InfoHub Logo

ءبىلىم بەرۋ سالاسى: قاتىناس
ۇيىمداستىرىلعان وقۋ ءىس - ارەكەتى: اينالامەن تانىسۋ
ساباقتىڭ تاقىرىبى: «بالالارمەن بىرگە تانىمدىق تاجىريبە جۇمىستارى»
ماقساتى: سۋ تۋرالى، بىلىمدەرىن كەڭەيتۋ، سۋدىڭ قاسيەتىمەن تانىستىرۋ، ءىس – تاجىريبە جاساۋعا قىزىعۋشىلىعىن ارتتىرۋ. سۋعا قامقورلىق جاساۋعا ۇيرەتۋ.
بىلىمدىلىك ءمانى: بالالاردى سۋدىڭ قاسيەتتەرىمەن تانىستىرۋدى جالعاستىرۋ ( ءدامى جوق، ءيىسى جوق، بەلگىلى ءپىشىندى بولمايدى، ءتۇسسىز، جاقسى ەرىتكىش بولىپ تابىلادى).
دامىتۋشىلىق ءمانى: سەبەپ سالدارلىق قاتىناستاردى بەلگىلەۋ داعدىلارىن قالىپتاستىرۋ ارقىلى بالالارعا سۋدىڭ ءمولدىر بولاتىندىعى جايلى، سۋدا ءتىرى اعزالاردىڭ ءومىر سۇرە الاتىندىعى تۋرالى تۇسىنىك بەرۋ.
تاربيەشىلىك ءمانى: سۇيىسپەنشىلىك پەن قىزىعۋشىلىقتارىن ارتتىرۋ، سۋعا دەگەن ۇقىپتىلىعىن تاربيەلەۋ.
كورنەكىلىكتەر: سلايد؛ تاجىريبە جۇمىسىنا ارنالعان زاتتار؛ سۋ قۇياتىن تارەلكە، ستاقان، سىرىڭكە نەمەسە ءتىس شۇقىعىش، جۇمىرتقا، تۇز، ليمون قاعاز.
الدىن - الا جۇمىس
قانداي سۋدى ىشۋگە بولمايدى؟
قانداي سۋدى ىشۋگە بولادى؟
ءادىس – تاسىلدەر:
1. سۋ تاقىرىبىنا اڭگىمەلەسۋ.
2. سۋدىڭ قاسيەتىن انىقتاۋ، تاجىريبە جۇمىستارى
3. سۋ تۋرالى تاقپاقتار، ىرىم، تيىم سوزدەر.
ساباقتىڭ بارىسى:
ۇيىمداستىرۋ كەزەڭى:
شاتتىق شەڭبەر.
كۇننىڭ كوزى اشىلىپ،
كوكە شۋاق شاشىلسىن.
قۇتتى قوناق كەلىپتى
تورىمىزگە ەنىپتى
امانداسۋ ۇلكەنگە.
تاربيەنىڭ باسى عوي.
ال قانەكەي، ءبارىمىز
سالەم دەيىك ۇلكەنگە
سالەمەتسىزدەر مە اپايلار!
بالالار قوش كەلدىڭدەر زەرتحاناعا. بالالار بۇگىنگى ساباعىمىز ءبىزدىڭ ەرەكشە بولايىن دەپ تۇر، ويتكەنى سەندەر ءبىز بۇگىن وتكەن ساباقتاعى سياقتى زەرتەۋ، باقىلاۋ جۇمىستارىن وتكىزەمىز. ءبىز زەرتەۋ جۇمىسىن باستاماي تۇرىپ مەن سەندەرگە جۇمباق جاسىرامىن. سول جۇمباقتىڭ شەشۋىن تاپساڭدار ءبىز سوعان بايلانىستى تاجىريبە جاسايمىز.
جۇمباق:
كەسكەن بولام، كەسىلمەيدى، كەسىلسە دە بولىنبەيدى. (سۋ)
دۇرىس تاپتىڭدار، ەندى سول سۋعا بايلانىستى كىم تاقپاق بىلەدى.
سىلدىرلايدى ءمولدىر سۋ
ءمولدىر سۋعا قولىڭدى جۋ
جۋساڭ سەن ءاردايىم
اپپاق بەتىڭ ماڭدايىڭ.
تاربيەشى: تىيىم ءسوز، ماقال – ماتەل، جۇمباقتار بىلەسىڭدەر مە؟
جۇمباق شەشۋ
اياعى جوق، قولى جوق
ءبىراق تىنىش تۇرمايدى.
