InfoHub Logo

بالاباقشادا قولدانىلاتىن ءتيىمدى تەحنولوگيالار
بالاباقشادا جاڭا پەداگوگيكالىق تەحنولوگيالاردى پايدالانۋدىڭ باستى ماقساتى: وقىتۋ مەن تاربيەلەۋدە يننوۆاسيالىق ويىن تەحنولوگياسىنىڭ ەلەمەنتتەرىن پايدالانو وتىرىپ جان - جاقتى، ءبىلىمدى، قۇزىرەتتى تۇلعا تاربيەلەۋ.
ويىن ارقىلى وقىتۋ تەحنولوگياسى
ويىن ارقىلى وقىتۋ تەحنولوگياسىنىڭ ماقساتى: ديداكتيكالىق، تاربيەلىك، دامىتۋشىلىق، الەۋمەتتەندىرۋشىلىك ماقساتقا جەتۋ.
ويىن تەحنولوگياسىنىڭ ەرەكشەلىگى: ويىندىق ءىس ارەكەتتىڭ پسيحولوگيالىق مەحانيزىمى جەكە باستىڭ وزىندىك تالاپ - تالعامدارىنا سۇيەنەدى. بالانىڭ بويىنداعى بىلىمدىك، تانىمدىق، شىعارماشىلىق قاسيەتتەرىن اشا ءتۇسۋدى كوزدەيدى. ويىن - بالالار ءۇشىن وقۋ دا، ەڭبەك تە. ويىن اينالاداعى دۇنيەنى تانۋدىڭ ءتاسىلى. سونىمەن قاتار، ويىن بالالارعا ومىردە كەزدەسكەن قيىنشىلىقتارلى جەڭۋ جولىن ۇيرەتىپ قانا قويمايدى، ولاردىڭ ۇيىمداستىرۋشىلىق قابىلەتتەرىن دە قالىپتاستىرادى. ويىن بالانىڭ جاسىنا قاراي ءوزىن قورشاعان ورتانى تانىپ بىلۋگە قۇشتارلىعىن ارتتىرادى.
ويىن تەحنولوگياسىن وقۋ ءىس - ارەكەتمدە قولدانۋ:
مەن ءوزىمنىڭ ورتاڭعى «اق كوگەرشىن»توبىندا تانىم جانە كوممۋنيكاسيا ءبىلىم بەرۋ سالالارى كىرىكتىرىلگەن «جابايى جانۋارلارى» تاقىرىبىندا وقۋ قىزمەتىن وتكىزدىم. وقۋ ءىس - ارەكەتىنىڭ ۇيىمداستىرۋشىلىق، وياتۋشىلىق كەزەڭىندە اۋىلعا بارۋ ماقساتىندا اۋىلدىڭ كورىنىسىن جاساۋ كەرەك بولدى. بۇل جەردە ۇيلەردى ءار ءتۇرلى - ءتۇستى گەومەتريالىق پىشىندەر بولدى جانە بالالارعا دا سونداي پىشىندەر تاراتىلدى. سول ارقىلى ولار ورىندارىن تاۋىپ، تۇستەرى مەن پىشىندەرىنە قاراي سايكەستەندىرىپ وتىرادى. بۇل جەردە بالانىڭ تانىمدىق قابىلەتى، جىلدام ويلاۋ جانە ەستە ساقتاۋ قابىلەتتەرى داميدى.
اۋىلعا جەتكەنشە ءان ايتايىق دەپ «قوشاقانىم» ءانىن ايتقىزۋ ارقىلى شىعارماشىلىق قابىلەتتەرى مەن تىلدەرىن دامىتۋ.
