«ءاۋپ!» دەگەنى ءۇشىن
ءبىزدىڭ بۇقارباي ويىن-قالجىڭعا شەبەر، سوزدە دە، ىستە دە ۇتىمدى ادام ەدى. بىردە ول زاپوروجە سەلوسىمەن ىرگەلەس اۋىلعا بارادى. ونداعى تانىستارىنىڭ ءبىرى ەگىنىن باستىرىپ، استىعىن قاۋىزداپ جاتىر ەكەن. سالەمدەسىپ، «قىرمان تاسىسىن!» دەگەن تىلەگىن ايتىپ تۇرا بەرەدى، — دەپ باستادى جاكەجان اڭگىمەسىن. — قىرمان يەسى ۇشىرىلىپ، تازارتىلعان بيدايىن سارايىنا تاسي باستادى. بيداي سالىنعان قاپتاردى كوتەرىپ، ارقاسىنا تيەپ جاتقان كەزدە ات ۇستىندە تۇرعان بۇقارباي بىرنەشە رەت «ءاۋپ!» دەپ دەم بەرەدى.
كەلەسى كۇنى بۇقارباي اتىن جەگەدى دە، ارباسىنا ۇلكەن ءبىر قاپ سالىپ الىپ، كەشەگى ءوزى كەلىپ كەتكەن قىرمانعا كەلەدى. ديقان جۇمىس ىستەپ جاتىر ەكەن، وعان قاپشىعىن كورسەتىپ: «كەشەگى ۇلەسىمدى العالى كەلدىم»، — دەيدى. ديقان: «ول قانداي ۇلەس، نە ءۇشىن؟» — دەسە، بۇقارباي: «سەن بيداي تولتىرىلعان قاپتارىڭدى كوتەرە الماي جاتقاندا، مەن «ءاۋپ» دەپ دەم بەرگەمىن، سول ءۇشىن»، — دەپ قاپشىعىنا قىزىلداعان بيدايدى سالا باستايدى.
بۇقاربايدىڭ مىنەزىنە تانىس، ونىڭ سۇلىكتەي قادالعان جەرىنەن وزىنە كەرەگىن الماي كەتپەيتىنىن بىلەتىن ديقان وعان ءلام دەمەيدى. بۇقارباي بەس پۇتتىق قاپتى تولتىرىپ، ارباسىنا تيەيدى دە، ءوز جونىنە كەتە بارادى.
You Might Also Like
-
ەل ادامدارى ارا قونالقى جەردەن قاجىلاردى قارسى الادى. قاجىلاردان «تابارىك» دەپ العان قۇرمالارىن جۇمابەك ءبىر دورباعا سالىپ جينايدى، ەشكىمگە بەرمەيدى، شانا ۇستىندە بۇركەنىپ وتىرىپ ءوزى اعا...
-
اتباسار ۋەزىندەگى نايمان ىشىندە ءار ىستە ۇقىپتى، تىلىنە شەبەر، سوزدە ۇتىمدى، ءوز ەلىندە جانە كورشىلەس ەلدەردە بىلىكتى ادامداردىڭ ءبىرى. مۇقىش اتتى زيالى قارت ءومىر ءسۇردى.
