InfoHub Logo

ماقساتى : بالالاردىڭ شىعارماشىلىق قابىلەتتەرىن دامىتۋ؛
بالالارعا ەستەتيكالىق تاربيە بەرۋ؛
مەكتەپكە دەيىنگى جاستاعى بالالاردىڭ مۋزىكالىق مادەنيەتىن قالىپتاستىرۋ؛
بالا مەن اتا - انا اراسىنداعى قارىم - قاتىناستى جاقسارتۋ؛
بالالاردىڭ مەرەكەلىك كوڭىل - كۇيلەرىن قالىپتاستىرۋ.
كورنەكىلىكتەر: شارلار؛ گۇلدەر؛ كامپيتتەردەن جاسالعان سيۋرپريز؛
سيۋرپريز - ويىنشىقتار، سيقىرلى ساندىق.
/مۋزىكا «بالانىڭ كۇلكىسى» وينالادى/.

جۇرگىزۋشى: قۇرمەتتى بالالار، اتا - انالار، قوناقتار!
«بالالاردىڭ كۇلكىسى - كوركى، ءسانى الەمنىڭ» اتتى مەرەكەلىك ويىن - ساۋىقتى باستاۋعا رۇقسات ەتىڭىزدەر.
/مۋزىكا «جازعى تابيعاتتىڭ داۋىستارى»وينالادى/
ءوتۋ بارىسى:
جاز: جازدى كۇنى شىلدە دە،
جەمىس ءپىسىپ تولادى.
قىزىل، جاسىل گۇلدەرگە،
كوبەلەكتەر قونادى.
سالەمەتسىزدەرمە، مەنىڭ دوستارىم!
بالالار، تىڭداڭدارشى؟ بۇل قانداي دىبىستار؟ قاي جىل مەزگىلىنىڭ داۋىستارى؟ /مۋزىكا «جازعى تابيعاتتىڭ داۋىستارى»
وينالادى/
بالالار: جاز مەزگىلى.
جاز: دۇرىس، بالالار. سىزدەر قانداي زەرەك بالالارسىڭدار!
مەن سىزدەرمەن تانىسقانىما قۋانىشتىمىن!
سىزدەر، قالاي ءوسىپ، ۇلكەن بولعانسىڭدار؟
سىزدەر، مەنى، تانىدىڭدار ما؟
بالالار: سەنىڭ اتىڭ – جاز.
جاز: جاز كەلگەنىنە، قانداي جاقسى بولدى! بالالار كانيكۋلعا شىقتى! بۇگىن، جازدىڭ ءبىرىنشى كۇنى، سوندىقتان،
مەن سىزدەرگە قوناققا كەلدىم! كانە، تانىسايىق! مەنىڭ اتىم – جاز،
ال سىزدەردىڭ اتتارىڭ؟
/بالالار ءوز اتتارىن اتايدى/ تۇرا تۇرىڭدار، تۇرا تۇرىڭدار! مەن ءبارىڭىزدىڭ اتتارىڭىزدى، ەستە ساقتاي المايمىن. مەن ءقازىر سىزدەرمەن بىرگە «اتىڭدى اتا»دەگەن ويىن وينايمىن، «قىزدار» دەگەندە، قىزدار وزدەرىڭىزدىڭ اتتارىڭىزدى اتاڭدار، ال «ۇلدار» دەگەندە، ۇلدار وزدەرىڭىزدىڭ اتتارىڭىزدى اتاڭدار، جارايدى ما؟
/جاز بالالارمەن «اتىڭدى اتا» دەگەن ويىن وينايدى./
/كوڭىلدى مۋزىكا وينالادى/.
