InfoHub Logo

توپتاماداعى ساباقتار ءتىزىمى:
1. كارىم ساۋعابايەۆ «نان تۋرالى ولەڭ»
2. س.سارعاسقايەۆ "شىبىق"
3. ارا مەن شىبىن
4. ءابىش كەكىلباي «تاسباقانىڭ ءشوبى»

تاقىرىبى: ارا مەن شىبىن
ماقساتى: مىسالدى تالداي وتىرىپ يدەيالىق مازمۇنىن اشۋ، تۋىندىنىڭ تىلدىك كوركەمدىگىن جەتكىزۋ.
مىندەتتەرى: وي پىكىرلەرىن ورتاعا سالۋ، ىزدەندىرۋ ارقىلى لوگيكالىق ويلاۋ قابىلەتتەرىن، تانىمدىق بەلسەندىلىكتەرىن، اكتەرلىك شەبەرلىكتەرىن ارتتىرۋ؛
وقۋشىلاردى ادام بويىنداعى جاقسى جامان قاسيەتتەردى اجىراتا بىلۋگە، ومىرگە قاجەتىن تاڭداي الۋعا تاربيەلەۋ.
رەسۋرستار: پلاكات، ماركەر، قيما قاعازدار، كەستەلەر، كارتوچكا، وقۋلىق.
ستراتەگيالار: «ميعا شابۋىل»، «كلاستەر»، «بلۋم جۇيەسى»

بارىسى:
1. پسيحولوگيالىق احۋال.
2. قىزىعۋشىلىقتى وياتۋ
جانۋارلار، قۇستار، جاندىكتەردىڭ اتى جازىلعان قيما قاعازدار ارقىلى «جانۋارلار»، «قۇستار»، «جاندىكتەر» دەپ جازىلعان توپتارعا بارىپ وتىرادى.
3. توپ ۇستانىمىن ەسكە ءتۇسىرۋ.
4. باعالاۋ تۋرالى وقۋشىلارعا ءتۇسىندىرۋ.
- بالالار، بۇگىنگى ساباعىمىز « بلۋم جۇيەسى» ارقىلى وتەدى. ءبىلۋ - ءتۇسىنۋ - قولدانۋ - اناليز - سينتەز - باعالاۋ.
5. ءبىلۋ ساتىسى. قۇزىرەتتىلىك تەحنولوگياسى بويىنشا ءۇي تاپسىرماسىن سۇراۋ.
- ساحنالىق كورىنىس تۇرىندە كورسەتۋ،
- بەرىلگەن ويدى تولىقتىرىپ جازىپ، مىسالدىڭ مازمۇنىن ەسكە ءتۇسىرۋ.
- توپتاستىرۋ سىزباسىن پايدالانىپ كەيىپكەرلەردىڭ ءىس - ارەكەتىنە مىنەزدەمە بەر.

كەيىپكەر:
كەيىپكەرلەردىڭ ءىس - ارەكەتى:
مەن كەيىپكەردىڭ ورنىندا بولسام.......
- اققۋ، شورتان، شايان مىنەزدەس ادامدار ومىردە كەزدەسە مە؟
- ال وزدەرىنىڭ بويلارىڭدا كەزدەسە مە؟ كەزدەسسە اباي اتامىز ايتقانداي ءوز - وزىمىزدەن ەسەپ الۋ ارقىلى ونى جويۋىمىز كەرەك.
6. ءتۇسىنۋ ساتىسى. جاڭا ساباق. «كلاستەر» ءادىسى.
- ادام بويىندا تاعى قانداي قاسيەتتەر بار؟
- بۇگىن ادام بويىنداعى قاسيەتتەردى سيپاتتايتىن « ارا مەن شىبىن» مىسالىمەن تانىسامىز.
- وقۋشىلار ساباقتىڭ ماقساتىن قويادى.
7. « ميعا شابۋىل» ستراتەگياسى.
1 - توپ – ارا، شىبىن تۋرالى نە بىلەسىڭدەر؟
2 - توپ – قوناق كۇتۋ، قوناقجايلىق دەگەندى قالاي تۇسىنەسىڭدەر؟
3 - توپ – و. اۋباكىروۆ ءومىرى، شىعارمالارى.
8. وقۋلىقپەن جۇمىس.
- رولدەرگە ءبولىپ وقىتۋ
- سۇراق – جاۋاپ
- شىبىن اراعا نە دەدى؟
- ارا وعان نەگە بىردەن كەلىسە سالمادى؟
- شىبىننىڭ قوناقتى دۇرىستاپ كۇتكىسى كەلمەي تۇرعانىن ونىڭ قاي سوزدەرىنەن بايقاۋعا بولادى؟
- ەگەر سەن ارانىڭ ورنىندا بولساڭ، نە ىستەر ەدىڭ؟
- مىسالدا ادامداردىڭ قانداي قىلىعى سىنالادى؟
- وسىنداي ادامدار ومىردە كەزدەسە مە؟

9. قولدانۋ ساتىسى. شىبىن مەن ارانىڭ ارەكەتىنە باعا بەرە وتىرىپ، ولاردىڭ قانداي ەكەنىن كەستە بويىنشا سيپاتتاپ جاز.
و. اۋباكىروۆ تۋرالى نە بىلەسىڭ؟
شىبىن (قانداي؟)
ارا ( قانداي؟)
10. اناليز ساتىسى.
تاقىرىبى: ارا مەن شىبىن
اۆتورى: و. اۋباكىروۆ
جانرى: مىسال
كەيىپكەرلەرى: ارا، شىبىن
نەگىزگى يدەيا: ارا سياقتى ەڭبەكقور، قوناقجاي، تالاپتى، ادال بولۋ
قورىتىندى: جالقاۋلىقتان، ەرىنشەكتىكتەن، جامان قاسيەتتەردەن اۋلاق بولۋ
11. سينتەز ساتىسى. سيتۋاسيالىق جاعدايلار. ءار توپ سيتۋاسيالىق جاعدايلاردى توپتا تالقىلاپ، ورتاق شەشىمىن تاۋىپ قورعايدى.
پىكىرتالاس
ارا مەن شىبىننىڭ ءىس - ارەكەتى دۇرىس جانە دۇرىس ەمەس دەگەن پىكىردە پىكىر تالاستىرۋ.
12. باعالاۋ ساتىسى. رەفلەكسيا. مىسالدان قانداي ويدى اڭعاردىڭدار، قانداي قورىتىندى تۇيدىڭدەر؟
وقۋشىلاردىڭ الدارىنا بەرىلگەن كريتەريي بويىنشا توپتار ءبىر – ءبىرىن باعالايدى.
13. ءۇي تاپسىرماسى.
مىسالدى جان - جاقتى تالداۋ، مىسالدىڭ ۇناعان جەرىنەن ءۇزىندى الىپ جاتتاپ كەلۋ.