بالاباقشادا اتا-انالاردان اقشا جيناۋ قانشالىقتى زاڭدى
شقو ءبىلىم باسقارماسىنىڭ باسشىسى ينەسسا چەرنىشيەۆا بالاباقشادا اتا-انالاردان اقشا جيناۋدىڭ قانشالىقتى زاڭدى ەكەندىگىن ءتۇسىندىردى.
شقو ءبىلىم باسقارماسىنىڭ مالىمەتىنە سۇيەنسەك، وڭىردە 2-دەن 6 جاسقا دەيىنگى بالالاردى مەكتەپكە دەيىنگى تاربيەمەن قامتۋ كورسەتكىشى - 97،8%.
بالاباقشاداعى كەزەكتى جويۋ ماقساتىندا ارنايى ازىرلەنگەن جوسپارعا سايكەس 2025 جىلعا دەيىن 2875 جاڭا ورىن اشۋ جوسپارلانعان.
بۇگىنگى تاڭدا بالاباقشا كەزەگىندە 2-3 جاستاعى 1675 بالا تۇر. ال ايماقتىڭ ەكى اۋدانى كاتونقاراعاي جانە ساماردا ورىن تاپشىلىعى جوق.
«وتكەن جىلى وبلىستاعى بالاباقشالاردا 1080 جاڭا ورىن اشىلدى. بيىل وسكەمەندە 5 بالاباقشا سالىنىپ، 880 ورىندىق بۇرىنعى 5 بالاباقشا عيماراتى نىسانالى ماقساتقا قايتارىلادى. سونداي-اق جۇمىس ىستەپ تۇرعان بالاباقشالاردى 300 ورىنعا كەڭەيتۋ جوسپارلانۋدا. ونىڭ ىشىندە زايسان اۋدانىندا 125 ورىنعا، ريددەر قالاسىندا، التاي، گلۋبوكوە، كۇرشىم، تارباعاتاي، ۇلان، شەمونايحا اۋداندارىندا 25 ورىنعا ارتتىرىلادى»، - دەيدى باسقارما باسشىسى ينەسسا چەرنىشيەۆا.
وسى رەتتە ول اتا-انالار ءجيى قوياتىن «بالاباقشالاردىڭ ءارتۇرلى قاجەتتىلىكتەرىنە قاراجات جيناۋ قانشالىقتى زاڭدى؟» دەگەن ساۋالعا جاۋاپ بەردى.
«مەكتەپكە دەيىنگى مەملەكەتتىك جانە جەكە مەنشىك ۇيىمداردى قارجىلاندىرۋ، مەكتەپكە دەيىنگى تاربيە مەن وقىتۋدى، ورتا ءبىلىم بەرۋدى، سونداي-اق تەحنيكالىق جانە كاسىپتىك، ورتا بىلىمنەن كەيىنگى، جوعارى جانە جوعارى وقۋ ورنىنان كەيىنگى ءبىلىم بەرۋدى جان باسىنا شاققانداعى نورماتيۆتىك قارجىلاندىرۋ قاعيدالارىن بەكىتۋ تۋرالى» ق ر ءبىلىم جانە عىلىم ءمينيسترىنىڭ 2017 جىلعى 27 قاراشاداعى № 596 بۇيرىعىنا سايكەس، وقىتۋدىڭ كرەديتتىك تەحنولوگياسىن ەسكەرە وتىرىپ جۇرگىزىلەدى. قارجىلاندىرۋدىڭ جان باسىنا شاققانداعى نورماتيۆىندە ۇيىمدى ۇستاۋعا جۇمسالاتىن بارلىق شىعىستار كوزدەلگەن. وسىلايشا، مەملەكەتتىك ۇيىمداردا ماتەريالدىق-تەحنيكالىق جاراقتاندىرۋ جەرگىلىكتى بيۋدجەت قاراجاتى ەسەبىنەن جۇرگىزىلەدى. سوندىقتان مۇنداي بالاباقشالاردا اتا-انالاردان اقشا جينالماۋى ءتيىس. ال جەكە ۇيىمداردا قارجىلاندىرۋ قۇرىلتايشىنىڭ قاراجاتى ەسەبىنەن جۇزەگە اسىرىلادى جانە ەگەر شارتتا ەرىكتى دەمەۋشىلىك كومەك تۋرالى تارماق بولسا، وندا وسى ماقساتتار ءۇشىن اتا-انالاردىڭ قاراجاتىن تارتۋعا بولادى»، - دەپ ءتۇسىندىردى ي.چەرنىشيەۆا.
You Might Also Like
-
يسلام تاريحىندا پايعامبارىمىز مۇحاممەد الەيھيسسالامنىڭ مەككەدەن ءماديناعا كوشۋى «حيجرەت» دەپ اتالدى (م. 622 ج). مەككە مۇشرىكتەرىنىڭ پايعامبارعا جانە مۇسىلماندارعا قىسىمى تولاستاماعاندىقت...
-
ءقازىر الەۋمەتتىك جەلىلەردەن جالپى اينالامىزدان بايقاعانىمىز، كەيبىر ادامدارعا قاراپ ءىشىمىز اشيدى. ولار ۇيالمايتىن نارسەدەن ۇيالادى، ال ۇيالاتىن نارسەدەن ۇيالمايدى. قاراپ تۇرساڭىز، تۇسىنىكسىز. ايتالىق، ...
