بارىنە دە تۇسىنەم،
ءبارىن بىلەم،
ءبىراق بىلمەن ءوزىمنىڭ ءالىمدى مەن.
پايدام دا جوق ەشكىمگە، زيانىم دا،
ۇيالتۋعا قاقىم جوق، ۇيالۋعا.
جاياۋلاتىپ ءجۇرىپ-اق، دامەم كۇشتى،
قۇرىق سالام قۇلانعا قيالىمدا.
قالقاسىندا ءجۇرىپ-اق قالتارىستىڭ،
كۇشىم بار دەپ، كۇشىندەي الپامىستىڭ،
كەلسىن شامام كەلمەسىن، شارۋام جوق،
گەركۋلەسپەن كەلەدى ارپالىسقىم.
ولاي كورەم ءوزىمدى، بۇلاي كورەم،
ءوزىمدى-وزىم پاتشا، قۇداي كورەم.
كەسىلمەگەن تۇساۋى نارەستەدەي،
كەزدەسكەننىڭ بارىنەن قۇلاي بەرەم.
شابىت، اشۋ، شاتتىق، مۇڭ، ۇيات قالىپ،
جۇرگەن ءجاي بار، وسىلاي كۇي اقتارىپ.
بيلەي الماي ءجۇرمىن مەن ءبىر باسىمدى،
روبوتى بىرەۋدىڭ سياقتانىپ.
بارىنە دە تۇسىنەم،
ءبارىن بىلەم،
ءبىراق بىلمەن ءوزىمنىڭ ءالىمدى مەن...

---