InfoHub Logo

"ۇبت-عا بارار جول..." وقۋشىلاردى ۇبت-عا پسيحولوگيالىق دايىنداۋ بويىنشا ادىستەمەلىك نۇسقاۋلار

ۇبت - جاڭا تەحنولوگيالارعا نەگىزدەلگەن، مەكتەپ تۇلەكتەرىنىڭ قورىتىندى مەملەكەتتىك اتتەستاسياسىن جانە كوللەدجدەر مەن جوعارى وقۋ ورىندارىنا ءتۇسۋ ەمتيحاندارىن بىرىكتىرەتىن، ءبىلىم بەرۋ ۇيىمىنان تاۋەلسىز، ءبىلىم ساپاسىن باعالاۋدىڭ مەملەكەتتىك جۇيەسى.
ۇبت ماقساتى: ءبىلىمنىڭ جوعارى ساپاسىن قامتاماسىز ەتەتىن وقۋ جەتىستىكتەرىنىڭ سىرتقى تاۋەلسىز باعاسىنىڭ جۇيەسىن قۇرۋ.

ۇبت مىندەتتەرى:
1. ءبىرىڭعاي ولشەۋ ماتەريالدارىنىڭ كومەگىمەن ءبىلىم ساپاسىن مەملەكەتتىك باقىلاۋ مەن باسقارۋدى قامتاماسىز ەتۋ؛
2. ءبىلىم ساپاسىن باعالاۋدىڭ شىنايىلىعىن، دۇرىستىعىن ارتتىرۋ؛
3. جوعارى جانە ورتا كاسىپتىك بىلىمگە قول جەتكىزۋدە الەۋمەتتىك ادىلەتتىلىكتى قامتاماسىز ەتۋ.
قازىرگى كەزدە وقۋشىلاردى ۇبت تاپسىرۋعا پسيحولوگيالىق تۇرعىدان دايىنداۋ قاجەت. تەستتى تاپسىرۋعا ەشكىم ارنايى ۇيرەتپەيدى، ءبىراق سوعان قاراماستان، مۇنداي پسيحولوگيالىق ءبىلىم وتە پايدالى. ولار تەستكە دايىندالۋ تيىمدىلىگىن ارتتىرىپ، تەست كەزىندە ءوزىڭدى ويداعىداي ۇستاۋعا كومەكتەسىپ قانا قويمايدى، سونىمەن قاتار وي جۇمىسى داعدىلارىن دامىتۋعا، ماڭىزدى كەزدەردە ءوزىڭدى جۇمىسقا جۇمىلدىرۋعا، ءوزىڭنىڭ ەموسيالارىڭدى قولعا الۋعا كومەكتەسەدى. ۇبت ءراسىمى ويىڭدى ابدەن جيناقتاپ، بار نازارىڭدى سوعان اۋدارىپ، مۇقيات جانە ۇقىپتى بولۋدى، ءبىر تاپسىرمادان ەكىنشىسىنە جىلدام كوشە ءبىلۋدى تالاپ ەتەدى.

تەست تاپسىرۋ پروسەسىن پسيحولوگيالىق قامتاماسىز ەتۋ ماسەلەسىن تالقىلاي وتىرىپ، ونىڭ 3 كەزەڭىن اتاپ ءوتۋ قاجەت:
ءى. تەستكە دايىندىق، تەست الدىندا وقۋ ماتەريالىن زەردەلەۋ؛
ءىى. تەست قارساڭىندا؛
ءىىى. تەستكە كىرەر كەزدە.

