ءامينا ءومىرزاقوۆا
ءامينا ەرعوجا قىزى ءومىرزاقوۆا (1919-2006) — تەاتر جانە كينو اكتريساسى، قازاقستاننىڭ حالىق ءارتىسى. ءا.ءومىرزاقوۆا 1919 جىلى 8 ناۋرىزدا شىعىس قازاقستان وبلىسىندا اباي اۋدانى قارااۋىلدا دۇنيەگە كەلگەن. 1938 جىلى لەنينگرادتاعى تەاتر ينستيتۋتىن ءتامامدايدى. 10 جىل «قازاقفيلم» كينوستۋدياسىندا قىزمەت ەتەدى. 1949 جىلدان باستاپ قازاق مەملەكەتتىك بالالار مەن جاسوسپىرىمدەر تەاترىنىڭ اكتريساسى بولدى.
ءامينا ءومىرزاقوۆانىڭ كەيىپكەرلەرى — كوبىنە قايىرىمدى، سۇيكىمدى، جۇمساق مىنەزدى ايەلدەر. ش. ايمانوۆتىڭ «تاقيالى پەرىشتە» فيلمىندە ءامينا ءومىرزاقوۆا ەڭ جىلى جۇرەكتى انا رولىندە ويناعان. وندا كەيىپكەر ءوزىنىڭ جولى بولماعان ۇلىن جاقسى قىزعا ۇيلەندىرگىسى كەلەدى.
ءامينا اپاي «انا تۋرالى اڭىز» فيلمىندەگى انا ءرولى ءۇشىن لەنينگراد كينوفەستيۆالىندە «ەڭ تاڭداۋلى انا ءرولى ءۇشىن» دەگەن اتاققا، 1966 جىلى قازاق كسر مەملەكەتتىك سىيلىعىنا يە بولدى.
اكتريسا ءوزىنىڭ عاجايىپ كەيىپكەرلەرىنىڭ تىزبەگىن قۇردى. ولار — شيللەردىڭ «زۇلىمدىقپەن ماحابباتىنداعى»— لۋيزا، ءا. ءتارازيدىڭ «بۇل — مەنىڭ تاعدىرىمداعى» — انا، ب. مۇقايەۆتىڭ «قوش بول، ەرتەگىسىندەگى» — ايجان. ءامينا اپايدىڭ ورىنداۋىنداعى انا بەينەسى كىمدى بولماسىن تولعاندىرماي قويمايدى. قازاق كينوسىنىڭ ايەل-جۇلدىزدارىن ەسكە الساق، ءبىزدىڭ كوز الدىمىزعا ەڭ الدىمەن ءامينا اپايىمىزدىڭ جارقىن دا اشىق بەينەسى كەلەدى.
You Might Also Like
-
ۋاقىت ىرقى سىزگە دە، بىزگە دە باعىنباق ەمەس. ول ادامزاتقا باعىنار بولسا، الەمدى الدەقاشان ادىلەتسىزدىك جايلاپ، ءومىردىڭ ءقادىرى قالماي قالعان بولار ەدى. سول ءۇشىن، ەشقاشان ۋاقىتتى وزىڭىزگە تاۋەلدى ەتۋ...
-
ءار اۋىلدان الماتى قالاسىنا وقۋعا كەلگەن ءبىر توپ جىگىتتەر پوليتەحنيكالىق ينستيتۋتتا باستارىن قوسادى. بالالىق شاقتارىنان مۋزىكاعا اۋەس بولعان ولاردىڭ قاتارىندا — مۇرات قۇسايىنوۆ، دوسىم سۇلەيەۆ، ...
