InfoHub Logo

تۋعان جەر - ادام ومىرىمەن تىكەلەي بايلانىستى. مەنىڭ وتانىم قازاقستان رەسپۋبليكاسى. سول مەملەكەتتىڭ ىشىندە شىمكەنت قالاسى، اباي اۋدانى، اقتاس ەلدى مەكەنىندە مەن دۇنيەگە كەلدىم. بالالىق شاعىم تۋعان اۋىل كوشەلەرىندە الاڭسىز ويناپ وسۋمەن ءوتىپ جاتىر. تۋعان اۋىلىڭ بارىنەن دە ىستىق ەكەن.

جازعى دەمالىس كەزىندە اۋىلدان ءسال جىراق شىعىپ، ناعاشى اتا - اپالارىمنىڭ اۋىلىنا قىدىرسام، تۋعان اۋىلىمنىڭ ءتۇتىنى مەن شاڭىنا دەيىن جازعى كۇندەرى شاۋىلدەپ جاتپايتىن ءيتىم مويناققا دەيىن ساعىنام. ال اۋىلعا قايتقان كەزدە، اۋىلعا جاقىنداعاندا بويىما ەرەكشە قۋات ءبىتىپ، تۋعان اۋىلىمنىڭ اۋاسىن اۋىز تولتىرا جۇتىپ، ءاربىر جۋسان ءيىسى مەن ءشاربات تاتيتىن سۋىن ءشولىم قانعانشا راحاتتانىپ ءىشىپ الامىن.

تۋعان باۋىرلارىممەن اۋناپ - قۋناپ قۋالاسىپ وينايمىن. ءوز اۋلىمدى ەش جەرگە ايىرباستاماس ەدىم. تاڭەرتەڭ ساباققا سومكەمدى ارقاما اسىپ الىپ ءۇي سىرتىنا شىقسام، اپا - انالارىمىزدىڭ قازان باسىندا كۇيبەڭدەپ ءۇي شارۋاسى، اس قامىمەن جۇرگەنى، كوشەگە شىقسام، اۋىلداعى اقساقالداردىڭ ازانعى سيىرلارىن ورىسكە ايداپ، ءبىر – بىرىمەن قاۋقىلداسىپ امانداسىپ، ءجون سۇراسىپ تۇرعاندارىن كورەمىن.

كوشە بويلاپ كەلە جاتىپ، الدىمنان اپپاق جۇمىرتقاداي، اسەم بوي كوتەرگەن، اۋىل مەشىتى، ودان ارىرەكتە مەنىڭ التىنداي جارقىراعان مەكتەبىم قارسى الادى. ونداعى ءجۇزى مەيرىمدى اپايلارىم كۇلىپ قارسى الادى، سونىمەن قاربالاسقا تولى، قىزىقتى ساباقتار باستالادى. مىنە مۇنىڭ ءبارىن تاپىشتەپ جازىپ وتىرعانىمنىڭ سەبەبى، ءاربىر ادام بالاسىنا ءوز تۋعان جەرى، ونداعى ورنالاسقان ءاربىر عيمارات ءاربىر زات ىستىق. ءوزىمنىڭ تۋعان اۋىلىما دەگەن ماحابباتىم ەرەكشە، ءاربىر ادام بويىندا مۇنداي قاسيەت بولاتىنىنا سەنەمىن.

شىمكەنت قالاسى، اباي اۋدانى،
اقتاس ەلدى مەكەنى № 61 جالپى ورتا مەكتەپ
5 سىنىپ وقۋشىسى: قۋاندىق ءالي
جەتەكشىسى سەريكبايەۆا گۋلدانا شىرىنبايەۆنا