تريز – تەحنولوگياسى
تريز - ءدىڭ ماقساتى تەك قانا بالالاردىڭ قيالىن عانا ەمەس، سونىمەن قاتار شىنايلىقتى ءتۇسىنىپ جۇيەلى ويلاۋعا، ءوزىن - ءوزى تانۋعا، قورشاعان ورتانىڭ قيىندىعىن بايقاۋعا جانە دە وزدەرىنىڭ شاعىن قيىندىقتارىن شەشۋگە باۋلۋ بولىپ تابىلادى. بالالىق شاقتاعى تريز بالانىڭ ويلاۋ پروسەسىمەن، ءتىلى، قيالى، ەستە ساقتاۋ قابىلەتى، زەيىننىڭ بەلسەندى جانە بىرلەسىپ دامۋدى تۇسپالدايتىن تريز ەلەمەنتتەرىن جانە شىعارماشىلىق قيالدى دامىتۋ ادىستەرى مەن كومپيۋتەرلىك ۇيرەتۋ باعدارلامالارىن قولدانۋ ارقىلى قورشاعان ورتا تۋرالى بىلىمدەرىن كەڭەيتەتىن، يگەرگەن ءبىلىم مەن بىلىكتى وزىندىك ارەكەت كەزىندە، كوركەم ادەبيەت، تىلدىك، قاتىناس ت. ب ارەكەتتە قولداناتىن ادامنىڭ ويلاۋىن دامىتىپ تاربيەلەۋدىڭ بەلگىلى ءبىر جۇيەسى. مەكتەپكە دەيىنگى بالالارعا بەيىمدەلگەن تريز تەحنولوگياسى بالانى شىعارماشىلىق تاپسىرمالاردى ورىنداۋعا ۇيرەتەدى جانە ونىڭ بويىندا شىعارماشىلىق قاجەتتىلىكتەردى دامىتا وتىرىپ، ونىڭ قىزىعۋشىلىعىنا سۇيەنە وتىرىپ شىعارماشىلىققا باۋليدى.
ودان كەيىن جابايى جانۋارلارى تۋرالى بىلىمدەرىن بەكىتۋ ءۇشىن تريز تەحنولوگياسى بويىنشا تريز ساعاتى قولدانىلاتىن «اناسىن تاپ» ويىنى ويناتىلادى. بۇل جەردە بالا ۇزىن تىلىمەن ءبىر جابايى جانۋارىن تاڭداپ، اتىن اتاپ، ونىڭ ءۇي نەمەسە جابايى جانۋار ەكەنىن ايتىپ، قىسقا تىلىمەن ءتولىن كورسەتەدى. سەرگىتۋ كەزەڭىندە تاقپاق ايتا وتىرىپ، مىسىقتىڭ قيمىلدارىن كورسەتەدى.
قورىتۋ كەزەڭىندە وتىلگەن تاقىرىپ بويىنشا العان بىلىمدەرىن بەكىتۋ ءۇشىن جانە كەرى بايلانىس جاساۋ ءۇشىن تاعى دا تريز تەحنولوگياسى بويىنشا «لۋليا شەڭبەرى» قولدانىلاتىن تانىمدىق ويىن ويناتىلدى. بالالاردى ءۇش توپقا ءبولىپ، جارىستىرۋ.
(لۋليا شەڭبەرىنىڭ قۇرىلىسىمەن تانىستىرۋ)
وقۋ قىزمەتى بارىسىندا نەعۇرلىم ويىن تەحنولوگياسى كوپ قولدانىلسا، سوعۇرلىم مەڭگەرىلگەن ءبىلىم جاقسى بولادى.
قورىتا كەلگەندە مەكتەپ جاسىنا دەيىگى بالالاردىڭ دامۋىندا ويىن تەحنولوگياسى ماڭىزدى ءرول اتقارادى. ويىندار قولدانىلعان ساباقتاردا بالالار وزدەرىن ەركىن سەزىنىپ، ۇيالشاقتىقتان ارىلىپ، قيالدارى داميدى. تانىمدىق قابىلەتتەرىنىڭ دەڭگەيى وسەدى.

جامبىل وبلىسى، تاراز قالاسى
№26 «نۇراي» بوبەكجاي - باقشا تاربيەشىسى
كىلىشبايەۆا راۋشان ۋزاكبايەۆنا.