ساناماساڭ – قورىن تەك،
بارشا تىرشىلىك قۋرايدى. (سۋ)
تىيىم ءسوز
ىدىستاعى سۋعا اۋزىڭدى باتىرۋعا بولمايدى.
سۋ تۋرلى تاعى نە بىلەسىڭدەر؟
ماقال – ماتەلدەر:
1. سۋسىز ءومىر جوق.
2. سۋدىڭ دا سۇراۋى بار.
- سۋ سويلەي الاما؟ (سىلدىرلايدى، اعادى، سارقىرايدى، قۇيادى)
- سۋدىڭ قانداي قاسيەتى بار (سۋ جىلعادان اعادى، مۇز بولىپ قاتادى، تەڭىز بولىپ تولقيدى، اۋاعا بۋ بولىپ ۇشادى.
- سۋدىڭ ءدامى بار ما؟
- سۋدىڭ ءدامى جوق.
- سۋدىڭ ءيىسى بار ما؟
- سۋدىڭ ءيىسى جوق
- سۋدىڭ ءتۇسى جوق، ول ءمولدىر.
- بالالار سۋ تۋرالى كوپ بىلەسىڭدەر ەكەن ەندى ءبىز ءقازىر سەندەرمەن سول سۋ ارقىلى تاجىريبە جاسايمىز.
تاربيەشى:
1. تاجىريبە ستاقانداعى سۋعا شيكى جۇمىرتقانى سالامىز ول تۇبىنە باتىپ كەتەدى. ستاقاننان جۇمىرتقانى الىپ تاستايمىز.
2. تاجىريبە ستاقانداعى سۋعا 2اس قاسىق تۇزدى سالىپ شيكى جۇمىرتقانى سالامىز، جۇمىرتقا باتپاي سۋدىڭ بەتىندە تۇرادى.
3. تاجىريبە تارەلكەدەگى سۋعا سىركەنى نەمەسە ءتىس شۇقىعىشتى كۇن شاشۋعا ۇقساتىپ سالامىز، ورتاسىنا رافيناد قانتتى قويامىز. قانت پەن سىركەمىز كۇنگە ۇقسايدى. قانتتى الىپ تاستاپ ورتاسىنا ءبىر تامشى ەزىلگەن سابىندى قۇيامىز، سول كەزدە ورتادا جينالعان سىركەمىز جان-جاققا كەتەدى.
سەرگىتۋ ءساتى:
كۇن بولىپ جانايىق
ءمولدىر سۋ بولىپ اعايىق
گۇل بولىپ جاينايىق،
تەرەڭ – تەرەڭ دەپ الىپ،
جۇگىرىپ – جۇگىرىپ الايىق.
4. تاجىريبە تارەلكەگە جارتى ليموندى قىسىپ ليمون قىشقىلى قانشا بولسا سونشا سۋ قۇيامىز. اق قاعازدى الىپ ماقتا تاياقشاسىمەن ليمون قىشقىلىن قاعاز بەتىنە ۇنايتىن سوزدەردى جازۋ. قاعازدى ۇستەل ءۇستى شامىمەن كەپتىرىپ سوزدەردى وقۋ.
5. تاجىريبە 2 ستاقان بىرەۋىندە سۋ، ەكىنشىسى بوس بولادى. ستاقاندا سۋعا كاكتەلدىڭ تۇتىگىن سالىپ باس بارماقپەن باسىپ تۇرامىزدا، ەكىنشى ستاقانعا اكەلىپ سالامىز سول كەزدە تۇتىكشەدەن سۋ اعادى. وسىلاي قايتالاپ ەكىنشى ستاقانعا سۋدى قۇيىپ الۋعا بولادى. تۇتىكشەنىڭ باسىنان باس بارماقپەن باسپاساڭ سۋ اقپايدى. كورسەتكەن تاجىريبەلەردى بالالار ءوز الدارىندا قايتالايدى.
قورىتىندى:
بالالار ءبىزدىڭ جاساعان تاجىريبەنىڭ بارىنە سۋدىڭ كومەگىكەرەك بولدى سوندىقتان مەن بىلاي اياقتاعىم كەلىپ تۇر.
سۋ – ءومىردىڭ كوزى دەگەن ءسوزدى ايتقىم كەلىپ تۇر.