InfoHub Logo

توپاتاماداعى ساباقتار ءتىزىمى:
1. ويىنشىقتار
2. مەنىڭ وتباسىم
3. "ون دەگەنىم - وتان، قورعا سونى بوتام"

وقۋ ءىس - ارەكەتىنىڭ تاقىرىبى: ويىنشىقتار.
وقۋ ءىس - ارەكەتىنىڭ ماقساتى:
1) بالالاردىڭ ويىنشىق تۋرا­لى تۇسىنىكتەرىن كەڭەيتۋ، ۇقىپتىلىققا، تازالىققا تاربيەلەۋ.
2) ويىنشىقتاردى كۇتىپ، ۇقىپتى، تازا ويناۋعا ۇيرەتۋ.
سوزدىك جۇمىسى: ارعىماق، قارعىپ.
ءادىس - تاسىلدەر: سۇراق - جاۋاپ، ءتۇسىندىرۋ، ولەڭدى سىزبا ارقىلى جاتتاۋ.
وقۋ ءىس - ارەكەتىنىڭ كورنەكىلىكتەرى: ويىنشىق سۋرەتتەرى.

وقۋ ءىس - ارەكەتىنىڭ بارىسى:
ۇيىمداستىرۋ كەزەڭى. بالالار شاتتىڭ شەڭبەرىنە تۇرادى. ءبارى بىرگە قوسىلىپ ايتادى:
ءبىز ۇقىپتى بالامىز،
ايتقان ءتىلدى الامىز.
ويىنشىقتى جينايمىز،
ۇلكەندەردى سىيلايمىز.
پەداگوگ:
- سەندەردىڭ سۇيىكتى ويىنشىقتارىڭ بار ما؟
- قانداي ويىنشىقتى جاقسى كورەسىڭدەر؟
- ويىنشىقتاردى قالاي ۇستاۋ كەرەك؟

داپتەرمەن جۇمىس: ق. مىرزا ءاليدىڭ «ويىنشىقتار» ولەڭىن سىزبا ارقىلى جاتتاتۋ.
ءىشى تولا بولمەنىڭ (بولمەنىڭ سۋرەتى).
ويىنشىعىم (ويىنشىقتار سۋرەتى) مول مەنىڭ.
بوسقا ءتىزىپ قويمايىق، كەلە عوي، دوس، وينايىق.
مىنا تۇرعان ارعىماق (ارعىماقتىڭ سۋرەتى)،
مىنەم وعان قارعىپ - اق.
مىنا تۇرعان قويانىم (قوياننىڭ سۋرەتى)،
الدىنا جەم (ءسابىزدىڭ سۋرەتى) قويامىن.

سوزدىك جۇمىسى:
- ارعىماق دەپ جۇيرىك ءارى ادەمى اتتى ايتامىز.
- قارعىپ دەپ اتقا سەكىرىپ ءمىنۋدى ايتادى.
ديداكتيكالىق ويىن: «جالعاسىن تاپ».
ويىن شارتى: باستاۋشى بالا سويلەمدى باستاپ بەرەدى، بالا­لار اياقتايدى.
- مەنىڭ ويىنشىعىم... /ادەمى/.
- مەن قۋىرشاقپەن... /وينايمىن/.
- دوپتى جوعارى... /لاقتىردىم/.

سەرگىتۋ ءساتى: ساۋساققا ارنالعان جاتتىعۋ.
دوبىم، دوبىم، دومالاق،
توقتامايسىڭ دومالاپ.
ۇستەل ءۇستىن بۇل ءدىردىڭ،
تارەلكەنى سىندىردىڭ.
تەنتەك بولىپ كەتتىڭ دەپ،
تۇرمىن سەنى تەپكىم كەپ.
(ساۋساقپەن، اياقپەن كورسەتەدى).

داپتەرمەن جۇمىس:
- وزىڭە ۇنايتىن ويىنشىقتىڭ سۋرەتىن سال. ول تۋرالى بىلەتىنىڭدى ايت.
- جۇمباقتىڭ شەشۋىن تاپ.
ءبىر قۇلاعى سويلەسە،
ءبىر قۇلاعى تىڭدايدى،
بىلسەڭ ايتشى ەندەشە،
جۇرت نە دەيدى مۇندايدى؟ (تەلەفون).

قورىتىندى:
- ويىنشىقتاردى قالاي ۇستاۋ كەرەك؟
- قانداي ويىنشىق تۇرلەرىن بىلەسىڭ؟
- ويىنشىقتى كىمدەر جاسايدى؟
- ويىنشىق تۋرالى قانداي تاقپاق بىلەسىڭ؟