جاز: بالالار، تىڭداڭىزدار، بىرەۋ، بىزگە ەسىك قاعىپ كەلىپ تۇرعان سياقتى؟
/ەسىك قاعىلادى، مەرەكە حانشايىمى كەلەدى./
جاز: بالالار، سىزدەر، تانىدىڭدار ما؟
/بالالار «جوق»دەگەن جاۋاپ قايتارادى./
جاز: بالالار، بۇل مەرەكە حانشايىمى ەكەن، بۇگىن جازدىڭ ءبىرىنشى كۇنى مەيرام كۇنى عوي، سوعان سوناۋ الىس جول ءجۇرىپ، سىزدەرگە كوپتەگەن سىيلىقتار، ءتاتتى كامپيتتەر، ويىن - ساۋىقتار اكەلىپ سىزدەرگە قۋانىش، شاتتىق سىيلاۋ ءۇشىن كەلىپتى. قانە، بالالار، قولىمىزدى سوعىپ، قارسى الايىق!
/بالالار جانە جاز قولدارىن سوعىپ، مەرەكە حانشايىمىن قارسى الادى، ونىڭ قاسىندا كومەكشىلەرى بولادى./
مەرەكە حانشايىمى: سالەماتسىزدار ما، بالالار، اتا - انالار،
قوناقتار! بۇگىن 1 ماۋسىم - بالالاردى قورعاۋ كۇنى، بۇگىن مەرەكە،
سوندىقتان، مەن سىزدەرگە وسى مەرەكەنى جاقسى وتكىزۋگە كەلدىم! قانە،
بالالار، بۇگىن وسى سىزدەردىڭ مەرەكەلەرىڭىزدى جاقسى وتكىزەمىز بە؟
بالالار: يا.
مەرەكە حانشايىمى: بالالار، بۇگىن 1 ماۋسىم كۇنى وتە ادەمى، جارقىن مەيرامنىڭ ءبىرى، سوندىقتان مەن سىزدەرمەن بىرگە ءبىرىنشى تانىسقىم كەلىپ تۇر.
مەنىڭ اتىم - مەرەكە حانشايىمى، ال سەندەردىڭ شە؟ /بالالار وزدەرىنىڭ اتتارىن اتايدى/. تۇرا تۇرىڭدار، تۇرا تۇرىڭدار، مەن بۇلاي سەندەردى تاني المايمىن - عوي، وداندا مىنانداي ويىن وينايىق.
مەرەكە حانشايىمى «قانە، تانىسايىق» ويىنىن وينايدى.
ويىن «قانە، تانىسايىق».
مەرەكە حانشايىمى نەشە ءتۇرلى اتتاردى اتايدى. سول اتاعان اتتارى تاپ بولسا، بالالار وزدەرىنىڭ قولدارىن كوتەرەدى، مەرەكە حانشايىمى كىشكەنتاي سىيلىقتار بەرەدى. ال تابىلماي قالعان اتقا ۇلكەن سىيلىق بەرەدى.
مەرەكە حانشايىمى: بالالار، سەندەر «شرەك» ءمۋلتفيلمىن كورگەن بولارسىڭدار؟
بالالار: يا، كوردىك.
مەرەكە حانشايىمى: وندا، سەندەرگە جۇمباق جاسىرايىن، شرەكتىڭ دوسىن بىلەسىڭدەر مە؟
بالالار: فيونا.
/ «شرەك» مۋلتفيلمىنەن مۋزىكا وينالادى/
مەرەكە حانشايىمى: جارايسىڭدار، وندا وسى ءمۋلتفيلمنىڭ كەيىپكەرى فيونانى قارسى الايىق! ول دا ءبىزدىڭ بۇگىنگى مەيرامعا قوناققا كەلدى. ول سەندەرمەن بىرگە بيلەۋگە كەلدى.
فيونا: سالەمەتسىزدەر مە، بالالار!
/فيونا، بالالاردى، اتا - انالاردى تۇرعىزىپ بي بيلەتەدى. جاز بەن مەرەكە حانشايىمى بىرگە قوسىلادى./
جاز: ەڭ جاقسى بيلەگەندەرگە سىيلىق بار.
بي: «ۋتياتا». / «تانەس مالەنكيح ۋتيات» مۋزىكاسى وينالادى/
جاز جاقسى بيلەگەندەرگە سىيلىق بەرەدى
مەرەكە حانشايىمى: مىنە، بالالار، بىزدەر سەندەرمەن بىرگە تانىستىق،
بيلەدىك، ەندى مەن سەندەردىڭ ونەرلەرىڭدى كورگىم كەلىپ تۇر.
