قارۋ ورنىنا قامشى الىپ،
جول جۇردىك بىزدەر قانشالىق.
قانىمىز كەۋىپ، تامسانىپ،
بۇلاقتىڭ سۋىن اڭسادىق.
قاۋىمعا قاراپ، جار سالىپ.
قونىس ىزدەدىك، جان سالىپ،
اقىرى بىزدەر شارشادىق.
قالماعى شاۋىپ ءبىر ءوتتى،
قالعانى شاۋىپ ءبىر ءوتتى.
ۇيىعان سۇتتەي قايران ەل،
باس اۋعان جاققا ءدۇر ەتتى.
قارمادىق بوسقا تۇنەكتى،
تاپپادىق تۇتام تىرەكتى.
بەرمەدى تاعدىر تىلەكتى،
يتشىلەپ ءجۇرىپ كۇن ءوتتى.
ءۇزىلىپ قالعان ارمانداي،
ەش نارسەگە دە تاڭدانباي،
ەش نارسەگە دە الدانباي،
دۇنيە جيىپ، مالدانباي،
مىنىستەن قالعان تارلانداي،
جۇرىستەن قالعان ارلانداي،
تاسپاسىن ءتىلىپ، قامشى ءورىپ،
وتىرار ەدى اۋعانباي.
اداسىپ كوشتەن قالعانداي...

---