اجە، سەن بىرگە ءجۇرسىڭ مەنىمەنەن،
ولىگە مەن ءوزىڭدى تەلىمەگەم.
اق كيمەشەك كيگەن ءبىر كەمپىر كورسەم،
اق كيمەشەك استىنان سەنى كورەم.
ءوڭى-تۇسى وزىڭنەن ءبىر اۋمايدى،
نەمەرەسىن ەرتپەسە جۇرە المايدى.
تانىس داۋىس، تانىس ءسوز، تانىس ءماسى،
كوزىمە وتتاي باسىلىپ، الاۋلايدى.
اپپاقتىعى ۇقسايدى ءارىنىڭ دە،
ءاجىمىڭ دە، اۋمايدى ءتالىمىڭ دە.
...الەمدەگى اجەنىڭ ءبارى ءبىر مە؟!
اجە، سەن ءتىرى ەكەنسىڭ ءالى كۇنگە.
قيا وتپەيدى...
ۇقسايدى ىزەتى دە،
(ىزەتسىزدى بۇلار دا تۇزەتۋدە.)
بۇلار دا باباسىنان الىپ قالعان،
ءوز جۇرتىنىڭ ءداستۇرىن كۇزەتۋدە.
اجە، سەن بىرگە ءجۇرسىڭ مەنىمەنەن،
ولىگە مەن ءوزىڭدى تەلىمەگەم.
...اق كيمەشەك كورىنسە، سەنى كورەم،
اق كيمەشەك جوعالسا...
نەنى كورەم؟؟؟

---