ءى. تەستكە دايىندىق، تەست الدىندا وقۋ ماتەريالىن زەردەلەۋ: اسا اۋىر كەزدەردە باسىڭدى جوعالتىپ الماس ءۇشىن، اسا جوعارى ماقساتقا قول جەتكىزۋ ءۇشىن ءوزىڭنىڭ الدىڭا اسا جوعارى مىندەت قويما. جاعدايدىڭ ابدەن شيەلەنىسۋىن كۇتىپ وتىرما. ەمتيحانعا الدىن الا، ازداپ - ازداپ، بولشەكتەپ دايىندالۋعا كىرىس. ەگەر كۇش - جىگەرىڭ مەن ويىڭدى جيناۋ قيىنعا سوقسا، الدىمەن ەڭ جەڭىلدەرىن ەستە ساقتاۋعا تىرىس، سودان كەيىن كۇردەلى ماتەريالدى وقۋعا كوش. ىشكى قوبالجۋدى، شارشاعاندىقتى باسۋعا، ءوزىڭدى بوس ۇستاۋعا كومەكتەسەتىن جاتتىعۋلاردى كۇن سايىن ورىندا.

ءوزىڭنىڭ جۇمىس ورنىڭدى دايىنداپ ال. ۇستەلگە سارى نەمەسە كۇلگىن تۇستەگى زاتتار نەمەسە سۋرەت قوي، ويتكەنى بۇل تۇستەر زياتكەرلىك بەلسەندىلىكتى وياتادى.

ەمتيحانعا دايىندالعان كەزدە كوزگە كوپ جۇك تۇسەدى. ەگەر كوز شارشاسا، بۇكىل ورگانيزم شارشادى دەگەن ءسوز: ونىڭ ەمتيحان تاپسىرمالارىن ورىنداۋعا كۇشى جەتپەيدى. كوزگە دەمالىس بەرۋ كەرەك. تومەندەگى جاتتىعۋلاردىڭ كەز كەلگەن ەكەۋىن ورىندا:
- كەزەك - كەزەك جوعارى - تومەن (25 سەكۋند)، وڭعا - سولعا (15 سەكۋند) قارا؛
- كوزىڭمەن ءوزىڭنىڭ تەگىڭدى، اتىڭدى، اكەڭنىڭ اتىن جاز؛
- قاشىقتاعى زاتقا قارا (20 سەكۋند)، سوسىن كوز الدىڭداعى پاراققا ءبىرىنشى وڭنان سولعا قاراي، سوسىن سولدان وڭعا قاراي شارشىنىڭ، ءۇشبۇرىشتىڭ سۋرەتىن سال.

كۇنىڭدى ۇشكە ءبول:
- ەمتيحانعا كۇنىنە 8 ساعات دايىندال؛
- سپورتپەن شۇعىلدان، تازا اۋادا دەمال، ديسكوتەكاعا بارىپ بيلەپ كەل؛
- كەم دەگەندە 8 ساعات ۇيىقتا؛ ەگەر قاجەت دەپ ساناساڭ تۇسكى استان كەيىن وزىڭە ءۇزىلىس جاساپ، ازداپ ۇيىقتاپ ال.

كۇنىنە 3 - 4 رەت تاماقتانۋ قاجەت؛ تاماق ءنارلى جانە دارۋمەندەرگە باي بولسىن. گرەك جاڭعاعىن، ءسۇت ونىمدەرىن، بالىق، ەت، كوكونىس - جەمىس، شوكولاد جە. تاعى ءبىر كەڭەس: ەمتيحان الدىندا اسا تويىپ جەمە جانە ءسۇت ونىمدەرىن ىشپە.

كوپ ماتەريالدى قالاي ەستە ساقتاۋعا بولادى؟
ماتەريالداردى سۇراق بويىنشا قايتالا. باسىندا ەسىڭە ءتۇسىر دە، بار بىلگەنىڭدى قىسقاشا جازىپ ال. سودان كەيىن عانا داتالاردىڭ، نەگىزگى وقيعالاردىڭ دۇرىستىعىن تەكسەر. وقۋلىقتى وقىپ وتىرعاندا باستى، وزەكتى ويلاردى ءتۇرتىپ وتىر – بۇل جاۋاپتىڭ نەگىزگى تارماقتارى بولماق. كىشكەنتاي پاراقتارعا ءار سۇراققا جاۋاپتىڭ قىسقاشا جوسپارىن قۇراستىرىپ ۇيرەن. ەرتەڭ ەمتيحانعا بارامىن دەگەن كۇنى جاۋاپتىڭ قىسقاشا جوسپارلارى بار پاراقتارىڭدى قاراپ شىق.