InfoHub Logo

كەشە ق ر پرەمەر-مينيسترىنىڭ ورىنباسارى يمانعالي تاسماعامبەتوۆ پارلامەنت سەناتىنىڭ دەپۋتاتتارى، ونىڭ ىشىندە ءبىرعانىم ءايتىموۆا جەتەكشىلىك ەتەتىن الەۋمەتتىك-مادەني دامۋ جانە عىلىم جونىندەگى كوميتەتتىڭ مۇشەلەرىمەن كەزدەستى، دەپ حابارلادى ۇكىمەت باسشىسىنىڭ باسپا ءسوز قىزمەتىنەن.

كەزدەسۋ بارىسىندا الەۋمەتتىك سالاعا قاتىستى ماڭىزدى سۇراقتار تالقىلاندى. ۆيسە-پرەمەر يمانعالي تاسماعامبەتوۆ اتاپ وتكەندەي، وتكەن جىلى پارلامەنتكە ءبىلىم، دەنساۋلىق جانە مادەنيەت ماسەلەلەرى بويىنشا 7 قورىتىندى جولداندى.

بالالاردى بالاباقشاعا كەزەككە قويۋدى جانە جولداما بەرۋدى اۆتوماتتاندىرۋ، مەكەتپكە دەيىنگى ءبىلىم بەرۋ نىساندارىنىڭ جەلىسىن ۇلعايتۋ سياقتى مەكتەپكە دەيىنگى ءبىلىم جانە تاربيە بەرۋ ماسەلەلەرى قارالدى. اعىمداعى جىلى مەملەكەتتىك-جەكەمەنشىك ارىپتەستىك اياسىندا 41،9 مىڭ جاڭا ورىندار قۇرۋ جوسپارلانىپ وتىر.

سونداي-اق، ورتا ءبىلىم بەرۋگە قاتىستى اپاتتى جانە ءۇش اۋىسىمداعى مەكتەپتەردىڭ ورنىنا 56 نىسان قۇرىلىسىن سالۋ، 2،5،7 سىنىپتاردا جاڭارتىلعان باعدارلامامەن بەس كۇندىك وقۋ اپتاسىنا كوشۋ، ءبىتىرۋ جانە وقۋعا ءتۇسۋ ەمتيحاندارىن ءبولۋ ارقىلى جاڭا فورماتتا ۇبت وتكىزۋ سۇراقتارى قارالدى.

ايتا كەتەيىك، اعىمداعى جىلى مەكتەپتەگى تاماقتانۋ، قۇرال-جابدىق، كيىم ۇلگىسى، سپورت جانە باسقا دا بالالاردىڭ قاۋىپسىزدىگى، دەنساۋلىعى مەن ءال-اۋقاتىنا قاتىستى ستاندارتتار مەن ەرەجەلەر قايتا قارالادى.

كاسىپتىك-تەحنيكالىق ءبىلىم سالاسىندا «جالپىعا بىردەي تەگىن كاسىپتىك-تەحنيكالىق ءبىلىم» جوباسىن جۇزەگە اسىرۋ قاراستىرىلۋدا. الدىن-الا مالىمەت بويىنشا ول 47،3 مىڭ ادامدى قامتيدى، 67 جۇمىسشى ماماندىعى بويىنشا جاڭا مودۋلدىك باعدارلاما ازىرلەنىپ، جاڭا باعدارلامانى جۇزەگە اسىرۋ ءۇشىن 5200 وقىتۋشى مەن وندىرىستىك وقىتۋ شەبەرلەرى وقىتىلدى.  

جوعارى جانە جوعارعى وقۋ ورنىنان كەيىنگى ءبىلىم سالاسىندا كورپوراتيۆتى باسقارۋ قاعيداسى ەنگىزىلىپ، ىشكى اۋديت قىزمەتى قۇرىلادى. جوو-نىڭ ۇيىمداستىرۋ-قۇقىقتىق فورماسى وزگەرىپ، كوممەرسيالىق ەمەس اكسيونەرلىك قوعامدارعا وتەدى. جوو-نا مەملەكەتتىك اتتەستاسيا حالىقارالىق اتتەستاسيامەن اۋىستىرىلادى.

سونىمەن قاتار، دەنساۋلىق ساقتاۋ سالاسىندا الەۋمەتتىك مەديسينالىق ساقتاندىرۋ قورى جانە ونىڭ فيليالدارىن قۇرۋ سۇراعى كوتەرىلدى. وسى جىلى مەديسينالىق وقۋ ورىندارىندا پەدياتريا فاكۋلتەتى اشىلادى جانە پەدياتريا ۋچاسكەلەرى قالپىنا كەلتىرىلىپ، وڭىرلەردەگى بارلىق ەمحانالاردا ەلەكتروندى كەزەك ەنگىزىلەدى. حالىقارالىق ستاندارتتارعا سايكەس كەزەڭ-كەزەڭىمەن ونكولوگيالىق ديسپانسەرلەر بازاسىندا ورتالىقتاندىرىلعان حيميالىق پرەپاراتتاردى قۇرۋ كابينەتتەرى اشىلادى. سونداي-اق، دارى-دارمەك باعاسىنا رەگرەسسيۆتى ولشەم ەنگىزۋ ماسەلەسى قارالدى.

 

---