قانە، بالالار، ماعان ونەرلەرىڭدى كورسەتەسىڭدەر مە؟
بالالار: يا، كورسەتەمىز.
/وسى جەردە بالالار تاقپاقتارىن ايتىپ، ونەرلەرىن كورسەتىپ مەرەكە حانشايىمىن تاڭقالدىرادى./
بالالار تاقپاقتار ايتادى:
بەكسۇلتان: دوس بولايىق ءبارىمىز،
جاراسىپ تۇر ءانىمىز.
تانيا: باقىتتى بولىپ وسەمىز،
ءان سالامىز ءبىز بۇگىن.
ايكوركەم: وتان ءبىزدىڭ انامىز،
الپەشتەپ وسىرگەن،
ءومىر ءنارىن الامىز،
ونىڭ نۇرلى توسىنەن.
تەمىرلان: ءان كومەيدەن قۇيىلدى
قايعى بۇلتى شەگىلدى،
بالالارمەن دۇنيە،
كورىكتى دە كوڭىلدى.
نۇراينا: جۇرەدى ولار ارمان بوپ،
تۇرادى ولار مارجان بوپ،
بالالارى باقىتتى،
انالاردا ارمان جوق.
سايدا: ءبىز بالدىرعان تەڭ باسقان،
دوس قۇشاعىن كەڭ اشقان،
تىلەگىمىز بەيبىت كۇن،
اشىق بولسىن كەڭ اسپان.
نۇرمۇحاممەد: بالا باقشام بالپاعىم،
كۇلىپ ويناپ قايتامىن،
ءان سالىپ، بي بيلەپ،
تاقپاقتى دا ايتامىن.
اسان: سارى، اقپىز، قارامىز.
بارىمىزدە بالامىز.
ءبىر اۋىلدا تۇرامىز.
ءبىر باقشاعا بارامىز.
راتمير: بالالار كۇنىندە
باقشامىزعا بارايىق،
ءبارىمىز دە كۇلىمدەپ
ءانىمىزدى سالايىق.
ماعجان: ءان سالايىق قوسىلىپ،
سابيلەردىڭ بۇل كۇنى،
ماقتاپ كەتسىن وسى جۇرت،
بالالار دەپ ۇلگىلى.
مەرەكە حانشايىمى: قانداي ونەرلى بالالارسىڭدار، جارايسىڭدار!
ەندى مەن سەندەرمەن جانە سىزدەردىڭ اتا - انالارىڭىزبەن بايقاۋ وتكىزگىم كەلىپ تۇر. بۇل بايقاۋدىڭ اتى «بالاباقشاعا جينالۋ». ەستەرىڭىزگە ءتۇسىرىڭىز، اتا - انا تاڭەرتەڭ جۇمىسقا اسىعىپ بالانى بالاباقشاعا كيىندىرە باستايدى. وسى ويىندا سونى كورسەتۋ كەرەك. بۇل ويىندا ەپتىلىك، جىلدامدىق جانە ۇقىپتىلىق قاجەت. كىم بالاسىن دۇرىس جانە جىلدام كيىندىرەدى، سول سىيلىق الادى.
1 مينۋت ۋاقىت بەرىلەدى./مۋزىكا، بالانىڭ جىلاعان داۋىسى وينالادى/
بايقاۋ «بالاباقشاعا جينالۋ»:
ورتاعا 4 اتا - انا مەن ولاردىڭ بالالارى شىعادى، اتا - انا بالاسىن جىلدام جانە دۇرىس كيىندىرۋ كەرەك. كىم جىلدام كيىندىرىپ بولادى، سوعان سىيلىق تابىستايدى.
بۇل ويىندى ەكى رەت ويناتادى.
مەرەكە حانشايىمى: جارايسىڭدار، قانداي كەرەمەت ويىن.
ال، ەندى تاعى دا، بيلەيىكشى فيونامەن بىرگە.
بي ءۇزىلىسى: فيونا، جاز، مەرەكە حانشايىمى ورتاعا شىعىپ اتا - انالاردى، بالالاردى «پوەزد» ءبيىن بيلەتەدى. بۇكىل الاڭدا ءجۇرىپ ءبىر – ءبىرىنىڭ ارتىنان ۇستاپ، «پوەزد» سياقتى ءجۇرىپ بيلەيدى.
