تۋعان جەر - تۇنعان تاريح
ەلوردالىق وقۋشىلار تۋعان ولكەنىڭ تاريحي-مادەني قۇندىلىقتارىمەن تەرەڭ تانىسۋدا
نۇر-سۇلتان قالاسى نازاربايەۆ زياتكەرلىك مەكتەبىنىڭ وقۋشىلارى 1-5 قاراشا ارالىعىندا «تۋعان ەلگە تاعزىم» ولكەتانۋ-زەرتتەۋ ەكسپەديسياسى اياسىندا ءوڭىردىڭ كورىكتى جەرلەرىن ارالاپ، عىلىمي جوبالارىنا تىڭ ماتەريال جيناۋدى باستادى. بيىل، جوباعا شاڭىراقتاردان «ۇزدىك» دەپ تانىلعان 22 وقۋشى قاتىسۋدا. جورىقتىڭ العاشقى كۇنى وقۋشىلار قابانباي باتىر كەسەنەسىنە ات باسىن بۇردى.
قابانباي باتىر كەسەنەسى اقمولا وبلىسى سەلينوگراد اۋدانى قىزىلجار اۋىلىندا ورنالاسقان. تاريح ءپانى ءمۇعالىمى اقتوتى عازيز قىزى جاس ولكەتانۋشىلارعا قابانباي باتىر جايىنداعى تاريحي دەرەكتەرمەن جانە كەسەنە جايلى كولەمدى اقپاراتپەن ءبولىستى. جاس ولكەتانۋشى، 10 D سىنىبىنىڭ وقۋشىسى شاكىرت ءالي رينات ۇلى ساياحاتتان العان اسەرى كەرەمەت ەكەندىگىن ايتتى.
— «ءور تۇلعا قابانباي باتىر كەسەنەسىنە بارعان ساياحاتتان ۇلكەن جىگەر الىپ قايتتىم. باتىردىڭ رۋحى ءبىزدى قاناتتاندىردى. وسى ساياحات ماعان كوپ جاقسى اسەر بەرىپ، جاقسى كوڭىل-كۇيدەمىن. مەن ءقازىر قابانباي باتىر كەسەنەسىن قالىڭ جۇرتشىلىققا تانىستىرۋ ماقساتىندا Minecraft ويىنىندا باتىر كەسەنەسىنىڭ ماكەتىن جاساپ شىعاردىم. بۇل ءوز كەزەگىندە، مەنىڭ قۇرداستارىما تۋعان ولكەنىڭ تاريحي جەرلەرىن ناسيحاتتاۋعا ارنالادى».
كۋراتور ىڭكار ميرحات قىزى وقۋشىلارعا كەسەنە جانىندا ورنالاسقان «ۇلتتىق پانتەون» جايىندا ايتىپ ءوتتى.
You Might Also Like
-
قازاق حالقىنىڭ اتۋ قارۋى جاق (ساداق) دەپ اتالعان. جاقتار ءار ءتۇرلى ماتەريالدار (اعاش، تارامىس، ءمۇيىز، سۇيەك، تەرى، قايىڭنىڭ توزى) پايدالانعان بىرنەشە بولىكتەردەن قۇرالعان. جاقتىڭ جەكە جاسالىپ، اتۋعا...
