InfoHub Logo

«زاڭنان اقىلدى بولۋدىڭ قاجەتى جوق» دەگەن ەكەن الەمگە ايگىلى فيلوسوف پلاتون. راسىندا دا زاڭ قوعامدى، وندا بولىپ جاتقان ءتۇرلى ماسەلەلەر مەن شيەلەنىسكەن وقيعالاردى شەشۋشى قۇرال. ياعني، بۇل تۇرعىدا زاڭگەرلەردىڭ دە الاتىن ورنى ەرەك. دەمەك، بەلگىلى ءبىر جۇيە بويىنشا جۇمىس جاسايتىن، حالقى تارتىپكە باعىناتىن مەملەكەت قۇرۋ ءۇشىن بىلىكتى زاڭگەر مامانداردى دايىنداۋ - مىندەت.

سوڭعى جىلدارى ەل اراسىندا ءبىلىمسىز زاڭ سالاسىنىڭ ماماندارى كوبەيگەن دەگەن پىكىرلەر قالىپتاستى. بۇل ماسەلە الدىمەن وسى سالادا شاكىرت تاربيەلەپ جۇرگەن ۇستازداردى تولعاندىراتىنى انىق. ال، ەل ابىرويىن اسقاقتاتار بەدەلدى ازاماتتاردى تۇلەك ەتكەن ءال-فارابي اتىنداعى قازاق ۇلتتىق ۋنيۆەرسيتەتىنىڭ زاڭ فاكۋلتەتى اتالمىش پىكىردى مۇلدەم جوققا شىعارادى. وعان دالەل دە جوق ەمەس.

ەڭ العاش 1934 جىلى ەلىمىزدەگى ەڭ بەلدى ۋنيۆەرسيتەتتەردىڭ بىرىندە زاڭ فاكۋلتەتى قۇرىلىپ، ءوز قىزمەتىن باستادى. سول كەزدىڭ وزىندە باسەكەگە قابىلەتتى مامان دايىنداۋدى باستى ماقسات ەتكەن ءبىلىم ورداسى 2018- جىلعا دەيىن شامامەن 35 مىڭعا جۋىق تۇلەكتى ۇياسىنا قوندىرعان. قازىرگى تاڭدا مەملەكەتتىك ماڭىزى بار ىستەردە، پروكۋراتۋرا، سوت، نوتاريۋستاردا، ىشكى ءىستر ورگاندارىندا  حالىق يگىلىگى ءۇشىن قىزمەت ەتىپ جۇرگەن شاكىرتتەر ءالى كۇنگە دەيىن ۇلتتىق ۋنيۆەرسيتەت باسشىلىعى مەن ۇستازدارىنا العىستارىن جاۋدىرىپ كەلەدى. اتالمىش تۇلەكتەر فاكۋلتەتىمىزدىڭ ايناسى دەسەك تە ارتىق ايتقانىمىز بولماس.

ءال-فارابي اتىنداعى قازاق ۇلتتىق ۋنيۆرسيتەتىندەگى بەدەلدى فاكۋلتەتتەردىڭ ءبىرى بولىپ سانالاتىن ءبىزدىڭ ۇجىمدا ءوز مىندەتىن مۇلتىكسىز اتقارىپ كەلە جاتقان دارىندى ۇستازدار بارشىلىق. ايتا كەتسەك، قازىرگى تاڭدا ق ر ۇعا اكادەميگى، ز.ع.د.، پروفەسسور س.س. سارتايەۆ، ز.ع.د.، پروفەسسور د.ل. بايدەلدينوۆ، ز.ع.د.، پروفەسسور ا.ن. اعىبايەۆ، ز.ع.د.، پروفەسسور تىنىبەكوۆ سەريككالي تىنىبەكوۆيچ، ز.ع.د.، پروفەسسور دجانسارايەۆا ريما ەرەناتوۆنا سىندى وتىزعا جۋىق دوكتور مەن پروفەسسورلار، عىلىم كانديداتتارى مەن دوسەنتتەر، 12 PhD دوكتورى مەن وقىتۋشىلار ستۋدەنتتەردى ءبىلىم نارىمەن سۋسىنداتىپ كەلەدى. ال، ءوز كەزەگىندە قارا شاڭىراقتان ءبىلىم الىپ، تۇلەپ ۇشىپ، ارتىنان ەرگەن جاس ۇرپاققا بەرەرىم بولسىن دەگەن شاكىرتتەر ارنايى ءدارىس وتكىزىپ تۇرادى.

سونىمەن قاتار ۇنەمى كوش باستاپ جۇرەتىن زاڭ فاكۋلتەتىنىڭ جەتىستىكتەرى دە از ەمەس. 2011-2012 وقۋ جىلىنداعى ءال-فارابي اتىنداعى قازاق ۇلتتىق ۋنيۆەرسيتەتىنىڭ فاكۋلتەتتەر رەيتينگىسى بويىنشا 2ء-شى ورىندى يەلەنسە، ءدال سول جىلى «ءال-فارابي تىنداعى قازۇۋ فاكۋلتەتىنىڭ ۇزدىك عيماراتى» بايقاۋىندا دا اتالمىش 2ء-شى ورىنعا تۇراقتادى. ال 2015 جىلى ۇزدىك فاكۋلتەتتەر اراسىنداعى بايقاۋدا 2- ءشى ورىندى قاناعات قىلدى. فاكۋلتەت ستۋدەنتتەردىنىڭ جان-جاقتىلىعىن، بەلسەندىلىگىن، تالانتتىلىعىن دالەلدەيتىن جۇلدەلەر دە از ەمەس. ولار: 2014 جىلى «ءبىرىنشى كۋرس ستۋدەنتتەرىنىڭ كۇنى» اتتى سپورتتىق مەرەكەسىنىڭ باعدارلاماسىندا ارقان تارتىس بويىنشا 2ء-شى ورىن، «1-كۋرس تالانتتارى-2014» كوركەمونەرپازار بايقاۋىندا زاماناۋي بي نوميناسياسى بويىنشا 2ء-شى ورىن، 2018 جىلى وتكەن ءداستۇرلى تازالىق بايقاۋىندا 1- ءشى ورىن.

بۇل ءبىلىمدى مامان مەن بەلسەندى شاكىرت بىرلىگى نەگىزىندە فاكۋلتەتتىڭ جەتكەن ۇلكەن جەتىستىكتەرى. جوعارىدا اتاپ وتكەنىمىزدەي، ءال-فارابي اتىنداعى قازۇۋ-دىڭ زاڭ فاكۋلتەتى زاڭگەرلەر دايىندايتىن ەڭ ۇلكەن مەكتەپ. «زاڭ – مەملەكەتتىڭ توعىز قابات، تور كوزدى ساۋىتى» دەگەن ەكەن شەرحان مۇرتازا. ال حالقىنا قالقان بولار ۇزدىكتەردىڭ ۇزدىگىن دايىنداۋ ءبىزدىڭ پارىز.

الكەبايەۆا دجانات اقبەرگەنوۆنا 

ءال-فارابي اتىنداعى قازۇۋ زاڭ فاكۋلتەتى

ازاماتتىق قۇقىق جانە ازاماتتىق ءىس جۇرگىزۋ،

ەڭبەك قۇقىعى كافەدراسىنىڭ وقىتۋشىسى 

---