/ «پۋست بەگۋت نەۋكليۋجە» انىنە بيلەيدى/.
مەرەكە حانشايىمى: مەن، بايقايمىن، ءبىزدىڭ ارامىزدا وتە ادەمى بانتيكتەر تاققان قىزدار كوپ، قانە مىندا كەلىڭدەرشى، مەن سەندەرمەن جانە اتا - انالارىڭمەن بىرگە ەكى ويىن وتكىزەيىن. كىم سول ويىندا جەڭەدى، سوعان سىيلىق بەرىلەدى.
1- ويىن. مەرەكە حانشايىمى «تۇيىنشەكتى شەش» ويىنىن ويناتادى:
ويىننىڭ شارتى: ويىنعا 6 اتا - انا قىزدارىمەن قاتىسادى. ءازىر تۇرعان تۇيىنشەكتەلگەن بانتيكتەردى جىلدام شەشۋ.
1 مينۋت ۋاقىت بەرىلەدى./مۋزىكا وينالادى/
2- ويىن. «سىيلىقتى اشەكەيلە»:
ويىننىڭ شارتى: ءازىر تۇرعان كىتاپتى بانتيكپەن اشەكەيلەۋ. 1 مينۋت ۋاقىت بەرىلەدى. كىم جىلدام اشەكەيلەيدى، سوعان سىيلىق بەرىلەدى.
/مۋزىكا وينالادى/
مەرەكە حانشايىمى: جارايسىڭدار، اتا - انالار!
/مەرەكە حانشايىمى جەڭگەن اتا - انالارعا سىيلىقتار تابىس ەتەدى./
مەرەكە حانشايىمى: بالالار، ەندى ءبارىمىز كوزدەرىمىزدى جۇمىپ،
ەلەستەتەيىكشى، ەرتەگىلەر الەمىن. ەلەستەتتىڭدەر مە؟
بالالار: يا.
مەرەكە حانشايىمى: ال، ەندى، ەرتەگىلەر الەمى، بىزگە كەلۋ ءۇشىن سيقىرلى ءسوزدى ايتۋ كەرەك: ءبىرىنشى جايلاپ، سوسىن قاتتى، سودان سوڭ ودان دا قاتتىراق، داۋىستاپ «ەرتەگى» دەگەن ءسوزدى.
/مەرەكە حانشايىمى بالالارمەن بىرگە «ەرتەگى» ءسوزىن ايتقىزعاندا، «ەرتەگى»كەلەدى./
ەرتەگى: سالەمەتسىزدەر مە، بالالار! مەنى شاقىردىڭدار ما، مەن كەلدىم!
سەندەر، قانداي، ادەمىسىڭدەر، باقىتتىسىڭدار، كوڭىلدىسىڭدەر جانە دە زەرەكسىڭدەر! سولاي ما، بالالار؟
مەرەكە حانشايىمى: ءبىز سەنى كورگەنىمىزگە قۋانىشتىمىز، ەرتەگى! ەرەسەك ادامداردا، بالالاردا ەرتەگىلەردى جاقسى كورەدى، ونى تىڭدايدى، جانە سولارمەن بىرگە وسەدى، سودان سوڭ وزدەرىنىڭ بالالارىنا ايتادى.
ەرتەگى: ەندى بالالار، مەن سىزدەردىڭ اتا - انالارىمەن ويىندار وينايمىن، كىم جەڭەدى، سولارعا مەدالدار بەرەمىن.
ەرتەگى، اتا - انالاردى ورتاعا شاقىرىپ ويىن ۇيىمداستىرادى.

1-ويىن. «سوقىر مەن اقساق».
