InfoHub Logo

دايىندىق سىنىپتارى اراسىنداعى ءبىلىم مارافونى
تاقىرىبى: ءبارىن بىلگىم كەلەدى
ماقساتى:
1) وقۋشىلاردىڭ بىلىمگە دەگەن قۇشتارلىعىن، ىزدەنىسىن، قىزىعۋشىلىعىن ارتتىرۋ. لوگيكالىق ويلاۋ قابىلەتتەرىن دامىتۋ
2) كوپشىلىك الدىندا ەركىن سويلەۋگە، ءوز ءبىلىمىن كورسەتۋگە، شىعارماشىلىقپەن ەڭبەك ەتۋگە داعدىلاندىرۋ.
3) ءوزىن - ءوزى باسقارۋعا، ۇيىمشىلدىققا، ادامگەرشىلىككە، قايىرىمدىلىققا باۋلۋ.
كورنەكىلىگى: سۋرەتتەر، شارلار، گەومەتريالىق فيگۋرالار، ەرتەگى كەيىپكەرلەرى
قاتىسۋشىلار: «ا»، «ءا»، «ب»، «ۆ»

بارىسى:
ءى. ۇيىمداستىرۋ
1. وقۋشىلاردى سايىسقا دايىنداۋ
2. ءادىلقازى مۇشەلەرىمەن تانىستىرۋ

ءىى. نەگىزگى ءبولىم
جاقسى بولۋ وزىڭنەن
جامان بولۋ وزىڭنەن
ءوزىڭدى ءوزىڭ ايا دا
ءوزىڭ ۇيرەن وزىڭنەن
جاقسىلىق كورسەڭ بىرەۋدەن
«مەن قاندايمىن» دەپ ويلا
جاماندىق كورسەڭ بىرەۋدەن
«مەن قاندايمىن» دەپ ويلا – دەي وتىرىپ، بۇگىنگى «ءبارىن بىلگىم كەلەدى» اتتى دايىندىق سىنىپتارى اراسىندا وتكەلى وتىرعان ءبىلىم سايىسىنا قوش كەلدىڭىزدەر!

بۇگىنگى سايىسىمىز تاپسىرمالار مەن سۇراقتاردان تۇرادى. تاپسىرمالاردى مۇقيات تىڭداپ توپپەن اقىلداسىپ، جاۋاپ بەرۋلەرىڭ كەرەك.
الدىمەن بۇگىنگى شارانىڭ شارتىمەن تانىستىرايىن
1 ءبولىم. توپپەن تانىستىرۋ.
2 ءبولىم. «وي شيراتۋ». سۇراقتار قويۋ
3 ءبولىم. «كىم كوپ بىلەدى؟». سۋرەت بويىنشا اڭگىمەلەۋ
4 ءبولىم. «كىم تاپقىر؟» ماتەماتيكا بويىنشا 3 تاپسىرما
5 ءبولىم. «ىزدەنگەن جەتەر مۇراتقا» لوگيكالىق تاپسىرما
6 ءبولىم. تاپقىر بولساڭ تاۋىپ كور سۋرەت بوياۋ
7 ءبولىم. مەن ەلىمنىڭ بولاشاعىمىن وي قورىتۋ

1. ءار توپ وزدەرىن تانىستىرادى توپتىڭ اتى، ۇرانى، قۇرامى
1 «تالاپ»
2 «سۇڭقار»
3 «بولاشاق»

2. وي شيراتۋ سۇراق - جاۋاپ
بايگەگە ءتۇسىپ جارىسپاي،
جۇيرىكتىڭ باعى جانار ما؟
بىلىممەن ونەر جاراسىپ،
تاربيە – ءتالىم تابار ءمان.
بۇل بايگە – ويدىڭ بايگەسى،
كىم جۇيرىك ويعا، سول الدا.

1 بۇگىن نەشىنشى كۇن؟
2. نەشىنشى سىنىپتا وقيسىڭدار؟
3. ۇستازدارىڭنىڭ اتى - ءجونىن بىلەسىڭدەر مە؟
4 مەكتەپتەرىڭ قالاي اتالادى؟
5. سايىسقا قاتىسىپ وتىرعان ءوز توبىڭدا نەشە وقۋشى بار؟
6. ءقازىر جىلدىڭ قاي مەزگىلى؟
7. اعاشتاردا نەگە جاپىراقتار جوق؟
8. سەنىڭ تۇراتىن اۋىلىڭ قالاي اتالادى؟
9. ءبىزدىڭ باس قالامىز قاي قالا؟
10. جانۋاردا ەكى وڭ اياق، ەكى سول اياق، جانە ەكى الدىڭعى اياق، ەكى ارتقى اياق بار؟ سوندا ونىڭ نەشە اياعى بولعانى؟
11. ءشوپتىڭ اراسىندا قوياندار تىعىلىپ وتىر. ولاردىڭ 4 قۇلاعى كورىنەدى. نەشە قويان تىعىلىپ وتىر؟
12. اعاشتىڭ باسىندا 5 قۇس وتىر ەدى. 2 - ەۋى ۇشىپ كەتتى. نەشە قۇس قالدى؟

3. اقىل – تاستان، ونەر جاستان، شىعادى دەپ دارىندى
حالىق ايتسا، حالىق ءسوزى
ءارقاشاندا نانىمدى. – دەپ كەلەسى ءبولىم «كىم كوپ بىلەدى؟» سۋرەت بويىنشا اڭگىمەلەۋ

سوناۋ - سوناۋ الىسقا، ءجۇزسىن دەسەڭ كەمەلەر،
تىلسىم - سىرلى عارىشقا، ۇشسىن دەسەڭ دەنەلەر،
جاساۋ ءۇشىن ءبارىڭ دە
ماتەماتيكا -
ەڭ ماڭىزدى عىلىم بۇل،
سوندىقتان دا، سوندىقتان دا سول عىلىمنىڭ ءتىلىن ءبىل.

4 «كىم تاپقىر؟» ماتەماتيكا باعىتى بويىنشا ءارتۇرلى تاپسىرمالار بەرەمىن

5. سىرلارى كوپ ءبىلىمنىڭ،
شەشىلمەگەن ءالى دە.
تەرەڭدىگى ءبىلىمنىڭ
كەرەك ەكەن بارىنە – دەپ، كەلەسى ءبولىمدى لوگيكالىق تاپسىرمالارعا بەرەمىز.

6. كانە ءبارىمىز ورتاعا جينالىپ شەڭبەر قۇرىپ وتىرايىق. كازىر مەن ورتاعا اسىق شاشامىن كىم كوپ اسىق جينايدى سول وقۋشى كەلەسى ءبولىم بويىنشا ءسوز باستايدى. بۇل ءبولىم «مەن ەلىمنىڭ بولاشاعىمىن»دەپ اتالادى. اركىم ءوزىنىڭ بولاشاقتا كىم بولعىسى كەلەتىنى تۋرالى ايتىپ بەرەدى.

ءىىى. قورىتىندى
مىنە، بالالار، سايىسىمىز دا ءوز مارەسىنە جەتتى. مەن سەندەرگە «بولاشاقتا ەلىمىزدى كوركەيتەتىن ءبىلىمدى ۇل - قىز بولىڭدار، ارماندارىڭ ورىندالا بەرسىن»دەپ ءسوز كەزەگىن ءادىلقازىلار القاسىنا بەرەمىن.
ماراپاتتاۋ