باردى باعالاپ، بارىندا ارەكەت ەتىپ قالىڭىزدار
ۋاقىت ىرقى سىزگە دە، بىزگە دە باعىنباق ەمەس. ول ادامزاتقا باعىنار بولسا، الەمدى الدەقاشان ادىلەتسىزدىك جايلاپ، ءومىردىڭ ءقادىرى قالماي قالعان بولار ەدى. سول ءۇشىن، ەشقاشان ۋاقىتتى وزىڭىزگە تاۋەلدى ەتۋگە تىرىسپاڭىز. ونىمەن دوس بولىڭىز. "بەكەر بەتپاقتىق" تانىتپاي، سىيىسا ءبىلىڭىز. "ۋاقىت ەمدەمەيدى" دەگەن بوس تۇسىنىگى قۋىس كەۋدەلەردىڭ. ۋاقىت ەمدەيدى. تەك ادامنىڭ ساناسىنىڭ ىقپال ەتۋىمەن. البەتتە، ەش ءىس تىندىرماي اياقتى اسپانعا كوتەرىپ، ديۆاننان تۇرىپ پۋلت الۋعا ەرىگىپ جاتار بولساڭىز، ول دا ەشتەڭە ەمدەمەيدى. قاسارىسۋ وندا جوق دەيمىسىز؟! جاراتىلعانداردىڭ بارلىعىندا دا مىنەز بار. الەمدەگىلەردى باردىڭ بارىنە وزگەشە كوزبەن قاراۋعا تىرىسىڭىز. ۋاقىتتى دا، باقىتتى دا، تابيعاتتى دا ءتىرى تىرشىلىك يەسى دەپ ساناڭىز. ونىمەن اراڭىزدى كوپ نارسە بايلانىستىرادى عوي؟! دەمەك، سىيىسا ءبىلۋ كەرەك. رەاليزمگە بوي تىرەڭىزدەر. اقيقاتتى قابىلداي الىڭىزدار. تاعدىر سىرعيدى، ۋاقىت جىلجيدى، مەزگىل اۋىسادى. جاڭا كەلگەن جىلدى دا، جاڭا مەزگىل، جاڭا ايدى دا ماحابباتپەن قارسى الىڭىز. وتكەن ايعا ەسەپ بەرىڭىز. ۋاقىتتى سىيلاڭىز. "سىيعا سىي" بۇيىرار.
كۇن سۋىدى. تابيعاتتىڭ دا مىنەز كورسەتەر شاعى باستالدى. ونى دا كوتەرە ءبىلىڭىز. وزىمشىلدىككە باسپاڭىز. وندا دا مىنەز بار تۇنىپ تۇرعان. ءار ءساتتى ءسۇيىپ، ءار ساتتەن ءلاززات الىڭىزدار. بۇل - ءومىرىڭىزدىڭ قايتا كەلمەس بولشەگى عوي؟! ەرتەڭ وياناتىنىڭىزعا كىم كەپىل؟ باردى باعالاپ، بارىندا ارەكەت ەتىپ قالىڭىزدار. سۋىقتاپ قالماڭىزدار. جىلىتاتىن ادامدارىڭىز بولعان كۇندە دە جىلى كيىنىپ جۇرىڭىزدەر!!!
You Might Also Like
-
فيلوسوفيا ما كەرەگى ؟! ءومىردى شەكسىز دەپ كىم ايتتى ساعان، ءومىر قىسقا جارىعىم شەكسىز كورمە! ساعىم بولعان، ساناۋلى ساتتەردەن قۇرالعان تۇنىقتىق سييۆولىمەن تۇسپا تۇس كەلگەندەگى تاعدىردىڭ ماعان ب...
-
ءامينا ەرعوجا قىزى ءومىرزاقوۆا (1919-2006) — تەاتر جانە كينو اكتريساسى، قازاقستاننىڭ حالىق ءارتىسى. ءا.ءومىرزاقوۆا 1919 جىلى 8 ناۋرىزدا شىعىس قازاقستان وبلىسىندا اباي اۋدانى قارااۋىلدا دۇنيەگە كەلگ...