ويىننىڭ شارتى: ويىنعا اتا - انالار قاتىسادى. ويىنشىلار ەكى توپقا بولىنەدى. ءار توپتا 4 ادامنان بولادى. ويىنشىلار ەكى - ەكىدەن بولىنەدى، ءبىر ويىنشىعا كوزى بايلانادى، ال ەكىنشى ويىنشى اياعىن تىزەسىنەن بۇگىپ، كوزى بايلانعان ويىنشىنى ۇستايدى دا مەجەگە جىلدام جەتەدى، مەجەنى اينالىپ، قايتادان ەكىنشى ەكى كىسىگە ەستافەتانى بەرەدى./مۋزىكا وينالادى/

2- ويىن. «ساياحاتشى باقا».
ويىننىڭ شارتى: ويىنعا ءۇش اتا - انا قاتىسادى. كورنەكىلىك – تاياق. ەكى كۇشى كوپ ويىنشى تاياقتى يىعىنا سالادى، ءۇشىنشى ويىنشى سول تاياققا ارتىلىپ، اياعىن جەرگە تيگىزبەي، ۇشەۋىدە مەجەگە جەتۋ كەرەك. مەجەگە جەتكەن سوڭ، ورتاسىنداعى «باقا»قالىپ قويادى دا، ال ەكى ۇيرەك قايتادان جۇگىرىپ، ەكىنشى رەت باسقا «باقانى» ءىلىپ اكەلەدى. ءسويتىپ بۇكىل توپ مەجەگە جەتۋ كەرەك./مۋزىكا وينالادى/

3- ويىن. «جالماۋىز كەمپىر».
ويىننىڭ شارتى: ويىنشى ءبىر اياعىن شەلەككە سالىپ، شەلەكتى ءبىر قولىمەن ۇستايدى، ال ەكىنشى قولىمەن شۆابرا ۇستايدى، وسىلاي مەجەنى اينالىپ كەلۋ كەرەك. سودان سوڭ كەلەسى ويىنشى جالعاستىرادى./مۋزىكا وينالادى/
مەرەكە حانشايىمى: وي، جارايسىڭدار، اتا - انالار!/جەڭىسكە جەتكەن اتا - انالارعا مەدالدار تابىستايدى./
مەرەكە حانشايىمى: بۇگىن، سەندەرگە قۇتتىقتاۋعا قوناقتار كەلدى.
/قۇتتىقتاۋ ءسوز بالاباقشا مەڭگەرۋشىسىنە، اۋىل اكىمىنە، مەكتەپ ديرەكتورىنا، مادەنيەت ءۇيىنىڭ ديرەكتورى، اتا - انالار كوميتەتىنە بەرىلەدى./
مەرەكە حانشايىمى: بالالار، مىنە بۇگىنگى مەرەكەمىزدە بىتە كەلدى، ماعان دا كەتۋ كەرەك، مەن سەندەرمەن قوشتاسقىم كەلىپ تۇر. ءبىراقتا،
قوشتاسپاس بۇرىن مەن سەندەرگە اكەلگەن سيقىرلى ساندىعىمنان سىيلىقتاردى تابىس ەتەمىن. قابىل الىڭدار!
/مەرەكە حانشايىمى سيقىرلى ساندىعىنان الىپ ادەمى كامپيتتەردەن جاسالعان ءسيۋرپريزدى الىپ شىعىپ فيونا ەكەۋى كامپيتتەردى ۇلەستىرەدى جانە دە وسى ۋاقىتتا جاز كەلىپ بىلاي دەيدى/./مۋزىكا وينالىپ تۇرادى/
جاز: بالالار، بۇگىن مەيرام بولعاسىن، مەن دە سەندەرگە ءتاتتى سىيلىق اكەلدىم.
/جاز بالالارعا ءتاتتى تورت ۇلەستىرەدى/.
مەرەكە حانشايىمى: قوش بولىڭدار، بالالار!- دەپ، بالالارعا شارلار ۇلەستىرىپ كەتەدى.
جاز جانە ەرتەگى: ال، بىزدەر بالالار سەندەرمەن قوشتاسپايمىز، بىزدەر ءالى سىزدەرمەن كەزدەسەمىز، جاز بويى سەندەرمەن بولامىز. كورىسكەنشە!
جۇرگىزۋشى: وسىمەن بۇگىنگى مەرەكەلىك ويىن - ساۋىق اياقتالا كەلدى. قوش ساۋ بولىڭىزدار!