ايازدى كۇندەردە قانداي قاۋىپسىزدىك ەرەجەسىن ساقتاعان ءجون
ەلىمىزدىڭ بارلىق ايماعىندا اۋا رايى جاعدايى كۇردەلەنە ءتۇستى. ايازدى كۇندەردە ازاماتتار قانداي نەگىزگى ەرەجەلەردى ساقتاعانى ءجون؟
مامانداردىڭ ايتۋىنشا، قاتتى ايازدا اسىرەسە جاس بالالار مەن قارت ادامدار ءۇشىن مۇقتاجدىق بولماسا كوشەدە ءجۇرۋدىڭ، الىس جولعا شىعۋدىڭ قاجەتى جوق.
الايدا، سەرۋەنگە شىعۋعا شەشىم قابىلداعان جاعدايدا ۇيدەن شىقپاس بۇرىن الدىمەن جىلى كيىنىپ الۋ قاجەت.
ازاماتتار الكوگولدى ىشىمدىكتەن اۋلاق بولعانى ءجون.
سۋىقتا كوشەدە ءجۇرىپ قالۋدى ازايتىپ، شۇعىل قاجەتتىلىك بولماسا سىرتقا شىقپاڭىز. بۇل اسىرەسە كىشكەنتاي بالالار مەن قارتتارعا قاتىستى.
«اياز تۇسكەنشە تابيعاتقا، سىرعاناق تەبۋگە، سەرۋەندەۋگە بارماڭىز. كوشەگە شىقپاس بۇرىن كيىمدى مۇقيات تاڭداۋ كەرەك. جىلى ىشكى جانە سىرتقى كيىم، ىڭعايلى كەڭ جانە اياق كيىم كيۋ قاجەت. سونىمەن قاتار، قۇلاق پەن باسىن جاباتىن باس كيىمدەردى ۇمىتپاعانى دۇرىس. سۋعا شومىلعاننان كەيىن دىمقىل كيىممەن جانە شاشىڭىزدى جۋىپ الىپ، كەپتىرمەستەن بىردەن سىرتقا شىعۋعا بولمايدى. گيپوتەرميانىڭ العاشقى بەلگىلەرىندە نەمەسە توڭىپ قالساڭىز ەڭ جاقىن جىلى بولمەگە بارىڭىز. توڭىپ قالعان دەنە بولىگىن قىزارعانشا جىلى قولمەن، جەڭىل ماسساجبەن ىسقىلاپ، دەممەن جىلىتىڭىز. قاتتى اياز بەلگىلەرى بولعان كەزدە زارداپ شەككەن دەنەنى جىلىتۋ ءۇشىن سىرتىنان تاڭعىشپەن وراڭىز. ىستىق شاي ءىشىپ، اۋىرسىنۋدى باساتىن ءدارى قابىلداڭىز. دارىگەرگە قوڭىراۋ شالىڭىز»، — دەيدى ماماندار.
سونداي-اق، ماماندار گيپوتەرميانىڭ نەمەسە توڭۋ، ۇسىك شالۋدىڭ نەگىزگى بەلگىلەرى — قالتىراۋ، تەرىنىڭ بوزارۋى جانە كوگەرۋى، ساۋساقتار مەن ساۋساقتاردىڭ وتكىر اۋرۋى ەكەنىن ايتادى.
«ۇزاق ۋاقىتقا سوزىلعان گيپوتەرميا كەزىندە دەنەنى ءتىپتى ۇسىك شالۋى مۇمكىن. كوبىنە قۇلاق، قول، اياق جانە مۇرىن زاقىمدالادى. ۇسىك شالۋدىڭ ءبىرىنشى دارەجەسىندە تەرى بوزارادى، زارداپ شەككەن ايماقتاردىڭ سەزىمتالدىعى تومەندەيدى، جىلىنعاننان كەيىن قىزارۋ مەن ءىسىنۋ بايقالادى. زاقىمدانۋدىڭ كەلەسى كەزەڭدەرىندە تەرى كوك-قىزىل رەڭككە يە بولادى جانە ونىڭ بەتىندە ءمولدىر سۇيىقتىق بار كوپىرشىكتەر پايدا بولادى»، — دەپ تولىقتىردى ماماندار.
وقۋعا كەڭەس بەرەمىز:
قىستا SPF - كرەم قولدانۋدىڭ پايداسى بار ما؟!
كوكتايعاقتا قۇلاپ، جاراقات الماس ءۇشىن نە ىستەۋ كەرەك
ايازدى كۇندەرى كولىك يەلەرىنە قاجەت بولاتىن 16 ءايلا-تاسىل
دارىگەر-پوليارشىدان قاتتى ايازدا دۇرىس تىنىستاۋدىڭ 8 ەرەجەسى
ۆيرۋستارمەن قالاي كۇرەسۋ كەرەكتىگى جونىندە دارىگەر كوماروۆسكييدەن نۇسقاۋلىق
You Might Also Like
-
قازاق ۇلتتىق ۋنيۆەرسيتەتى (قازۇۋ) ەڭبەك الەۋمەتتانۋى جانە ادام رەسۋرستارىن باسقارۋ (HR) سالاسىنداعى ساراپشىلاردى دامىتۋدىڭ ماڭىزدى كاتاليزاتورىنا اينالۋدا. بيزنەس-ورتانىڭ زاماناۋي سىن-قاتەرلەرى مەن...
-
كەنەسارى، ناۋرىزباي زامانىندا جاننان اسقان ەر بولدى. «قازاقتى ورىسقا بەرمەيمىن» دەپ سارىارقادا سوعىس سالدى. اقمولانى، اقتاۋدى، ادىرلى قالالارىن الىپ، سالداتتاردى قويداي قىردى. ءبىراق جەر...
