
بالالار كيىز ءۇيدىڭ قۇرال – جابدىقتارىن، قۇرلىسىن كىم بىلەدى اتاي الادى.
(بالالار ءيا، جوق دەپ جاۋاپ بەرەدى)

تاربيەشى: ديداكتيكالىق ويىن «كيىز ءۇي» ويناتىلادى.

كوتەرىلىپ شاڭىراق (قولدارىن جوعارى كوتەرەدى)
ۋىقتارى شانشىلىپ (قولدارىن جوعارى كوتەرەدى)
كەرەگەلەر كەرىلىپ (الاقاندارىن اشادى )
ءورىم دەي بولىپ ورىلەر (قولدارىن بەلگە قويادى)
ءبارىمىز بىرگە جۇرسەك اينالىپ، كيىز ءۇي بولىپ كورىنەر.

تاربيەشى: ەندەشە بالالار مەن سىزدەرگە قازاقتىڭ كيىز ءۇيى تۋرالى ءتۇسىندىرىپ وتەيىن. تاربيەشى كيىز ءۇيدىڭ قۇرال – جابدىقتارىمەن تانىستىرىپ، قازاق حالقىنىڭ سالت – ءداستۇرىن بايلانىستىرا وتىرىپ كيىز ءۇي تۋرالى مول ماعلۇمات بەرەدى.

بالالاردىڭ جاۋابى: كيىز ءۇي قۇرلىسىن اتاپ بەرەدى.
- كەرەگە، شاڭىراق ،،ۋىق،،
بوساعا، سىقىرلاۋىق،
تابالدىرىق، ماڭدايشا.
كيىز ءۇي جابدىقتارىن اتاپ بەرەدى.
- ىرگەلىك، تۋىرلىق، ۇزىك، تۇندىك، شي، ەسىك.

سەرگىتۋ ءساتى: كەل بالالار تۇرايىق،
ۇلكەن شەڭبەر قۇرايىق.
شاڭىراقتى كوتەرىپ،
كەرەگەنى قۇرايىق.
ۋىقتارشا ءيىلىپ،
شاڭىراققا قوسىلىپ.
قازاق ءۇيدى قۇرايىق..

تاربيەشى: بالالاردان كيىز ءۇي تۋرالى كىم تاقپاقتار بىلەدى جاتقا ايتادى.

1 – بالا: قابىرعاسى تور كوز،
توبەسىندە زور كوز. (كەرەگە، شاڭىراق)

2 – بالا: تۇمسىعىن تەسىپ.
جۇننەن بۇيدا ەسىپ
قازىققا بايلادى. (ۋىق )

3 – بالا: توبەدەگى كوزىنەن.
كۇن ساۋلەسى تۇسەدى.
بۇرىشى جوق تورىنەن.
سامال ەركىن ەسەدى. (كيىز ءۇي )

4 – بالا: جەتپىس ەكى نايزاسى.
بىرىكتىرىپ تۇرادى. (شاڭىراق)

تاربيەشى: بالالار ءبىز بۇگىنگى ساباعىمىزدا نە بىلدىك، نە ۇيرەندىك. نەنىڭ قۇرلىسىمەن تانىستىق؟
- كيىز ءۇيدىڭ قانداي قۇرال – جابدىقتارىن بىلدىڭدەر؟
- كيىز ءۇيدىڭ قۇرىلىسى قالاي اتالادى ەكەن؟

بالالار جاۋاپ توپ بولىپ سۇراقتارعا جاۋاپ بەرەدى.

تاربيەشى ساباقتى قورىتىندىلايدى.
بالالار بۇگىنگى ساباققا بارلىقتارىڭ جاقسى قاتىستىڭدار.
كيىز ۇيمەن تانىس ەكەندەرىڭدى تانىتتىڭدار. ساباققا جاقسى قاتىناسقان بالالاردى ماداقتاۋ.

تاربيەشى جۇمباق جاسىرىپ ساباقتى قورىتىندىلايدى:
توبەدەگى كوزىنەن.
كۇن ساۋلەسى تۇسەدى.
بۇرىشى جوق تورىنەن.
سامال ەركىن ەسەدى. (كيىز ءۇي)